06-Feb-2021

ମାହାଙ୍ଗା, (ଦୀପକ କୁମାର ଷଡଙ୍ଗୀ):ବିକାଶ ଆମ ସରକାରଙ୍କ ମୂଳ ଲକ୍ଷ l ସାରା ରାଜ୍ୟରେ ଏହି ବିକାଶ ଓ ସ୍ଵଛତାକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଗୁରୁତ୍ୱ ଦେଇ ଆସିଥିବାରୁ ସେ ଦେଶର ନମ୍ବର ୱାନ ମୁଖ୍ୟମନ୍ତ୍ରୀ ହୋଇପାରିଛନ୍ତି ବୋଲି ମନ୍ତ୍ରୀ ପ୍ରତାପ ଜେନା କହିଛନ୍ତି l 

ଆଜି ମାହାଙ୍ଗା ନିର୍ବାଚନ ମଣ୍ଡଳୀର ଉମର ପଞ୍ଚାୟତ ଠାରେ ରାଜ୍ୟ ପର୍ଯ୍ୟଟନ ବିଭାଗ ପକ୍ଷରୁ ନବ ନିର୍ମିତ ଏକ ପାନ୍ଥଶାଳାକୁ ବିଭାଗୀୟ ମନ୍ତ୍ରୀ ଜ୍ୟୋତି ପ୍ରକାଶ ପାଣିଗ୍ରାହୀ ଉଦଘାଟନ କରିଛନ୍ତି l 
     ପର୍ଯ୍ୟଟନ ପୀଠ ଉମର ହନୁମାନ ମନ୍ଦିର ସମ୍ମୁଖରେ ଏହି ପନ୍ଥ ନିବାସ ପାଇଁ 59.23 ଲକ୍ଷ ଟଙ୍କା ଯୋଗାଇ ଦିଆଯାଇଥିଲା l 
ସେହିପରି 25 ଲକ୍ଷ ଟଙ୍କା ଅନୁଦାନରେ କଣ୍ଟାଣିଆ ସ୍ଥିତି ବୈକୁଣ୍ଠ ବାଟିକାକୁ ଲୋକାର୍ପିତ 
କରାଯାଇଥିଲା l 
ଏହି ଉତ୍ସବରେ ଆଇନି ଓ ପଞ୍ଚାୟତରାଜ ମନ୍ତ୍ରୀ ପ୍ରତାପ ଜେନା ବିଶିଷ୍ଟ ଅତିଥିଭାବେ ଯୋଗଦେଇ ମାହାଙ୍ଗାର ବିକାଶ ପାଇଁ ଆମକୁ ଆହୁରି ଅନେକ କାର୍ଯ୍ୟ କରିବାକୁ ପଡି଼ବବୋଲି କହିଥିଲେ l ଉତ୍ସବରେ ସମ୍ମାନିତ ଅତିଥି ଭାବେ ଓଡିଶା ପର୍ଯ୍ୟଟନ ଉନ୍ନୟନ ନିଗମ ଅଧ୍ୟକ୍ଷା ଶ୍ରିମୟୀ ମିଶ୍ର,କେନ୍ଦ୍ରାଞ୍ଚଳ ରାଜସ୍ବ କମିଶନର ଅନିଲ ସାମଲ, କଟକ ଜିଲ୍ଲାପାଳ ଭବାନୀ ଶଙ୍କର ଚଇନି, ଓଡିଶା ପର୍ଯ୍ୟଟନ ଉନ୍ନୟନ ନିଗମ  ଅଧିକାରିଣୀ ସୁଜାତା ପଟ୍ଟନାୟକପ୍ରମୁଖ ଯୋଗଦେଇଥିଲେ l
  ଶିକ୍ଷାବିତ ଅକ୍ଷୟ କୁମାର ଷଢଙ୍ଗୀ ଉତ୍ସବରେ ପୌରହିତ୍ୱ କରିଥିଲେ l ସରପଞ୍ଚ ପ୍ରତିନିଧି ଚିତ୍ତରଞ୍ଜନ ମହାପାତ୍ର, ସରପଞ୍ଚ ଚିତ୍ତରଞ୍ଜନ ମହାନ୍ତି, ଯୁବବିଜେଡି ସଭାପତି ଶରତ ମହାପାତ୍ର,ଆଇନମନ୍ତ୍ରୀଙ୍କ ବ୍ୟକ୍ତିଗତ ସହାୟକ ଉମାଶଙ୍କର ବିଶ୍ୱାଳ, ରତ୍ନାକର ସାହୁ, ବିବେକାନନ୍ଦ ପାଣି, ପ୍ରମୁଖ ଉତ୍ସବ ପରିଚାଳନା କରିଥିଲେ l