15-Jul-2026

ଡୁଙ୍ଗୁରିପାଲି(ଆରବିନ୍ଦ ମିଶ୍ର): ସୁବର୍ଣପୁର ଜିଲ୍ଲା ଡୁଙ୍ଗୁରିପାଲି ବ୍ଲକ ରାମପୁର ଥାନା ଅଂଚଳରେ ଆଜି ମଦ ପିଇ ଗୋଟିଏ ପରିବାରର ଦୁଇ ଭାଇଙ୍କ ମୃତ୍ୟୁ ହୋଇଥିବା ଅଂଚଳରେ ଚର୍ଚ୍ଚାର ବିଷୟ ପାଳଟିଛି । ପ୍ରାପ୍ତ ସୂଚନା ଅନୁସାରେ ଗଜବନ୍ଧ ଗ୍ରାମର ସନ୍ତୋଷ ରାଜହଂସ (୩୮), ତେଜରାଜ ରାଜହଂସ (୪୨) ଏବଂ ଅନ୍ୟ ଭାଇ ସବୁଠାରୁ ବଡ । ସନ୍ତୋଷ ରାଜହଂସ ଅତାବିରା ଅଂଚଳରେ ଏକ ସିକ୍ୟୁରିଟି ଗାଡ ଭାବରେ କାମ କରନ୍ତି। ଅନ୍ୟ ଭାଇ ମାନେ ଗାଁରେ ରହନ୍ତି । ବଡଭାଇର ଝିଅ ଗାଁରେ ବିବାହ କରିଛି । ତାଙ୍କର ଏକ ପୁଅର ଆଜି ଅନ୍ନ ପ୍ରାସନ କାର୍ଯ୍ୟକ୍ରମ ରହିଥିଲା । ସନ୍ତୋଷ ଏବଂ ମଝିଆ ଭାଇ ତେଜରାଜ ଦୁହେଁ ମଦ ପିଇଥିଲେ । ବଡ ଭାଇ ପରେ ପିଇବି ବୋଲି କହିଥିଲେ ବୋଲି ଅଂଚଳରେ ଆଲୋଚନା ହେଉଛି । ଦୁଇ ଭାଇ ମଦ ପିଇବା ପରେ ଅସୁସ୍ଥ ହୋଇ ପଡିଥିଲେ। ସଙ୍ଗେ ସଙ୍ଗେ ସାନ ଭାଇ ସନ୍ତୋଷକୁ ଡୁଙ୍ଗୁରିପାଲି ଡାକ୍ତରଖାନାକୁ ଆଣିଥିଲେ । ସେତେବେଳକୁ ତାଙ୍କର ମୃତ୍ୟୁ ହୋଇଯାଇଥିବା ଡାକ୍ତର ପ୍ରକାଶ କରିଛନ୍ତି । ଅନ୍ୟ ଭାଇ ତେଜରାଜକୁ ବରପାଲି ଡାକ୍ତରଖାନା ନିଆଯାଇଥୁଲା । ସେଠାରେ ତାଙ୍କର ମୃତ୍ୟୁ ଘଟିଛି । ଖବର ପାଇ ରାମପୁର ଥାନାଧୁକାରିଣୀ ବିନୋଦିନୀ ବରିହା ଡୁଙ୍ଗୁରିପାଲି ଡାକ୍ତରଖାନା ପହଂଚି ଶବ ଜବତ କରି ଏକ ଅପମୃତ୍ୟୁ ମାମଲା ଋଜୁ କରି ଶବ ବ୍ୟବଚ୍ଛେଦ ପାଇଁ ବିନିକା ପଠାଇଛନ୍ତି । ଶବ ବ୍ୟବଚ୍ଛେଦ ରିପୋର୍ଟ ଆସିବା ପରେ ମୃତ୍ୟୁର କାରଣ ଜଣା ପଢିବ ବୋଲି ପୁଲିସ ପକ୍ଷରୁ ସଫେଇ ଦିଆଯାଇଥିବା ବେଳେ ପରିବାରର ଜଣେ ସଦସ୍ୟ ‘ମଦ ପିଇ ମୋର କାକାର ମୃତ୍ୟୁ ହୋଇଛି’ ବୋଲି ବୟାନ ଦେଇଛି । ମଦ

କେଉଁଠି ଆସିଥିଲା, ତାହା ବିଷାକ୍ତ ଥୁଲା କି, ସେଥ୍‌ରେ ଅନ୍ୟ କୌଣସି ରାସାୟନିକ ଦ୍ରବ୍ୟ ମିଶା ଯାଇଥୁଲା କି ? ଯାହାକି ପୁଲିସ ପାଇଁ ଏକ ଚାଲେଞ୍ଜ ସୃଷ୍ଟି କରିଛି । ଗତ କିଛି ଦିନ ହେବ ରାମପୁର ଥାନା ଅଂଚଳରେ ଦେଶୀ ରନ୍ଧା ମଦର ବନ୍ୟା ଛୁଟିଥୁବା ଖୋଦ ରାମପୁର ସରପଂଚ ମନୋଜ ପୁରୋହିତଙ୍କ ସମେତ ଗ୍ରାମର ଶତାଧୁକ ମହିଳା, ସଚେତନ ବ୍ୟକ୍ତି ଥାନା ଏବଂ ପ୍ରସାଶନ ନିକଟରେ ଅଭିଯୋଗ କରିଆସିଥିଲେ । ଏହି ଅଂଚଳ ନିଶା କାରବାରର ହପ ପାଳଟିଛି ବୋଲି ମଧ୍ଯ ଏମାନେ ଆଗରୁ ଅଭିଯୋଗ କରି ଆସୁଛନ୍ତି । ଯାହାକି ଆଜି ପ୍ରମାଣିତ ହେବାରେ ଲାଗିଛି ।