02-Apr-2026

ବଲାଙ୍ଗିର(ପ୍ରେରଣା ଖବର): ରାଜେନ୍ଦ୍ର ବିଶ୍ୱବିଦ୍ୟାଳୟ, ବଲାଙ୍ଗିର ର ଶକ୍ତିଶ୍ରୀ ଏମପାୱାରମେଣ୍ଟ ସେଲ୍‌ ତରଫରୁ ଶକ୍ତିଶ୍ରୀ ମେଳା ୨୦୨୬ ବିଶ୍ୱବିଦ୍ୟାଳୟର ସମ୍ମିଳନୀ କକ୍ଷରେ ମାର୍ଚ୍ଚ ତା ୨୭,୨୮,୩୦ ଏବଂ ୩୧ଚାରିଦନ ଧରି ଅନୁଷ୍ଠିତ ହୋଇ ଯାଇଛି।ଉକ୍ତ ମେଳାରେ ଉଦ୍ଘାଟନୀ ଉତ୍ସବରେ ମୁଖ୍ୟ ଅତିଥି ଭାବେ କୁଳପତି ପ୍ରଫେସର ପ୍ରଦୀପ୍ତ କୁମାର ବେହେରା, ସମ୍ମାନୀତ ଅତିଥି ଭାବେ ସ୍ନାତକୋତ୍ତର ପରିଷଦର ଅଧ୍ୟକ୍ଷ ଡ.ପ୍ରତାପ କୁମାର ଦାଶ, କୁଳସଚିବ ହରପ୍ରସାଦ ଭୋଇ, ପରିସଂଖ୍ୟାନ ବିଭାଗର ସହକାରୀ ପ୍ରଫେସର ତଥା ଶକ୍ତିଶ୍ରୀ ର ସଂଯୋଜିକା ବିଷ୍ଣୁପ୍ରିୟା ବେହେରା,ଅନ୍ୟତମ ସମ୍ମାନୀତ ଅତିଥି ଭାବେ ପଲ୍ଲିଶ୍ରୀ ହାଇସ୍କୁଲ,ସଦେଇପାଲି,ବଲାଙ୍ଗିରର ସହାୟକ ଶିକ୍ଷୟିତ୍ରୀ ତଥା ସମାଜ ସେବୀ ଶ୍ରୀମତୀ ସଂସ୍କୃତି ପଟ୍ଟନାୟକ, ମୁଖ୍ୟ ବକ୍ତା ଭାବେ କେନ୍ଦ୍ରସାହିତ୍ୟ ଏକାଡେମୀ ପୁରସ୍କାରପ୍ରାପ୍ତ ଶ୍ରୀମତୀ ଗାୟତ୍ରୀ ସରାଫ ମହୋଦୟା ଯୋଗଦାନ କରିଥିଲେ।ଓଡିଶା ସରକାରଙ୍କର ଛାତ୍ରୀମାନଙ୍କ ପାଇଁ ଏହି ଅଭିନବ ପ୍ରୟାସ ଅତ୍ୟନ୍ତ ସ୍ବାଗତଯୋଗ୍ୟ ଏବଂ ଚିରସ୍ମରଣୀୟ ଅଟେ।
ଏହି ମେଳାର ପ୍ରଥମ ଓ ଦ୍ଵିତୀୟ ଦିବସରେ  ଯୋଗାଭ୍ୟାସ ଏବଂ ଆତ୍ମରକ୍ଷା ସମ୍ବନ୍ଧିତ କାର୍ଯ୍ୟକ୍ରମ ଆୟୋଜିତ ହୋଇଥିଲା।ଯୋଗ  ଶିକ୍ଷୟତ୍ରୀ ସାରିକା ପୁରୋହିତଏବଂ ଆତ୍ମରକ୍ଷା ଶିକ୍ଷୟତ୍ରୀ ରେଖା ମନହିରା ଯଥାକ୍ରମେ ଯୋଗାଭ୍ୟାସ ଏବଂ ଆତ୍ମରକ୍ଷା ସମ୍ବନ୍ଧିତ କାର୍ଯ୍ୟକ୍ରମରେ ଯୋଗଦେଇ ଛାତ୍ରୀମାନଙ୍କୁ ତାଲିମ ପ୍ରଦାନ କରିଥିଲେ। 
ମେଳାର ତୃତୀୟ ଦିବସରେ ଭୀମଭୋଇ ମେଡିକାଲ କଲେଜର ସ୍ତ୍ରୀ ରୋଗ ଓ ପ୍ରସୂତି ବିଭାଗର ବିଶେଷଜ୍ଞ ଡ. ଯୁଧିଷ୍ଠିର ବଡକା, ରାଜନୀତି ବିଜ୍ଞାନ ବିଭାଗର ସହାୟକ ପ୍ରଫେସର ଶ୍ରୀମତୀ ସାରିକା ବିଲୁଙ୍ଗ,ସ୍ନାତକୋତ୍ତର ପରିଷଦର ଅଧ୍ୟକ୍ଷ ଡ.ପ୍ରତାପ କୁମାର ଦାଶ,ସବ୍ ଡିଭିଜନାଲ ପ୍ରୋଗ୍ରାମ ଅଫିସର ଶ୍ରୀମତୀ ସୁରବାଳା ଜେନା ପ୍ରମୁଖ ଉପସ୍ଥିତ ଥିଲେ।ଏହି ଅଧିବେଶନରେ ଛାତ୍ରୀମାନଙ୍କ ସ୍ୱାସ୍ଥ୍ୟ,ସ୍ୱଚ୍ଛତା ଏବଂ ମାନସିକ ସ୍ୱାସ୍ଥ୍ୟ,ଛାତ୍ରୀ ମାନଙ୍କର ଆଇନଗତ ଓ ରାଜନୈତିକ ଅଧିକାର,ନାରୀମାନଙ୍କ ପାଇଁ ସଂରକ୍ଷିତ ଓଡିଶା ସରକାରଙ୍କ ବିଭିନ୍ନ ଯୋଜନା,ଯୋଗା ଯୋଗ ଦକ୍ଷତାମୂଳକ କାର୍ଯ୍ୟକ୍ରମ ସମ୍ପର୍କରେ ପର୍ଯ୍ୟାଲୋଚନା କରାଯାଇଥିଲା।
ମେଳାର ଚତୁର୍ଥ ତଥା ଅନ୍ତିମ ଦିବସରେ ବିଶ୍ୱବିଦ୍ୟାଳୟର ଦର୍ଶନ ବିଭାଗର ସହଯୋଗୀ ପ୍ରଫେସର ଡ.ରାଜକିଶୋର ପାତ୍ର, ସାଇବର ପୋଲିସ ଷ୍ଟେସନ ବଲାଙ୍ଗିରର ଆଇ.ଆଇ.ସି. ଶ୍ରୀମତୀ ଭାରତୀ ନାୟକ,ବିଶ୍ୱବିଦ୍ୟାଳୟର ସହକାରୀ ପ୍ରଫେସର ପ୍ରିୟଙ୍କା ଚକ୍ରବର୍ତ୍ତୀ ମଞ୍ଚାସୀନ ଥିଲେ।ଏହି ଅଧିବେଶନରେ ଡ.ପାତ୍ର, ନେତୃତ୍ୱ ଓ ବ୍ୟକ୍ତିତ୍ୱ ବିକାଶ,ଶ୍ରୀମତୀ ଭାରତୀ ନାୟକ ସାଇବର ସୁରକ୍ଷା,ଡ. ଚକ୍ରବର୍ତ୍ତୀ କ୍ୟାରିଅର କାଉନ୍‌ସେଲିଂ ସମ୍ବନ୍ଧରେ  ଉଚ୍ଚକୋଟୀର ବକ୍ତବ୍ୟ ପ୍ରଦାନ କରିଥିଲେ।
ଚାରିଦିନ ଧରି ଅନୁଷ୍ଠିତ ହୋଇଥିବା ଶକ୍ତିଶ୍ରୀ ମେଳାର ଶେଷ ଦିବସରେ ବିଶ୍ୱବିଦ୍ୟାଳୟର ଛାତ୍ରୀମାନଙ୍କ ଦ୍ୱାରା ସାଂସ୍କୃତିକ କାର୍ଯ୍ୟକ୍ରମ ଆୟୋଜନ କରାଯାଇଥିଲା।ଶକ୍ତିଶ୍ରୀ ର ସଂଯୋଜିକା ବିଷ୍ଣୁ୍ପ୍ରିୟା ବେହେରା ସୁଚାରୁ ରୂପେ ଏହି କାର୍ଯ୍ୟକ୍ରମର ସମସ୍ତ ଅଧିବେଶନ କୁ ସୁସଂଯୋଜନା କରିଥିଲେ।ଏହି ଉତ୍ସବରେ କମ୍ପ୍ୟୁଟର ବିଜ୍ଞାନ ବିଭାଗର ସ୍ନାତକୋତ୍ତର ଛାତ୍ରୀ ପ୍ରିୟଙ୍କା ପାଣିଗ୍ରାହୀ ଏବଂ ୩୬ ଜଣ  ଶକ୍ତିଶ୍ରୀ ଏମପାୱାରମେଣ୍ଟ ( ସଶକ୍ତିକରଣ) ସେଲ୍‌ର ସମସ୍ତ ସଭ୍ୟା ବିଶ୍ୱବିଦ୍ୟାଳୟର ଅଧ୍ୟାପକ, ଅଧ୍ୟାପିକା, ପ୍ରାଧ୍ୟାପକ, ପ୍ରାଧ୍ୟାପିକା,ଛାତ୍ରୀସମୂହ ଉପସ୍ଥିତ ରହି ସଭାକୁ ସାଫଲ୍ୟମଣ୍ଡିତ କରିଥିଲେ।