31-Mar-2026

ବଂଶ ପରମ୍ପରାରେ ନୁହେଁ ,ବରଂ ଆପଣାର ବ୍ଯକ୍ତିତ୍ବ ବଳରେ ସେ ହୋଇଥିଲେ  ମହାରାଜା। କୋଟି ହୃଦୟର ମଣିଷ ଭାବରେ  ସେ ପ୍ରଜାନୁରଂଜନ ଧର୍ମକୁ  ଧାରଣ କରିଥିଲେ। କେବଳ ବଲାଙ୍ଗୀର ନୁହେଁ ସମଗ୍ର ଓଡିଶାର ତଥା ଭାରତୀୟ ରାଜନୀତିରେ ସେ ଥିଲେ ଅଜାତଶତ୍ରୁ ମଣିଷ। ତାଙ୍କ ପଦାଙ୍କ ଅନୁସରଣ  କରି ନିଜ ଅଂଚଳର  ବିକାଶରେ ବ୍ରତୀ ହେବା ପାଇଁ  ଆହ୍ବାନ ଦିଆଯାଇଛି 

ବଲାଙ୍ଗୀର (ପ୍ରେରଣା ଖବର):  ବଲାଙ୍ଗୀର ରାଜେନ୍ଦ୍ର ପାର୍କ ଠାରେ ଆୟୋଜିତ ପୂର୍ବତନ ମୁଖ୍ୟମନ୍ତ୍ରୀ ତଥା ପାଟଣା ମହାରାଜା ରାଜେନ୍ଦ୍ର ନାରାୟଣ ସିଂହଦେଓ ଙ୍କ ୧୧୪ ତମ ଜନ୍ମ ଜୟନ୍ତୀ ସମାରୋହରେ ଅତିଥିଭାବରେ ଯୋଗ ଦେଇ ଥିଲେ  ଜିଲ୍ଲାପରିଷଦ ଅଧକ୍ଷା ଦେବକୀ ସାହୁ ,ପୌର ପରିଷଦ ଅଧ୍ୟକ୍ଷା ଲିକା ସାହୁ,ପୌର ପରିଷଦ ଉପାଧ୍ୟକ୍ଷ। ଗାୟିତ୍ରୀ ଭୋଇ, ନିର୍ବାହୀ ଅଧିକାରୀ, ପାର୍କ ପରିସରରେ ଥିବା ମହାରାଜାଙ୍କ ପୂର୍ଣ୍ଣାବୟବ ପ୍ରତିମୂର୍ତ୍ତିରେ ମାଲ୍ୟାର୍ପଣ ଓ ଦୀପ ପ୍ରଜ୍ବଳନ କରିଥିଲେ। ଅନ୍ୟମାନଙ୍କ ମଧ୍ୟ ରେ କାଉନସିଲର ନନ୍ଦିନୀ ପୋଢ଼, ଶମ୍ଭୁ ନାଗ, ମହେନ୍ଦ୍ର ବାଗ,ଶତ୍ରୁଘ୍ନ ବାଗ, ଲଲାଟେନ୍ଦୁ ପଟ୍ଟନାୟକ,ଗଙ୍ଗା ଚାନ୍ଦ, ସ୍ମୁତି କମିଟି ର ସନ୍ଦୀପ କୁମାର କୁଅଁର, ଶରତ ଚନ୍ଦ୍ର ମିଶ୍ର, ରାଜେନ୍ଦ୍ର ପାଣିଗ୍ରାହୀ, ବିଜେଡି ବରିଷ୍ଠ କର୍ମ କର୍ତ୍ତା ଲକ୍ଷ୍ମଣ କୁମାର ମେହେର , ରାଜେନ୍ଦ୍ର ହୋତା, ଦୁର୍ଗା ପ୍ରସାଦ ବେହେରା, ଭଗବାନ ବଗର୍ତ୍ତୀ, ଲେଙ୍କା ସାହୁ ଓ ସହର ର ବୁଦ୍ଧିଜୀବୀ  ସହିତ ବହୁ ଅନୁଷ୍ଠାନ ତରଫରୁ ପତିମୂର୍ତ୍ତି ଠାରେ ପୁଷ୍ପ ଦେଇ ଶ୍ରଦ୍ଧାସୁମନ ଅର୍ପଣ କରିଥିଲେ।