02-May-2026

ବଲାଙ୍ଗୀର (ପ୍ରେରଣା ଖବର): ରାଷ୍ଟ୍ରୀୟ ସ୍ୱୟଂ ସେବକ ସଂଘ ତରଫରୁ ଆଜି ସ୍ଥାନୀୟ ସାମ୍ବାଦିକ ଭବନ ଠାରେ ଦେବର୍ଷି ନାରଦ ଜୟନ୍ତୀ ପାଳିତ ହୋଇଯାଇଛି। ଏଥିରେ ମୁଖ୍ୟ ଅତିଥିଭାବେ ବଲାଙ୍ଗୀର ବିଶ୍ୱାତ୍ମ ଚେତନା ପରିଷଦର ସାଧାରଣ ସମ୍ପାଦକ ସ୍ୱାମୀ ସତ୍ୟବେଦାନନ୍ଦ ସରସ୍ବତୀ ଯୋଗ ଦେଇ ଏ ବିଶ୍ୱର ଆଦ୍ୟ ସାମ୍ବଦିକ ନାରଦ କିପରି ଏ ବିଶ୍ୱକୁ ଶାନ୍ତି, ସଦଭାବନା ପ୍ରଦାନ କରିବା ସହ ଲୋକଙ୍କୁ 

ନିଜ ସଦଜ୍ଞାନରେ ଆଲୋକିତ କରିଥିଲେ, ସେ ସମ୍ପର୍କରେ ବୁଝାଇ ଥିଲେ। ସଭା ପ୍ରାରମ୍ଭରେ ଅତିଥି ମାନେ ଦେବାର୍ଷି ନାରଦଙ୍କ ଫଟୋଚିତ୍ରରେ  ପୁଷ୍ପମାଲ୍ୟାର୍ପଣ କରି ସଭାକୁ ଉଦଘାଟନ କରିଥିଲେ। ମୁଖ୍ୟଵକ୍ତା ଭାବରେ ସାମାଜିକ ସମରସତା ପଶ୍ଚିମ ପ୍ରାନ୍ତ ସହସଂଯୋଜକ ଘନଶ୍ୟାମ ପ୍ରଧାନ ଯୋଗ ଦେଇ ନିଜର ବକ୍ତବ୍ୟ ରେ ଏହି ପବିତ୍ର ମାତୃଭୂମିକୁ ବିଶ୍ଵଗୁରୁ କରିବା ପାଇଁ ଆମେ 

ଆମେ ସଂଘବଦ୍ଧ ହୋଇ କାମ କାରବାକୁ ପଡିବ ବୋଲି କହିଥିଲେ। ଅନ୍ୟମାନଙ୍କ ମଧ୍ୟରେ ଆର୍. ଏସ୍. ଏସ୍ ର ବିଭାଗ ସଂଘ ଚାଳକ ଯତୀନ୍ଦ୍ର ମୋହନ ପାଠୀ,  ପ୍ରଚାର ପ୍ରମୁଖ ରାଜେଶ କୁମାର ବାବୁ ମଂଚାସୀନ ଥିଲେ। ଏହି ସମସ୍ତ କାର୍ଯ୍ୟକ୍ରମରେ ସଂଘ ର ରୂପେଶ କୁମାର ସାମଲ, ସୌମ୍ୟ ରଂଜନ ମିଶ୍ର ପ୍ରମୁଖ ସହଯୋଗ କରିଥିଲେ। ଏହି ଅବସରରେ ଉପସ୍ଥିତ ଗଣମାଧ୍ୟମ ପ୍ରତିନିଧି ମାନଙ୍କୁ ଉପାୟନ ଦେଇ ସମ୍ବର୍ଦ୍ଧିତ କରାଯାଇଥିଲା l