15-Jul-2026

ସଇଁତଳା (ପ୍ରେରଣା ଖବର): ସଇଁତଲା ବ୍ଲକସ୍ତରୀୟ ଖେଳ କୁଦ, କାର୍ଯ୍ୟକାରୀ କମିଟିର ଏକ ବୈଠକ ବାଳିକା ବିଦ୍ୟାଳୟ ସଇଁତଲାରେ ଅନୁଷ୍ଠିତ ହୋଇଛି। ଅତିରିକ୍ତ ଗୋଷ୍ଠୀ ଶିକ୍ଷା ଅଧିକାରୀ ଶ୍ରୀଯୁକ୍ତ ନାରାୟଣ ଭୋଇଙ୍କ ସଭାପତିତ୍ୱରେ ଅନୁଷ୍ଠିତ ଏହି ବୈଠକ ରେ କେରମେଲୀ ଜୋନ ର ସଭାପତି  ସରୋଜ ମିଶ୍ର, ଟିକ୍ରାପଡା ଜୋନ ସଭାପତି ଭୀମସେନ ଦେହେରୀ, ଗଣ୍ଡପତରାପାଲି ର ଜୋନ ସଭାପତି, ଅନିଲ ସାହୁ, ଶିଷକେଲାର ପ୍ରଧାନ ଶିକ୍ଷକ ମନୋଜ ବେହେରା ବ୍ଲକ ସମ୍ପାଦିକା ରଞ୍ଜିତା ମିଶ୍ର ମଂଚାସୀନ ହୋଇଥିଲେ।ପ୍ରତ୍ୟେକ ଜୋନ ର ସମ୍ପାଦକ, ପ୍ରସନନ ବାଗ, ଜିତେନ୍ଦ୍ର ନାୟକ, ରଂଜିତ କୁଆଁର, ନରୋତ୍ତମ ମଲ୍ଲିକ, କାର୍ଯ୍ୟକାରୀ ସଦସ୍ୟ, ଖେଳ ଶିକ୍ଷକ ସୁଦର୍ଶନ ନାୟକ, ବିନୋଦ ବିହାରୀ ବେହେରା ଉପସ୍ଥିତ ଥିଲେ। ଏଥିରେ ବ୍ଲକ ସମ୍ପାଦିକା, ଗତ ବର୍ଷ ର ବଜେଟ ଓ ଚଳିତ ବର୍ଷର ବଜେଟ ଉପସ୍ଥାପନା

କରିଥିଲେ। ତତ ସହିତ ଗତ ବର୍ଷର ସମସ୍ତ ଖେଳକୁଦର ବିବରଣୀ ପଠନ କରିଥିଲେ। ଗତ ବର୍ଷ ୪୯ଖେଳାଳି ରାଜ୍ୟ ସ୍ତରୀୟ ଖେଳରେ ଅଂଶଗ୍ରହଣ କରିଥିଲେ ଓ ୧୬ ଜଣ ଖେଳାଳି ଜାତୀୟ ସ୍ତରୀୟ ଖେଳ ରେ ଅଂଶଗ୍ରହଣ କରିଥିବା କଥା ବ୍ଲକ ସମ୍ପାଦିକା ସୂଚନା ଦେଇଥିଲେ।ଏହି ଖେଳକୁ ଜୋନ ରୁ କିପରି ଭଲ ଭାବରେ ହୋଇ, ବ୍ଲକକୁ ଖେଳାଳି ଆସିବେ ଏବଂ ରାଜ୍ୟ ଓ ଜାତୀୟସ୍ତରରେ ଆହୁରି ଅଂଶଗ୍ରହଣ କରିବେ ସେହି ଉପରେ ସମସ୍ତେ ଆଲୋଚନା କରି ଦିଗଦର୍ଶନ ଦେଇଥିଲେ। ଜୋନ ସମ୍ପାଦକ ମାନେ ତାଙ୍କ ଜୋନ ର ବିବରଣୀ ଦେଇ ଥିଲେ। ଶେଷରେ ପ୍ରଶାସନ ବାଗ ଧନ୍ୟବାଦ ଅର୍ପଣ କରିଥିଲେ।