01-Jul-2026

କଟକ(ତପନ ମହାନ୍ତି)      କଟକ ସଦର ପଞ୍ଚାୟତ ସମିତି କାର୍ଯ୍ୟାଳୟରେ ସରକାରୀ ଯୋଜନାରେ ବ୍ୟାପକ ଅନିୟମିତତା,ଦୁର୍ନୀତି ଓ କାର୍ଯ୍ୟାଳୟ ପରିସରରେ ସରକାରୀ କ୍ଵାଟର ଅପବ୍ୟବହାର ହେଉଥିବା ନେଇ ସୂଚନାଅଧିକାର କର୍ମୀ ଜିତେନ୍ଦ୍ର କୁମାର ସାହୁ ଆରଟିଆଇରେ ଏବାବଦରେ ତଥ୍ୟ ମାଗିଥିଲେ।ଧାର୍ଯ୍ୟ ସମୟସୀମା ମଧ୍ୟରେ ତଥ୍ୟ ନମିଳିବାରୁ ୨ଟି କେସରେ ପ୍ରଥମ  ଅପିଲ କରିଥିଲେ।ଅପିଲ ଶୁଣାଣୀ ଗତ ଜୁନ ୨୫ ଓ ଆସନ୍ତା ୩୦ତାରିଖରେ ଶୁଣାଣୀ କରିବା ପାଇଁ ଚିଠି କରିଥିଲେ। ଜୁନ ୨୫ତାରିଖ ଦିନ ଜିତେନ୍ଦ୍ର ପ୍ରଥମ  ଅପିଲ ଶୁଣାଣୀ ପାଇଁ କଟକସଦର ବିଡିଓ ଅଫିସ ଯାଇ ଅଫିସରେ ଫାଇଲ କାର୍ଯ୍ୟ କରୁଥିବା କର୍ମଚାରୀଙ୍କୁ କେସ୍ ଶୁଣାଣୀ ସମ୍ପର୍କରେ ପଚାରିବା ବେଳେ କହିଥିଲେ ବିଡିଓ ନାହାଁନ୍ତି ଆଜି ଆରଟିଆଇରେ କିଛି ଦେଇ ହେବନାହିଁ ହଠାତ ଉତକ୍ଷିପ୍ତ ହୋଇ କାହିଁକି ଆରଟିଆଇ ମାଗି ଆମକୁ ହଇରାଣ କରୁଛ ଏହାପରେ ଜିତେନ୍ଦ୍ର ଉକ୍ତ କର୍ମଚାରୀଙ୍କ ପରିଚୟ ପଚାରିବାରୁ କହିଲେ ମୁଁ ବିକାଶ ପ୍ରଧାନ କିରାଣୀ ଅଛି କହି ବିକାଶ ଚୌକିରୁ ଉଠିଆସି ଜିତେନ୍ଦ୍ରଙ୍କୁ ପେଲିଦେଇ ଦୁର୍ବ୍ୟବହାର କରିବା ସହ ପାଖରେ ଏକ ଖାଲିଘରକୁ ବିକାଶ ଯାଇ ଜିତେନ୍ଦ୍ରଙ୍କୁ ଘରକୁ ଡାକିଥିଲେ ଜିତେନ୍ଦ୍ର ନଯିବାରୁ ତାଙ୍କୁ ଅଶ୍ଳୀଳ ଗାଳିଗୁଲଜ ସହ ଅଫିସ ଆସିଲେ ଚୋରି,ଜାତିଆଣ ମହିଳା ମିଥ୍ୟାକେସରେ ଫସାଇଦେବି ଏସମ୍ପର୍କରେ ଜିତେନ୍ଦ୍ର ଏବିଡିଓଙ୍କୁ ଜଣାଇବା ସହ ନିକଟସ୍ଥ ସିଆରଆରଆଇ ଥାନା,ରାଜ୍ୟ ସୂଚନା କମିଶନ, ବିଡିଓଙ୍କୁ ଲିଖିତ ଜଣାଇବା ସହ ଜନଶୁଣାଣୀ ପୋର୍ଟାଲରେ ମୂଖ୍ୟମନ୍ତ୍ରୀ, ପଞ୍ଚାୟତରାଜ ଓ ପାନୀୟ ଜଳ ବିଭାଗକୁ ଜଣାଇଛନ୍ତି।ଏହି ସ୍ଥାନରେ ଥିବା ସିସିଟିଭି ଓ ଉକ୍ତ ଦିନର ଉପସ୍ଥିତ ଅଧିକାରୀ, କର୍ମଚାରୀଙ୍କ ନାମ,୨୫ତାରିଖ ଘଟଣା ସ୍ଥାନର ସିସିଟିଭି ଫୁଟେଜ୍ ଆରଟିଆଇରେ ଜିତେନ୍ଦ୍ର କଟକସଦର ପଞ୍ଚାୟତ ସମିତି ଜନସୂଚନା ଅଧିକାରୀଙ୍କୁ ଆରଟିଆଇରେ ମାଗିଛନ୍ତି।
    ସୂଚନା ଥାଉକି ଦୁର୍ବ୍ୟବହାର କରିଥିବା ବିକାଶ ପ୍ରଧାନ ନାମକ ଯୁବକ ଗତ ମାର୍ଚ୍ଚ ମାସରୁ କାର୍ଯ୍ୟରୁ ଅବସର ନେବା ପରେ କଟକସଦର ପଞ୍ଚାୟତ ସମିତି କାର୍ଯ୍ୟାଳୟକୁ କେଉଁ ଆଦେଶ ବଳରେ ଅଫିସ କାର୍ଯ୍ୟ କରୁଛନ୍ତି ଏବଂ ଏହାକୁ ବିଡ଼ିଓ ପ୍ରତୀକ ସାହୁ ପ୍ରଶୟ ଦେଉଥିବା ନେଇ ପ୍ରଶ୍ନବାଚୀ ସୃଷ୍ଟି ହେଉଛି।ଏହାଦ୍ୱାରା ସରକାରୀ କାଗଜପତ୍ର କେତେ ସୁରକ୍ଷିତ,ଏଥିରେ ଆଉକିଛି ମନ୍ଦ ଉଦ୍ଦେଶ୍ୟ ଥିବା ସେନେଇ ସନ୍ଦେହ ସୃଷ୍ଟି ହୋଇଛି। ସୂଚନାଅଧିକାର ଆଇନରେ ତଥ୍ୟ ନମିଳିବାରୁ ପ୍ରଥମ ଅପିଲ ଶୁଣାଣୀ ତାରିଖ ପାଇଁ ଚିଠିକରି ଅପିଲ ଶୁଣାଣୀ ପାଇଁ ଡକାଇ ସରକାରୀ କାର୍ଯ୍ୟାଳୟରେ ସୂଚନାଅଧିକାର କର୍ମୀଙ୍କୁ ଦୁର୍ବ୍ୟବହାର କରିବା ଘଟଣା ଏକ ନିନ୍ଦନୀୟ କଥା ଏହି ଘଟଣାର ଉଚ୍ଚସ୍ତରୀୟ ତଦନ୍ତ ସହ ଆଇନଗତ କାର୍ଯ୍ୟାନୁଷ୍ଠାନ ଓ ନ୍ୟାୟ, ସୁରକ୍ଷା ଦାବୀ କରିଛନ୍ତି ଜିତେନ୍ଦ୍ର।