26-May-2026

ଭୁବନେଶ୍ୱର, (ସମୀର ରଞ୍ଜନ ନାୟକ ):ଓଡ଼ିଶା ସରକାର ବରିଷ୍ଠ IPS ଅଧିକାରୀ ଦୟାଲ ଗଙ୍ଗୱାରଙ୍କର ବଦଳି କରି ତାଙ୍କୁ ଗୃହ ବିଭାଗରେ OSD (Officer on Special Duty) ଭାବେ ନିଯୁକ୍ତ କରିଛନ୍ତି। ଏହି ବଦଳି ରାଜ୍ୟ ପ୍ରଶାସନିକ ମହଳରେ ଚର୍ଚ୍ଚାର ବିଷୟ ପାଲଟିଛି। ବିଶେଷ କରି ବାଲିଅନ୍ତାରେ ଘଟିଥିବା ସୌମ୍ୟ ହତ୍ୟାକାଣ୍ଡ ପରେ ଦୟାଲ ଗଙ୍ଗୱାରଙ୍କ ନାମ ବିବାଦରେ ଆସିଥିବାରୁ ଏହି ବଦଳିକୁ ନେଇ ବିଭିନ୍ନ ମହଳରେ ନାନା ଆଲୋଚନା ହେଉଛି।ବାଲିଅନ୍ତା ଅଞ୍ଚଳରେ ଭିଡ଼ ହିଂସାର ଶିକାର ହୋଇ ପ୍ରାଣ ହରାଇଥିବା ଯୁବକ ସୌମ୍ୟଙ୍କ ମୃତ୍ୟୁ ଘଟଣା ସାରା ରାଜ୍ୟରେ ଚର୍ଚ୍ଚା ସୃଷ୍ଟି କରିଥିଲା। ଘଟଣା ପରେ ସୌମ୍ୟଙ୍କ ମାଆ ସାମ୍ବାଦିକ ସମ୍ମିଳନୀରେ ଦୟାଲ ଗଙ୍ଗୱାରଙ୍କ ନାମ ନେଇ ଗୁରୁତର ଅଭିଯୋଗ କରିଥିଲେ। ସେ କହିଥିଲେ ଯେ, ତାଙ୍କ ପୁଅ ଦୀର୍ଘଦିନ ଧରି ମାନସିକ ଚାପରେ ଥିଲେ ଏବଂ ସେହି ଚାପ ପଛରେ ଦୟାଲ ଗଙ୍ଗୱାରଙ୍କ ଭୂମିକା ଥିବା ନେଇ ସେ ସନ୍ଦେହ ପ୍ରକାଶ କରିଥିଲେ। ତେବେ ଏହି ଅଭିଯୋଗର ସତ୍ୟତା ନେଇ କୌଣସି ସରକାରୀ ସ୍ତରରେ ସ୍ପଷ୍ଟ ପ୍ରମାଣ ସାମ୍ନାକୁ ଆସିନାହିଁ।ତେବେ ଏସବୁ ଭିତରେ ବରିଷ୍ଠ ଆଇପିଏସ୍ ଦୟାଲ ଗଙ୍ଗଓ୍ୱାରଙ୍କୁ ବଦଳି କରାଯାଇଛି । ଦୟାଲ ଗଙ୍ଗୱାରଙ୍କୁ ଗୃହ ବିଭାଗକୁ ବଦଳି କରାଯାଇଛି । ଦୟାଲ ଗଙ୍ଗଓ୍ୱାରଙ୍କ ବଦଳି ନେଇ ଗୃହ ବିଭାଗ ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି ।