07-Feb-2021

ବାଲେଶ୍ଵର (ପ୍ରେରଣା ଖବର) :  ରାଜ୍ୟର ବିଭିନ୍ନ ପ୍ରାନ୍ତରେ ଏବେ ନକଲି ସାମଗ୍ରୀ ତଥା ଭେଜାଲ ବସ୍ତୁର ବିକ୍ରି ଲୋକଙ୍କ ମଧ୍ୟରେ ଭୟର ବାତାବରଣ ସ୍ରୁଷ୍ଟି କରିଛି l କଣ୍ଟାବାଞ୍ଜିରେ ନକଲି ଔଷଧ ଠାରୁ ଆରମ୍ଭ କରି କଟକରେ ନକଲି ଡିଟରଯେଣ୍ଟ, ନକଲି  ଜର୍ଦ୍ଦl ପର୍ଯ୍ୟନ୍ତ ନକଲି କାରବାରକୁ  ଦେଖିଲେ ଜନସାଧାରଣ ଆତଙ୍କିତ ହେବା ସ୍ୱାଭାବିକ l ଏହି କ୍ରମରେ ଭୂବନେଶ୍ବର ପରେ ଏବେ ବାଲେଶ୍ଵର ଜିଲ୍ଲା ନୀଳଗିରି ରେ ନକଲି କୋଲ୍ଡ ଡ୍ରିଙ୍କସ୍ ବଜାରରେ ବିକ୍ରୀ ହେଉଥିବାର ଚିତ୍ର ସାମ୍ନାକୁ ଆସିଛି,। ଏ ନେଇ ଆଜି ଏକ ମାରୁତି ସୁଜୁକି ଓମିନି ଗାଡ଼ି (ORO1N2390)  ଗାଡ଼ିରେ sprint ଓ thunder ଆଦି ଲେଖା ଥିବା କୋଲ୍ଡ ଡ୍ରିଙ୍କସ୍ ଦେଖିବାକୁ ମିଳିଛି। ତେବେ ଗ୍ରୀଷ୍ମର ଅବକାଶ ହୋଇଥିବା ବେଳେ ବଢିଛି ମୃଦୁ ପାନୀୟର ଚାହିଦା l ନୀଳଗିରି ଅଞ୍ଚଳରେ ନାମୀ ଦାମୀ କମ୍ପାନୀର ଅବିକଳ ନକଲ  ଲଗାଇ ଜଣେ କୋଲ୍ଡ ଡ୍ରିଙ୍କସ୍  ଦିଷ୍ଟିବୁଟର ଦୋକାନୀ ମାନଙ୍କୁ ଅଧିକ ମୁନାଫା ଦେବା କହୁଥିଲେ। ପରବର୍ତୀ ସମୟରେ ଆମ ପ୍ରତିନିଧି ଯେତେବେଳେ ଦିଷ୍ଟିବୁଟର ଙ୍କୁ ପଚାରିଲେ  ସେତେବେଳେ ସପ୍ଲାୟର ବାଟ ହୁଡ଼ି ଚାଲିଯିବାକୁ ବସିଥିଲେ l ଯଦି ତାଙ୍କ ଉତ୍ପାଦ ସଠିକ ଏବଂ ତାଙ୍କ ପାଖରେ ବୈଧ କାଗଜପତ୍ର ଅଛି ତାହେଲେ ସେ ସନ୍ତର୍ପଣରେ ପଳେଇ ଯିବାକୁ ଉଦ୍ୟମ କରୁଥିଲେ କାହିଁକି ? ଯଦି ତାଙ୍କ ଉତ୍ପାଦ ସଠିକ ତାହେଲେ ସେ ଅନ୍ୟ ନାମୀ ଦାମୀ କମ୍ପାନୀର ଅବିକଳ ନକଲ କାହିଁକି କରୁଛନ୍ତି ? ଯେମିତିକି sprite ଜାଗାରେ sprint ଓ Thumsup ଜାଗାରେ thunder ଉପ ଆଦି ! ସବୁଠୁ ଗୁରୁତ୍ୱପୂର୍ଣ କଥା ହେଲା, ସେମାନେ ନୀଳଗିରିରେ ସହରରେ କୋଉଠି ବିତରଣ ନ କରି  ଗ୍ରାମାଞ୍ଚଳକୁ ଟାର୍ଗେଟ କରିଛନ୍ତି l ଦୋକାନୀ ମାନଙ୍କୁ ଅଧିକ ମୁନାଫାର ଲୋଭ ଦେଖେଇ କରୁଛନ୍ତି ଏହି ନକଲି ମୃଦୁପାନୀୟର ବ୍ୟବସାୟ l     

 ସମାନ ପ୍ରାୟ ଦୃଶ୍ୟମାନ ହେଉଥିବା ଏହି ନକଲି ମୃଦୁ ପାନୀୟ କୁ ଗ୍ରାମାଞ୍ଚଳର ଗ୍ରାହକ ମାନଙ୍କୁ ଅନାୟାସରେ ବୋକା ବନାଇ କରାଯାଉଛି ବ୍ୟବସାୟ l ତେବେ ନାମୀଦାମୀ କମ୍ପାନୀର ଉତ୍ପାଦ ଭଳି ଦୃଶ୍ୟମାନ ହେଉଥିବା ଏହି ନକଲି ମୃଦୁପାନୀୟ ସ୍ୱାସ୍ଥ୍ୟ ପାଇଁ ଅନୁକୂଳ କି ନୁହେଁ ବିଚରା ଗାଉଁଲି ଗ୍ରାହକ ମାନେ ବୁଝିବାକୁ ଅକ୍ଷମ ଥିବା ବେଳେ ବେଶ ଆରାମରେ କାରବାର ଚଳାଇଛନ୍ତି ନକଲି ମୃଦୁ ପାନୀୟ ବ୍ୟବସାୟୀ ମାନେ । ତେବେ ଏ ନେଇ ସ୍ଥାନୀୟ ପ୍ରଶାସନର କେବେ ଦୃଷ୍ଟି ପଡୁଛି ତାର ଉପୋର ନଜର ।