16-Jul-2026

ଡୁଙ୍ଗୁରିପାଲି(ଆରବିନ୍ଦ ମିଶ୍ର): ସୁବର୍ଣ୍ଣପୁର ଜିଲା ଡୁଙ୍ଗୁରିପାଲି ବ୍ଲକ ଅନ୍ତର୍ଗତ ଦିଗଶିରା ସ୍ଥିତ ସରକାରୀ ଉଚ୍ଚ ବିଦ୍ୟାଳୟର ନୂତନ ପରିଚାଳନା କମିଟି ବୁଧବାର ଗଠନ କରାଯାଇଛି |ଭାରପ୍ରାପ୍ତ ପ୍ରଧାନ ଶିକ୍ଷକ ଅକ୍ଷୟ କୁମାର ଦାସଙ୍କ ଅଧକ୍ଷତାରେ ଅନୁଷ୍ଠିତ ବୈଠକରେ  ଅଭିଭାବିକା ଅଭିଭାବକଙ୍କ ମଧ୍ୟରୁ ବିଭିନ୍ନ ବର୍ଗର ୧୫ଜଣଙ୍କୁ  ପରିଚାଳନା କମିଟିର ସଦସ୍ୟ ଭାବେ ମନୋନୀତ କରାଯାଇଥିଲା | ସର୍ବସମ୍ମତି କ୍ରମେ ସହଦେଵ ପଧାନଙ୍କୁ ସଭାପତି ଏବଂ ସୁମିତ୍ରା ପଧାନଙ୍କୁ ଉପସଭାପତି ଭାବେ ଚୟନ କରାଯାଇଥିଲା | ସେହିପରି  ନଳିନୀ ବାଗ, ରିତା ବିଭାର, ଯଶସ୍ବୀନ ଶିକା, ସୁଜାତା ମେହେର, ହରିପ୍ରିୟା ମେହେର, ତପସ୍ୱିନୀ ମେହେର, ସୁରଭି ମେହେର, ବବିତା ମେହେର, ଅଶୋକ ପଧାନ, ବିଜୟ ପୁଟେଲ, ମହେଶ୍ୱର ସୁନା, ବିଜୁ ସାହୁ ଏବଂ ଦିଲୀପ ରଣା ପ୍ରମୁଖଙ୍କୁ କମିଟିର  ସଦସ୍ୟ ଭାବେ ମନୋନୀତ କରାଯାଇ ଥିଲା | ଅଙ୍ଗନୱାଡ଼ି କର୍ମୀ  ଦୀପିକା ଜେନା,ଆଶା ରଞ୍ଜିତା ରଣା ଏବଂ ୱାର୍ଡ ମେମ୍ବର ଆନନ୍ଦ ମେହେରଙ୍କୁ ଉପଦେଷ୍ଟା ଭାବେ ମନୋନୀତ କରାଯାଇଛି |ସିଆରସିସି ଦିଲୀପ କୁମାର ପଧାନ କମିଟି ଗଠନରେ ଯୋଗ ଦେଇ ପରିଚାଳନା କମିଟି ଗଠନର ଉଦେଶ୍ୟ ଓ ଆଭିମୁଖ୍ୟ ସମ୍ପର୍କରେ ଆଲୋକପାତ କରିଥିଲେ | ନୂତନ କମିଟି ଗଠନ ହେଵା ଦ୍ଵାରା ବିଦ୍ୟାଳୟ ରେ ଗୁଣାତ୍ମକ ଶିକ୍ଷାର ପ୍ରସାର, ମଧ୍ୟାହ୍ନ ଭୋଜନର ତଦାରଖ, ଛାତ୍ରୀଛାତ୍ରଙ୍କ ସୁରକ୍ଷା,ସ୍କୁଲ ପରିବେଶର ଯତ୍ନ ନେବା ଓ ସ୍ୱାସ୍ଥ୍ୟ ସମ୍ୱନ୍ଧୟୀ ବିଭିନ୍ନ ପ୍ରସଙ୍ଗର ସମୀକ୍ଷା ପାଇଁ ପ୍ରତି ମାସ ବୈଠକ କରିବ ବୋଲି ସିଆରସିସି ପଧାନ ସୂଚନା ପ୍ରଦାନ କରିଥିଲେ |ଅନ୍ୟ ପକ୍ଷେ ନୂତନ ଭାବେ ପରିଚାଳନା କମିଟି ମନୋନୀତ ସଭାପତି ସହଦେଵ ପଧାନ, ଛାତ୍ରୀଛାତ୍ରଙ୍କ ଖାଇବା ମଧ୍ୟାହ୍ନ ଭୋଜନ ଗୃହ ଖୁବ ଶୀଘ୍ର କରାଯିବ ବୋଲି କହିଥିଲେ | ନୂତନ ମନୋନୀତ କମିଟିରେ ୯ଜଣ  ମହିଳା ଓ ୬ ଜଣ ପୁରୁଷ ରହିଛନ୍ତି। କମିଟି ଗଠନରେ ବରିଷ୍ଠ ଶିକ୍ଷୟତ୍ରୀ ଅଞ୍ଜନା ବାଗ, ବାବୁଲାଲ ବଣିଆ ଉପସ୍ଥିତ ରହି ସହଯୋଗ କରିଥିଲେ |