09-Feb-2021

ଲୋଇସିଂହା, (ବିନୋଦ କୁମାର ଦୀପ ): ଲୋଇସିଂହା ବ୍ଲକ ଲୋଇସିଂହା ବ୍ଲକ ଶିକ୍ଷାଧିକାରୀଙ୍କ କାର୍ଯ୍ୟାଳୟ ଆଗରେ ବ୍ଲକ ସ୍ତରୀୟ ଦିବ୍ୟାଙ୍ଗ ଛାତ୍ରଛାତ୍ରୀଙ୍କୁ ସହାୟକ ଉପକରଣ ବଣ୍ଟନ ଶିବିର ଅନୁଷ୍ଠିତ ହୋଇଯାଇଛି l ଆଜିର ଏହି ଶିବିରରେ ମୁଖ୍ୟଅତିଥି ଭାବେ ଲୋଇସିଂହା ବିଧାୟକ ଡ଼. ମୁକେଶ ମହାଲିଙ୍ଗ ପ୍ରଦୀପ ପ୍ରଜ୍ବଳନ କରି ଦିବ୍ୟାଙ୍ଗ ଛାତ୍ରଛାତ୍ରୀଙ୍କ ସମସ୍ୟା ର ସମାଧାନ ଓ  ଭବିଷ୍ୟତ କେମିତି ଉନ୍ନତି, ଉଜ୍ୱଳମୟ ହେବ ସେ ଦିଗରେ ବକ୍ତବ୍ୟ ରଖିଥିଲେ l ସରକାରଙ୍କ ତରଫରୁ ଯେଉଁ ସବୁ ଦିବ୍ୟାଙ୍ଗଙ୍କ ଉନ୍ନତି ଦିଗରେ ପଦକ୍ଷେପ ତା ସହ ନିଜ ମାଧ୍ୟମରେ ଯେତେ ସମ୍ଭବ ସାହାଯ୍ୟ ଓ ସହଯୋଗର ହାତ ବଢାଇବା ଲାଗି କହିଲେ l ଶିକ୍ଷାଧିକାରୀ ଓ ଡାକ୍ତରଙ୍କୁ ମଧ୍ୟ ଦିବ୍ୟାଙ୍ଗ ପରିବାରଙ୍କ ଆଗରେ ଛାତ୍ରଛାତ୍ରୀଙ୍କ  ଯେଉଁ ସମସ୍ୟା ରହିଛି ତାର ସମାଧାନ ଲାଗି ପରାମର୍ଶ ଦେଲେ l ସମ୍ମାନିତ ଅତିଥିଭାବେ ଲୋଇସିଂହା ବିଡ଼ିଓ ରାମଚନ୍ଦ୍ର ଖାଡିଆ ସରକାରଙ୍କ ତରଫରୁ  ବ୍ଲକ ଲେବେଲରେ ଦିବ୍ୟାଙ୍ଗ ଲାଗି ଯେଉଁସବୁ ଉନ୍ନତିମୂଳକ କାର୍ଯ୍ୟ ରହିଛି ତାକୁ ଯଥାଶୀଘ୍ର କରାଯିବା ଲାଗି କହିଲେ l ଏହି ଶିବିରରେ ଦିବ୍ୟାଙ୍ଗଙ୍କ ଲାଗି ତିନି ଚକିଆ ସାଇକେଲ, ଶ୍ରବଣ ଯନ୍ତ୍ର ଓ ବେଗ ମାନ ବଣ୍ଟନ କରାଯାଇଥିଲା l ଅନ୍ୟ ଅତିଥି ମଧ୍ୟରେ ବ୍ଲକ ଶିକ୍ଷ୍ୟାଧିକାରୀ ରୀନା କୁମାରୀ ବେହେରା, ଅଭିଭାଷଣରେ ଡ଼. ସଂଜୀବ ବିଶ୍ୱାଳ, ସୁରେନ୍ଦ୍ର 

କୁମାର ଭୋଇ, ରାଜକିଶୋର ସାହୁ, ଶୁଭଶ୍ରୀ ମିଶ୍ର (ଏ.ଏଲ) ଉପସ୍ଥିତ ଥିଲେ l ମଞ୍ଚକୁ ପରିଚାଳନା କରିଥିଲେ କରୁଣାକର ପଟେଲ ଓ ପର୍ଶୁରାମ ସୁନା l ଏହି ଶିବିରରେ ଲୋଇସିଂହା ବ୍ଲକର ବହୁ ସଂଖ୍ୟାରେ ଦିବ୍ୟାଙ୍ଗ ଛାତ୍ରଛାତ୍ରୀ ଯୋଗ ଦେଇଥିଲେ l ବିଜେପି କର୍ମକର୍ତା ମଧ୍ୟରେ ଗୌରାଙ୍ଗ ନାଏକ, ରାଜୁ ସାହୁ, ବାହାଦୁର ନନ୍ଦ, ଭୁତନାଥ ନାଏକ, ଗୌତମ କୁଅଁର ଶିବିରରେ ଅଂଶଗ୍ରହଣ କରିଥିଲେ l ଶେଷରେ ପର୍ଶୁରାମ ସୁନା ଧନ୍ୟବାଦ ଅର୍ପଣ କରି କାର୍ଯ୍ୟ ସମାପ୍ତ କରିଥିଲେ l