10-Apr-2026

ତରଭା(କପିଳାସ ସେଠ): ସୁବର୍ଣ୍ଣପୁର ଜିଲାର ତରଭା ସହରକୁ ଏକ ସ୍ବତନ୍ତ୍ର ଉପଖଣ୍ଡର ମାନ୍ୟତା ଦାବି ନେଇ ତରଭା ସାମ୍ବାଦିକ ସ ସଂଘର ଏକ ପ୍ରତିନିଧ୍ ଦଳ ଗୁରୁବାର  ସନ୍ଧ୍ୟାରେ ଜିଲାପାଳ ଡ. ନୃପରାଜ ସାହୁଙ୍କୁ ଭେଟି ଏକ ଦାବିପତ୍ର ରାଜ୍ୟପାଳଙ୍କ ଉଦ୍ଦେଶ୍ୟରେ ପ୍ରଦାନ କରିଛନ୍ତି । ତରଭା ର ଭୌଗୋଳିକ, ପ୍ରଶାସନିକ ଓ ଜନସଂଖ୍ୟାକୁ ଦୃଷ୍ଟିରେ ରଖ୍ ୧୯୯୨ ରୁ ତରଭାକୁ ଏକ ସ୍ବତନ୍ତ୍ର ଉପଖଣ୍ଡର ମାନ୍ୟତା ଦେବାକୁ  ଦାବି କରି ଆସୁଛନ୍ତି । ଏହି ସହର ଜିଲାର

ପ୍ରଶାସନିକ ଓ ଅର୍ଥନୈତିକ କେନ୍ଦ୍ର ଭାବରେ କାର୍ଯ୍ୟ କରିବା ସହ ୧୯୬୭ରୁ ବିଜ୍ଞାପିତ ଅଞ୍ଚଳ ପରିଷଦରେ ପରିଣତ ହୋଇସାରିଛି। ତରଭାରେ ତିନୋଟି ରାଜସ୍ବ ଗ୍ରାମ ତରଭା, ଅନ୍ତର୍ଡା ଓ ଫଟାମୁଣ୍ଡା ରହିଛି। ୧୨ଟି ୱାର୍ଡରେ ବିଭକ୍ତ ଏହି ସ‌ହରର ଜନସଂଖ୍ୟା ୧୦ହଜାରରୁ ଊର୍ଦ୍ଧ୍ବ  ରହିଛି I  ତରଭା  ତହସିଲ ଓ ବ୍ଳକ ଅଞ୍ଚଳର କ୍ଷେତ୍ରଫଳ ୩୩୦ବର୍ଗ କିଲୋମିଟର ଓ ଜନସଂଖ୍ୟା ୧୨୭୦୨୬। ସହରରେ ବ୍ଲକ, ତହସିଲ ସହ ପ୍ରଥମ ଶ୍ରେଣୀ ବିଚାର ବିଭାଗୀୟ ମାଜିଷ୍ଟ୍ରେଟ ଅଦାଲତ ରହିଛି। ଏହି ବ୍ଲକ ଅଞ୍ଚଳରେ ତିନୋଟି ଡିଗ୍ରୀ କଲେଜ ସହ ୭ଟି ଉଚ୍ଚ ମାଧ୍ୟମିକ ବିଦ୍ୟାଳୟ, ୨୧ଟି ଉଚ୍ଚ ବିଦ୍ୟାଳୟ, ପିଏମଶ୍ରୀ ଜବାହର ନବୋଦୟ ବିଦ୍ୟାଳୟ ଓ ଓଡ଼ିଶାଆଦର୍ଶ ବିଦ୍ୟାଳୟ ରହିଛି। ତରଭା  ତହସିଲ ଅଧୀନରେ ୭ଟି ରାଜସ୍ବ ସର୍କଲ ରହିଥ‌ିବା ବେଳେ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ଅଧୀନରେ ୪ଟି ପ୍ରାଥମିକ ସ୍ବାସ୍ଥ୍ୟକେନ୍ଦ୍ର ଓ ୧୪ଟି ଉପ କେନ୍୍ର ରହିଛି। ଏହି ଅଞ୍ଚଳରେ ୨ଟି ରାଷ୍ଟ୍ରାୟତ୍ତ ବ୍ୟାଙ୍କ ଓ ୩ଟି ଓଡିଶା ଗ୍ରାମୀଣ ବ୍ୟାଙ୍କ ରହିଛି I  ଆଇ.ସି.ଡିଏସ୍ ଅଧୀନରେ ୨୬୧ ଟି ଅଙ୍ଗନବାଡି କେନ୍ଦ୍ର କାର୍ଯ୍ୟ କରୁଛି। ଏଠାରେ ପ୍ରାଣୀଧନ ଚିକିତ୍ସାଳୟ, କୃଷି କାର୍ଯ୍ୟାଳୟ, ଜଳସେଚନ ବିଭାଗର କାର୍ଯ୍ୟାଳୟ ରହିଥ‌ିବା ବେଳେ ୪୮୯.୯ ବର୍ଗ କିଲୋମିଟର ବ୍ୟାପ୍ତ ତରଭା ଥାନା ଅଧୀନରେ ୨ଟି ପୁଲିସ ଫାଣ୍ଡି ରହିଛି। ଏହା ଅଧୀନରେ ମୋଟ ୨୪ଟି ପଞ୍ଚାୟତ ରହିଥ‌ିବା ବେଳେ ଜନସଂଖ୍ୟା ୧ ଲକ୍ଷ ୩୦ହଜାର ଅଧିକ ରହିଛି। ଭୌଗୋଳିକ ଦୃଷ୍ଟିରୁ ତରଭା ଜିଲା ମୁଖ୍ୟାଳୟରୁ ପ୍ରାୟ ୩୨କିଲୋମିଟର ଦୂରତା ରହିଛି I ତରଭା  ବ୍ଲକ ଅନ୍ତର୍ଗତ ବାଲିଖମାର ସୀମାବର୍ତ୍ତୀ ଗ୍ରାମ ପଞ୍ଚାୟତ  କର୍ଲାମୁହାଣରୁ ଜିଲା ସଦର ମହକୁମାର ଦୂରତ୍ବ ୬୨କିଲୋମିଟର ଦୂରତା ରହିଛି I  ଜିଲ୍ଲା ସଦର ମହକୁମା ରୁ  ରାଣିସର୍ଡା ପଞ୍ଚାୟତର ଶେଷ ଗାଁ କୁମୁଣ୍ଡେ କୁ  ୪୫ କିଲୋମିଟର ଦୂରତା  ରହିଛି। ଫଳରେ ଅଞ୍ଚଳର ଲୋକେ ପ୍ରଶାସନିକ ସେବା ପାଇବାରେ ଅହେତୁକ ବିଳମ୍ବ ହେଉଛି। ଏପଟେ ପ୍ରଶାସନକୁ ଲୋକଙ୍କ ଆହୁରି ନିକଟତର କରବାକୁ ବ୍ୟାପକ ଉଦ୍ୟମ କରୁଥିବା ବେଳେ ତରଭା ଅଞ୍ଚଳବାସୀ ସେଥିରୁ  ବଞ୍ଚିତ ହେଉଛନ୍ତି। ତେଣୁ

ଅଞ୍ଚଳର ଏହି ନ୍ୟାର୍ଯ୍ୟ ଦାବିକୁ ସରକାର ପ୍ରାଥମିକତା ଦେଇ ଆବଶ୍ୟକ ପଦକ୍ଷେପ ଗ୍ରହଣ କରିବାକୁ ସେମାନେ ଦାବିପତ୍ରରେ ଉଲ୍ଲେଖ କରିଛନ୍ତି । ଗୁରୁବାର  ଜିଲାପାଳଙ୍କୁ ଏହି ଦାବିପତ୍ର ପ୍ରଦାନ ସମୟରେ ସାମ୍ବାଦିକ ସଂଘର ସଭାପତି ଅଶୋକ କୁମାର ସାହୁ,ସମ୍ପାଦକ  ମାନଭଞ୍ଜନ ମିଶ୍ର, କୋଷାଧକ୍ଷ  କପିଳାସ ସେଠ, ଉପସଭାପତି ଅନ୍ତର୍ଯ୍ୟାମୀ ସାହୁ, ଓ ସୁକାନ୍ତ ମିଶ୍ର ପ୍ରମୁଖ ସପସ୍ଥିତ ଥିଲେ I ଏହି ଦାବୀ ପତ୍ର ରାଜ୍ୟପାଳ ଙ୍କ ସହ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ, ଉପମୁଖ୍ୟମନ୍ତ୍ରୀ କନକ ବର୍ଦ୍ଧନ ସିଂହଦେଓ,ରାଜସ୍ୱ ଓ ବିପର୍ଯ୍ୟୟ ପରିଚାଳନା ମନ୍ତ୍ରୀ ସୁରେଶ ପୁଜାରୀ, ବଲାଙ୍ଗୀର ସାଂସଦ ସଙ୍ଗୀତା କୁମାରୀ ସିଂହଦେଓ,ସୋନପୁର ବିଧାୟକ ନିରଞ୍ଜନ ପୂଜାରୀ ଙ୍କ ଉଦେଶ୍ୟ ରେ ଦାବୀ ପତ୍ର ପ୍ରଦାନ କରାଯାଇ ଥିଲା I