17-Jul-2026

କଟକ,(ତପନ ମହାନ୍ତି ସାମ୍ବାଦିକ): ଦୀର୍ଘ ୨୬ ବର୍ଷ ଧରି ଗଣେଶ ଚତୁର୍ଥୀରେ ଜୟ ଭାରତ ଫାଉଣ୍ଡେସନ ତାର ପ୍ରତିଷ୍ଠା ଦିବସକୁ  ଧୁମ୍ ଧାମରେ ପାଳି ଆସୁଥିବା ବେଳେ ଚଳିତ ବର୍ଷ ୨୭ ତମ ପ୍ରତିଷ୍ଠା ଦିବସକୁ ଜାକଜମକରେ ପାଳନ କରିବ। ଏ ନେଇ ଏକ ପ୍ରସ୍ତୁତି ବୈଠକ ଭାରତ ମସଲା କମ୍ପାନୀ ପରିସରରେ ପରିଚାଳନା ନିର୍ଦ୍ଦେଶକ ସୁଶାନ୍ତ ପଣ୍ଡାଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇ ଯାଇଛି । 

କମ୍ପାନୀ ତାର ଦାୟିତ୍ୱ ବୋଧତା କାର୍ଯ୍ୟକ୍ରମକୁ ସବୁବେଳେ ପ୍ରାଧାନ୍ୟ ଦେଇ ଆସୁଛି। ଵିଶେଷ କରି ଆମ ରାଜ୍ୟର ବିଭିନ୍ନ କ୍ଷେତ୍ରରେ ପାରଦର୍ଶିତା ଲାଭ କରି ଦେଶ ବିଦେଶରେ ନାଁ କରିଥିବା ବିଦ୍ୟାର୍ଥୀ ଓ ବ୍ୟକ୍ତି ବିଶେଷଙ୍କୁ ଭାରତ ଗୌରବ, ସେବା ଭାରତ,କଥା ଭାରତ,ସଂସ୍କୃତି ଭାରତ, କ୍ରୀଡ଼ା ଭାରତ,ବିଦ୍ୟା ଭାରତ ସମ୍ମାନ ସହ ପ୍ରୋତ୍ସାହନ ରାଶି ପ୍ରଦାନ କରି ଆସୁଛି। ତେବେ ଚଳିତ ବର୍ଷ ଫାଉଣ୍ଡେସନ ଏହି ଦାୟିତ୍ୱ ବୋଧାତା ଆଉ ଟିକେ ଗମ୍ଭୀର କରି ଦେଇଛି।ଫଳ ସ୍ୱରୂପ ମହିଳା ସ୍ୱୟଂ ସହାୟକ ଗୋଷ୍ଠୀ ମାନଙ୍କ ଦ୍ୱାରା ଉତ୍ପାଦିତ ଦ୍ରବ୍ୟ ବିଲାତି ବାଇଗଣ, ଶୁଖିଲା/କଞ୍ଚା ଲଙ୍କା, ଅଦା ଓ ମକା ଆଦି କୃଷି ଜାତ ଦ୍ରବ୍ୟ କ୍ରୟ କରି ସେମାନଙ୍କ ମଧ୍ୟରେ ଉଦ୍ୟୋଗୀ ହେବାର ସମ୍ଭାବନା ସୃଷ୍ଟି କରିଛି। ଏହି ପରିପ୍ରେକ୍ଷୀରେ ମହିଳା ଓ କୃଷକ ମାନଙ୍କୁ ପ୍ରୋତ୍ସାହନ ଯୋଗାଇଦେବା ପାଇଁ
 ଜୟ ଭାରତ ଫାଉଣ୍ଡେସନ ଚଳିତ ବର୍ଷ ନୂତନ ଭାଵେ 'ଲଘୁ ଉଦ୍ୟୋଗ ଭାରତ ' ସମ୍ମାନ ପ୍ରଦାନ ପାଇଁ ବୈଠକ ରେ ସ୍ଥିର ହୋଇଥିବା ଭାରତ ମସଲା ପରିଚାଳନା ନିର୍ଦେଶକ ସୁଶାନ୍ତ କୁମାର ପଣ୍ତା କହିଛନ୍ତି। ସେହିପରି ସାହିତ୍ୟର ମାନ କୁ
ଅକ୍ଷୁର୍ଣ୍ଣ ରଖିବାକୁ ଚଳିତ ବର୍ଷ ମଧ୍ୟ ନିର୍ଦେଶିକା ନନ୍ଦିତା ପଣ୍ତା ଙ୍କ ସମ୍ପାଦନାରେ "ସମ୍ଭାବାମି ଭାରତ" ପୁସ୍ତିକା ପ୍ରକାଶ ପାଇବ। ଏଥିରେ ବରିଷ୍ଠ ଲେଖକ ମାନଙ୍କର ଲେଖା ପ୍ରକାଶ ପାଇବ। ତେବେ ଇଚ୍ଛୁକ ଲେଖକ/ କବି(ନୂତନ)  ମାନଙ୍କ ଲେଖା ପସନ୍ଦ ହେଲେ ସେମାନଂକୁ ପୁରସ୍କୃତ କରାଯିବ ବୋଲି ସ୍ଥିର ହୋଇଛି। ଆଜିର ବୈଠକରେ ଜୟ ଭାରତ ଫାଉଣ୍ଡେସନର ଅଧ୍ୟକ୍ଷ ତଥା ପ୍ରତିଷ୍ଠାତା ସୁରେନ୍ଦ୍ର ନାଥ ପଣ୍ତା, ନିର୍ଦ୍ଦେଶକ ଶ୍ରୀମନ୍ତ କୁମାର ପଣ୍ତା, ଦିଗନ୍ତ କୁମାର ପଣ୍ତା, ଆଶୁତୋଷ ପଣ୍ଡା, ନିର୍ଦ୍ଦେଶିକା ଏସ୍ ଏନ୍ ମିଲେନିୟମ,ମହାପ୍ରବନ୍ଧକ ବିପିନ୍ ରାଉତ,ମହାପ୍ରବନ୍ଧକ ଅପରେସନ ଅରୁଣ କୁମାର ନାୟକ, ଉତ୍ପାଦନ ମୁଖ୍ୟ ନବକ୍ରୀଷ୍ଣା ପ୍ରଧାନ, ସମ୍ଭାବାମୀ ଭାରତ ପତ୍ରିକା ର ସହଯୋଗୀ ସମ୍ପାଦକ ପ୍ରଫୁଲ୍ଲ କୁମାର ମହାନ୍ତି, ପ୍ରୋଗ୍ରାମ ସହଯୋଗୀ ସନ୍ତୋଷ ଦାଶ ପ୍ରମୁଖ ଯୋଗ ଦେଇ ଆଗାମୀ କାର୍ଯ୍ୟକ୍ରମ ପାଇଁ ବିଭିନ୍ନ ପ୍ରସ୍ତାବ ଦେଇଥିଲେ।