03-May-2026

ଅନଗୁଳ /ପାଲଲହଡ଼ା(ବିଭୁ ଖମଣିଆଁ):  ଚଳିତ ବର୍ଷ ଦଶମ ବୋର୍ଡ ପରୀକ୍ଷା ରେ ପାଲଲହଡ଼ା ବ୍ଲକରେ ୫୫୧ମାର୍କ, ୯୧.୮୩% ଶତକଡ଼ା ରଖି ଶୀର୍ଷ ସ୍ଥାନ ଅଧିକାର କରିଥିବା ଆଞ୍ଚଳିକ ବାଳିକା ଉଚ୍ଚ ବିଦ୍ୟାଳୟ ର ଛାତ୍ରୀ ସୁଶ୍ରୀ ରାଜଲକ୍ଷ୍ମୀ ସାହୁଙ୍କୁ ଅଖିଳ ଭାରତୀୟ ବିଦ୍ୟାର୍ଥୀ ପରିଷଦ ABVP ତରଫରୁ ତାଙ୍କ ସୁସୁବା ପଂଚାୟତ ପୁଡ଼ାଗଡ ଗ୍ରାମକୁ ଯାଇ ସମ୍ବର୍ଦ୍ଧିତ କରାଗଲା।  

ABVP କାର୍ଯ୍ୟକର୍ତ୍ତାମାନେ ଟପ୍ପରଙ୍କ ଘରେ ପହଞ୍ଚି ପୁଷ୍ପଗୁଚ୍ଛ, ମାନପତ୍ର ଓ ଉପହାର ଦେଇ ତାଙ୍କର ପରିଶ୍ରମ ଓ ସଫଳତାକୁ ପ୍ରଶଂସା କଲେ। ଏହି ଅବସରେ ABVP କାର୍ଯ୍ୟକର୍ତ୍ତା  କହିଲେ, "ଛାତ୍ରଛାତ୍ରୀଙ୍କ ସଫଳତା ସମଗ୍ର ଅଞ୍ଚଳ ପାଇଁ ଗର୍ବର ବିଷୟ। ABVP ସବୁବେଳେ ମେଧାବୀ ଛାତ୍ରଛାତ୍ରୀଙ୍କ ସହ ଅଛି।"  

ଟପ୍ପର ସୁଶ୍ରୀ ରାଜଲକ୍ଷ୍ମୀ ସାହୁ କହିଲେ, "ABVP ର ଏହି ସମ୍ମାନ ମୋତେ ଆହୁରି ଆଗକୁ ବଢିବା ପାଇଁ ପ୍ରେରଣା ଦେବ।" ତାଙ୍କ ପରିବାର ଲୋକ ମଧ୍ୟ ABVP କର୍ମୀଙ୍କୁ ଧନ୍ୟବାଦ ଜଣାଇଲେ।  

ଏହି କାର୍ଯ୍ୟକ୍ରମରେ ଏବିଭିପି ର ଜିଲା ସହ ସଂଯୋଜକ ସାଇ ବିଘ୍ନେସ୍ ସାହୁ, ରାଜ୍ୟ କାର୍ଯ୍ୟ କାରିଣୀ ସଦସ୍ୟ ପ୍ରୀୟାଂଶୁ ସାହୁ, ଆକାଶ ଦଣ୍ଡପାତ, ତୁଳସୀ ପ୍ରଧାନ ପ୍ରମୁଖ ଉପସ୍ଥିତ ଥିଲେ।