01-Jul-2026

ନବରଙ୍ଗପୁର:-(ପ୍ରିୟଦର୍ଶିନୀ ପାତ୍ର)
 ଡାବୁଗାଁ ରେ ଜିଲା କଂଗ୍ରେସ ଡାକରାରେ ପୁସ୍ତକ ବିଭ୍ରାଟ କୁ ନେଇ 12ଘଣ୍ଟିଆ ବନ୍ଦ ପାଳନ ହୋଇଛି । ଏହି ବର୍ଷ ଛାତ୍ର ଛାତ୍ରୀ ଙ୍କ ପାଇଁ ଛପା ଯାଇଥିବା ପାଠ୍ୟ ପୁସ୍ତକ ରେ ବହୁ ମାତ୍ରାରେ ଭୁଲ ପାଠ ଲେଖାଯାଇଛି । ଯାହାଫଳରେ ଛାତ୍ର ଛାତ୍ରୀ ଙ୍କ ଶିକ୍ଷ୍ୟା ଉପରେ ବହୁତ ପ୍ରଭାବ ପକାଇବ ତେଣୁ ପୁସ୍ତକ ବିଭ୍ରାଟ କୁ କେନ୍ଦ୍ର କରି ନବରଙ୍ଗପୁର ଜିଲ୍ଲା କଂଗ୍ରେସ ଡାକରାରେ ଡାବୁଗାଁ ଠାରେ ବନ୍ଦ ପାଳନ ହେଲା। ଏହି ଆନ୍ଦୋଳନର ମୁଖ୍ୟ ଉଦ୍ଦେଶ୍ୟ ହେଲା ପାଠ୍ୟ ପୁସ୍ତକ ବିଭ୍ରାଟ ଯୋଗୁଁ ଗଣଶିକ୍ଷା ମନ୍ତ୍ରୀ ନିତ୍ୟାନନ୍ଦ ଗଣ୍ଡ ଙ୍କ ଇସ୍ତଫା ଦାବି । ଏହି ବନ୍ଦ ପାଳନ ଯୋଗୁଁ ଡାବୁଗାଁ ଠାରେ ଅନେକ ଗାଡ଼ିମୋଟର ଅଟକି ରହିବା ସହ ସମୂର୍ଣ୍ଣ ଦୋକାନ ବଜାର ବନ୍ଦ ହୋଇଥିବା ଦେଖାଯାଇଛି । ଯାହା ଫଳାରେ ଯାତାୟତ କରୁଥିବା ଲୋକେ ହନ୍ତସନ୍ତ ହେଇଥିଲେ । ଏହି ବନ୍ଦ ପାଳନ ସମୟରେ ଡାବୁଗାଁ ବ୍ଳକ୍ କଂଗ୍ରେସ ସଭାପତି ଜି. ସାଇ ରାଜୁ, ଜୋନ ୧ ସଭାପତି ପ୍ରକାଶ ଚନ୍ଦ୍ର ପଣ୍ଡା, ଜୋନ ୨ ସଭାପତି ବଂଶୀଧର ମାଝୀ, ବୋରୀଗାଁ ସରପଞ୍ଚ ଶୁକ୍ରୁ ଭତ୍ରା, ଚଇତୁ କଲାର, ଶସିଧର ମାଝୀ ,  ପ୍ରମୂଖ କଂଗ୍ରେସ କର୍ମୀ ଉପସ୍ଥିତ ରହି ରାସ୍ତା ରୋକ କରିଥିଲେ । ନିୟନ୍ତ୍ରଣ ପାଇଁ ଡାବୁଗାଁ ପୋଲିସ ସଜାଗ ରହିଥିବା ଦେଖାଯାଇଛି ।