01-Jul-2026

ବିନିକା(ହିମାଂଶୁ ଶେଖର ପୁଟେଲ)ସୁବର୍ଣ୍ଣପୁର ଜିଲ୍ଲା ବିନିକା ଅଞ୍ଚଳରେ ଗତକାଲି ମଙ୍ଗଳବାର ବିଳମ୍ବିତ ରାତିଠାରୁ ପବନ ଘଡ଼ଘଡ଼ି ସହ ମୂଷଳଧାରାରେ ବର୍ଷା ଲାଗି ରହିଛି ।୧୨ଘଣ୍ଟା ହେଲା ଅନବରତ ଭାବେ ବର୍ଷା ହେଉଥିବାରୁ ଘରୁ ପଦାକୁ କେହି ବାହାରି ପାରୁ ନାହାନ୍ତି।ଫଳରେ ରାସ୍ତା ଘାଟ ପୂରାପୂରି ଶୂନଶାନ ହୋଇପଡିଛି ।ଚଳିତ ଗ୍ରୀଷ୍ମ ଋତୁରେ ଖରା ତାତି ଓ ଗୁଲୁଗୁଲିର ଅସହ୍ୟ ଯନ୍ତ୍ରଣା ଭୋଗୁଥିବା ବିନିକା ବାସୀ ବର୍ଷା ଯୋଗୁଁ  ଉତ୍ତପ୍ତ ମାଟି ଶୀତଳ ପରେ ଟିକିଏ ଆସ୍ବସ୍ଥି ପାଇଥିବା ଜଣାପଡ଼ିଛି।ସେହିପରି ଅନ୍ୟ ପକ୍ଷରେ ଚଳିତ ଖରିଫ ଚାଷ ଆରମ୍ଭ ପାଇଁ ଚାଷୀ ମନରେ ଆଶା ସଞ୍ଚାର ବଢିଛି ।ବର୍ଷା ଯୋଗୁଁ ବିଭିନ୍ନ ରାସ୍ତା ଗୁଡିକରେ ପାଣିର ଢେଉ ଖେଳୁଥିବା ଦେଖିବାକୁ ମିଳିଛି। ତେବେ ବହୁଦିନରୁ ଚାଷୀ ବର୍ଷାକୁ ଚାତକ ପରି ଅନେଇ ରହିଥିବା ବେଳେ ଗତକାଲି ଠାରୁ ଲାଗି ରହିଥିବା ଅନବରତ ବର୍ଷା ଚାଷୀ ମନରେ ନୂଆ ଆଶା ଉଦ୍ଧିପନା ସୃଷ୍ଟି କରିଛି ।କାରଣ ପ୍ରାକୃତିକ ବିପର୍ଯ୍ଯୟ ସମସ୍ୟା ହେଉ ଅବା ଟୋକନ କି ଧାନ ବିକ୍ରି ସମସ୍ୟା ହେଉ ସବୁଥିରେ ଚାଷୀ କଷ୍ଟ ସହିବାକୁ ପଡୁଛି।ହେଲେ ଏଥର ଆରମ୍ଭରୁ ବର୍ଷାକୁ ନେଇ ଚାଷୀ ମନରେ ଅମଳ ଆଶା ଅଧିକ ହେବ ବୋଲି ଆଶଙ୍କା ପ୍ରକାଶ ପାଇଛି।ତେବେ ମଧ୍ୟରାତ୍ରିରୁ ମୂଷଳଧାରାରେ ବର୍ଷା ଓ ଘଡଘଡି ଜନଜୀବନକୁ ଅସ୍ତବ୍ୟସ୍ତ କରିପକାଇଛି ।କିଛି ସ୍ଥାନରେ  ପାଣି ନିଷ୍କାସନ ହେଉ ନଥିବାରୁ ଗମନାଗମନରେ ଅସୁବିଧା ସୃଷ୍ଟି କରିଛି।