10-Feb-2021

ମୁମ୍ବାଇ (ପ୍ରେରଣା ଖବର ବ୍ୟୁରୋ) : ମୁମ୍ବାଇ ବର୍ସୋବା ଏଲପିଜି ଗୋଦାମରେ ସିଲିଣ୍ଡର ବିସ୍ଫୋରଣ ହୋଇଛି। ବିସ୍ଫୋରଣରେ ୪ଜଣ ଗୁରୁତର ଆହତ ହୋଇଛନ୍ତି। ବର୍ସୋବା ଅଞ୍ଚଳରେ ଏଲପିଜି ସିଲିଣ୍ଡର ଗୋଦାମରେ ନିଆଁ ଲାଗିବ ପରେ ସ୍ଥାନୀୟ ଅଞ୍ଚଳରେ ଚାଞ୍ଚଲ୍ୟ ଖେଳି ଯାଇଛି। ଗୋଦାମରେ ନିଆଁ ଲାଗିବା ପରେ ଅନେକ ସିଲିଣ୍ଡର ବିସ୍ଫୋରଣ ହୋଇଥିଲା। ଯାହାଫଳରେ ଭୟାବହ ଅଗ୍ନିକାଣ୍ଡ ଘଟିଛି। ୧୬ଟି ଅଗ୍ନିଶମ ଗାଡି ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିବାକୁ ଚେଷ୍ଟା କରୁଛି କିନ୍ତୁ ଏବେ ସୁଦ୍ଧା ନିଆଁକୁ ଆୟତ୍ତ କରାଯାଇପାଇନାହିଁ।

ପ୍ରାପ୍ତ ସୂଚନା ଅନୁଯାୟୀ, ବୁଧବାର ସକାଳୁ ଏଲପିଜି ସିଲିଣ୍ଡର ଗୋଦାମରେ ନିଆଁ ଲାଗିଥିଲା। ଦେଖୁ ଦେଖୁ ନିଆଁ ପୁରା ଗୋଦାମରେ ବ୍ୟାପି ଯାଇଥିଲା। ଆହତ ଲୋକଙ୍କୁ କପୁର ହସ୍ପିଟାଲରେ ଭର୍ତ୍ତି କରାଯାଇଛି। ଗୋଦାମ ନିକଟରେ ଏକ ସ୍କୁଲ ଓ ଏକ ହସ୍ପିଟାଲ ମଧ୍ୟ ରହିଛି ଯାହା ଚିନ୍ତାର କାରଣ ପାଲଟିଛି।

ସୂଚନା ଅନୁଯାୟୀ, ଆଜି ସକାଳ ୧୦ଟା ୧୦ ମିନିଟରେ ହଠାତ ଗୋଦାମରେ ନିଆଁ ଲାଗିଯାଇଥିଲା। ଗୋଦାମରେ ଅନେକ ସିଲିଣ୍ଡର ଥିଲା। ସେଥିପାଇଁ ଗୋଟିଏ ସିଲିଣ୍ଡର ବିସ୍ଫୋରଣ ପରେ ନିଆଁ ବ୍ୟାପି ଯାଇଥିଲା। ସ୍ଥାନୀୟ ଅଞ୍ଚଳଲି ଖାଲି କରାଯାଉଛି। ଅଗ୍ନିଶମ କର୍ମଚାରୀ ପହଞ୍ଚି ନିଆଁ ଲିଭାଇବା ଜାରି ରଖିଛନ୍ତି।