09-Jun-2026

ବିନିକା(ହିମାଂଶୁ ଶେଖର ପୁଟେଲ) ସୁବର୍ଣ୍ଣପୁର ଜିଲ୍ଲା ବିନିକା ସିଦ୍ଧାର୍ଥ ଡିଗ୍ରୀ କଲେଜର ଛାତ୍ର ସତ୍ୟନାରାୟଣ ଭୁଏ ଚଳିତ ୨୦୨୬ ଶିକ୍ଷାବର୍ଷ ରାଜେନ୍ଦ୍ର ବିଶ୍ୱବିଦ୍ୟାଳୟ ଦ୍ୱାରା ଶୁକ୍ରବାର ପ୍ରକାଶିତ ସ୍ନାତକ ପରୀକ୍ଷା ଫଳରେ ଶିକ୍ଷା ସମ୍ମାନରେ ୮.୬୯ ସିଜିପିଏ ହାସଲ କରି ବିଶ୍ୱବିଦ୍ୟାଳୟ ଟପ୍ପର ହୋଇଛନ୍ତି। ତାଙ୍କର ଏହି ସଫଳତା କଲେଜ ସହ ବିନିକା ଅଞ୍ଚଳ ପାଇଁ ଗୌରବ ଆଣିଛି।ଅନୁସୂଚିତ ଜନଜାତି ସମ୍ପ୍ରଦାୟର ସତ୍ୟନାରାୟଣଙ୍କ ବାପା ବରୁଣ ଭୁଏ ଜଣେ କୃଷକ। ଆର୍ଥିକ ସଂଘର୍ଷ ଭିତରେ ବି ସେ ପାଠପଢା ଜାରି ରଖି ଏହି ସଫଳତା ପାହାଚ ହାସଲ କରିଛନ୍ତି। ଭବିଷ୍ୟତରେ ସେ ଜଣେ ଅଧ୍ୟାପକ ହେବାର ଲକ୍ଷ୍ୟନେଇ ପାଠ ପଢା ଆରମ୍ଭ କରିଥିଲେ lତାଙ୍କ ସଫଳତା ପଛରେ ଶିକ୍ଷା ବିଭାଗୀୟ ମୁଖ୍ୟ ଅଧ୍ୟାପିକା ବିଘ୍ନେଶ୍ୱରୀ ପୂଜାରୀଙ୍କ ନିରନ୍ତର ମାର୍ଗଦର୍ଶନ ରହିଛି ବୋଲି ପ୍ରକାଶ କରିଛନ୍ତି ।ସେହିପରି  ମହାବିଦ୍ୟାଳୟର ଅଧ୍ୟକ୍ଷ ଡ. ଧୀରେନ୍ଦ୍ର କୁମାର ନାୟକ, ସମସ୍ତ ଅଧ୍ୟାପକ-ଅଧ୍ୟାପିକାଙ୍କ ସହ ନିଜ ପରିବାର ବର୍ଗଙ୍କୁ ଏହି ସଫଳତାର ସହଯୋଗ ଯୋଗୁଁ ଆଜି ମୁଁ ନିଜକୁ ଗର୍ବିତ ମନେ କରୁଛି ବୋଲି କହିଛନ୍ତି  l “ବିଶ୍ୱବିଦ୍ୟାଳୟ ସ୍ତରରେ ଟପ୍ପର ହେବା ସହଜ ନୁହେଁ। କଠିନ ପରିଶ୍ରମ ଓ ଗୁରୁଜନଙ୍କ ମାର୍ଗଦର୍ଶନରେ ନିୟମିତ ପାଠ ପଢ଼ିଲେ ନିଶ୍ଚିତ ସଫଳତା ମିଳେ”, ବୋଲି ସତ୍ୟନାରାୟଣ ପ୍ରତିକ୍ରିୟାରେ କହିଛନ୍ତି।ସତ୍ୟନାରାୟଣଙ୍କ ଏହି ଉଲ୍ଲେଖନୀୟ ସଫଳତା ପାଇଁ କଲେଜ ପକ୍ଷରୁ ତାଙ୍କୁ ସମ୍ବର୍ଦ୍ଧିତ କରାଯିବ ବୋଲି ଅଧ୍ୟକ୍ଷ ଡ଼କ୍ଟର ଧୀରନ୍ଦ୍ର ନାୟକ ସୂଚନା ଦେଇଛନ୍ତି।