01-May-2026

ବଲାଙ୍ଗୀର(ପ୍ରେରଣା ଖବର): ଆଜି ଜେଏସ୍‌ଏମ କଲେଜ ଅଫ୍ ଅର୍ଟସ, ସାଇନ୍ସ ଆଣ୍ଡ କମର୍ସ ପକ୍ଷରୁ କଲେଜ ପରିସରରେ ଭଗବାନ ବୁଦ୍ଧଙ୍କ  ଜୟନ୍ତୀ ପାଳିତ ହୋଇଯାଇଛି । କଲେଜର ନିର୍ଦ୍ଦେଶକ ସିଏ ଶ୍ରୀକାନ୍ତ ଶର୍ମା ଙ୍କ ଅଧ୍ୟକ୍ଷତାରେ  ଅନୁଷ୍ଠିତ ଏହି ସଭାରେ ମୁଖ୍ୟ ଅତିଥି ଭାବରେ ଆଇନଜୀବୀ ତଥା ସମାଜସେବୀ ଦୀନେଶ ନାଗ ଯୋଗ ଦେଇ ଅହିଂସା ଓ ଶାନ୍ତିର ପ୍ରତୀକ ଭଗବାନ ବୁଦ୍ଧ ନିଜର ଆଦର୍ଶ, 

ନୈତିକ ସିଦ୍ଧାନ୍ତ, ମାନବୀୟ ମୂଲ୍ୟବୋଧ ଓ ଆଧ୍ୟାତ୍ମିକତାକୁ ନେଇ ସମଗ୍ର ମଣିଷ ସମାଜ ପାଇଁ ଅନୁକରଣୀୟ ଥିଲେ । ଗୌତମ ବୁଦ୍ଧଙ୍କ ଜନ୍ମ ଠାରୁ ଆରମ୍ଭ କରି ଜ୍ଞାନପ୍ରାପ୍ତି ଓ  ମହାପରିନିର୍ବାଣ ପର୍ଯ୍ୟନ୍ତ ପ୍ରତିଟି ଜୀବନଦର୍ଶନ ଏ ମଣିଷ ସମାଜକୁ ଏକ ନୂଆ ବାର୍ତ୍ତା ଦେଇଥାଏ ବୋଲି ଶ୍ରୀ ନାଗ କହିଥିଲେ । ସମ୍ମାନିତ ଅତିଥି ଭାବରେ ସାପ୍ତାହିକ ପ୍ରେରଣାର ସଂପାଦକ ସାମ୍ବାଦିକ ରଘୁ ନନ୍ଦନ ସିଂହ ଓ ସମାଜସେବୀ ନାସିର  ଖାନ ଯୋଗ ଦେଇ ସାଂପ୍ରତିକ ସମାଜରେ  ଗୌତମ ବୁଦ୍ଧଙ୍କ ବିଚାର ର ପ୍ରାସଙ୍ଗିକତା ରହିଛି ବୋଲି କହିଥିଲେ । ବୁଦ୍ଧଙ୍କ ଜୀବନ ଓ ଦର୍ଶନ ବିଶ୍ୱର ଲକ୍ଷ୍ୟ ଲକ୍ଷ୍ୟ ଲୋକଙ୍କ ଜୀବନକୁ ଆଲୋକିତ କରିଛି । ମାନବଜାତିକୁ ଅତ୍ମଜ୍ଞାନର ପଥପ୍ରଦର୍ଶନ କରିଥିବା ଭଗବାନ ବୁଦ୍ଧ ଙ୍କ ଆଦର୍ଶରେ ଆମେ ସମସ୍ତ ଅନୁପ୍ରାଣିତ ହେଲେ ଏକ ସୁନ୍ଦର ଓ ଶାନ୍ତିର ପୃଥିବୀ ଗଠନ ସମ୍ଭବ ବୋଲି ବକ୍ତା ମାନେ କହିଥିଲେ । କଲେଜର ଅଧ୍ୟକ୍ଷା ଡ. ମନସ୍ମିତା ମିଶ୍ରଙ୍କ ପରିଚାଳନାରେ ଆୟୋଜିତ ଏହି ସଭାରେ କଲେଜର ଉପଦେଷ୍ଟା ମନୋରଂଜନ ସାହୁ ମଂଚାସୀନ ରହି ନିଜର ବକ୍ତବ୍ୟ ପ୍ରଦାନ କରିଥିଲେ । କଲେଜର ସମସ୍ତ ଛାତ୍ରଛାତ୍ରୀ ଓ ଅଧ୍ୟାପକ, ଅଧ୍ୟାପିକା ମାନେ ସହଯୋଗ କରିଥିଲେ ।