16-Jul-2026

ବରପାଲି (ସୁଦାମ ଦୀପ )ବରଗଡ଼ ଜିଲ୍ଲା ଉପକଣ୍ଠରେ ଅବସ୍ଥିତ କଟାପାଲି ଡିଗ୍ରୀ ମହାବିଦ୍ୟାଳୟ ଅଧ୍ୟକ୍ଷା ଶ୍ରୀମତୀ ଦିପ୍ତୀମୟୀ ପାଣିଗ୍ରାହୀ ଙ୍କ ଅଧ୍ୟକ୍ଷତାରେ ଶକ୍ତିଶ୍ରୀ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଅଛି। ମଞ୍ଚାସିନ ଅତିଥି ଭାବେ ସଭାପତି କେଦାର ମିଶ୍ର, ସଂପାଦକ ଗୋବିନ୍ଦ ଦାଶ, ଉପଦେଷ୍ଟା ଗୌରଚନ୍ଦ୍ର କର, ଅକ୍ଷୟ ପ୍ରଧାନ, ରମେଶ ସାହୁ ଅତିଥି ଭାବେ ଯୋଗଦେଇ ବରିଷ୍ଠ ମାନଙ୍କ ସେବା କରିବାକୁ ଛାତ୍ର ଛାତ୍ରୀ ମାନଙ୍କୁ ଉଦବୋଧନ ଦେଇଥିଲେ । ବରଗଡ଼ ଜିଲ୍ଲା ବରିଷ୍ଠ ନାଗରିକ ସଂଘ ସଭାପତି କେଦାର ମିଶ୍ର ମୁଖ୍ୟ ଅତିଥି ଭାବେ ଯୋଗଦେଇ ଘରେ ଥିବା ବୃଦ୍ଧା ମାଆ ବାପା ଙ୍କୁ କିପରି ସ୍ନେହ ମମତାରେ ରଖି ତାଙ୍କ ଶେଷ ଜୀବନ କିପରି ଆନନ୍ଦରେ କଟିବ ସେ ଉପରେ ବକ୍ତବ୍ୟ ଉପସ୍ଥାପିତ କରିଥିଲେ । ସଂପାଦକ ଗୋବିନ୍ଦ ଦାଶ ଭିଡିଓ ମାଧ୍ୟମରେ ଛାତ୍ରଛାତ୍ରୀମାନଙ୍କୁ ସଚେତନ କରିଥିଲେ । ଅନ୍ୟ ମାନଙ୍କ ମଧ୍ୟରେ ସର୍ବଶ୍ରୀ ଗୌରଚନ୍ଦ୍ର କର,ନିର୍ମଳ କିଶୋର କର, ଦେବୀ ପ୍ରସାଦ ପଟ୍ଟନାୟକ, ଆନନ୍ଦ ପ୍ରଧାନ, ସୌକିଲାଲ ତ୍ରିପାଠୀ,ମାଧବ ସାହୁ, ପ୍ରଦୀପ ସାହୁ, ରବିନ୍ଦ୍ର ପ୍ରଧାନ, ସୌମେନ୍ଦ୍ର ବିଶ୍ବାଳ, ତୁଳା ରାମ ବାରିକ, ସୁଜାତା ମଲ୍ଲିକ, ଲକ୍ଷ ପତି ପୋଢ, ମହେନ୍ଦ୍ର ପ୍ରଧାନ, ଅଶ୍ବିନୀ କୁମାର ସାହୁ,ବିରବଳ ମଲ୍ଲିକ ଓ ଆହୁରି ଅନେକ ଯୋଗଦେଇ ନିଜ ନିଜ ବକ୍ତବ୍ୟ ଉପସ୍ଥାପନ କରିଥିଲେ । ଶେଷରେ ଅଧ୍ୟାପିକା ସ୍ବାଗତିକା ବଗର୍ତ୍ତି ଧନ୍ୟବାଦ ଅର୍ପଣ କରିଥିଲେ ।