27-Mar-2026

ବିନିକା(ହିମାଂଶୁ ଶେଖର ପୁଟେଲ)ସଂଗୀତ ହିଁ ଜୀବନ ଓ ଜୀବନ ହିଁ ସଂଗୀତ,ସଂଗୀତ ଜୀବନକୁ ମଧୁମୟ କରି ସୁଖ ଓ ଶାନ୍ତି ପ୍ରଦାନ କରେ ବୋଲି ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ବ୍ଲକ ଅଧୀନସ୍ଥ ଢେଲେଇ ଉଚ୍ଚ ପ୍ରାଥମିକ ବିଦ୍ୟାଳୟର ଷାଠିଏତମ ବାର୍ଷିକ ଉତ୍ସବ "ଶିଶୁଝରନ"ରେ ମୁଖ୍ୟ ବକ୍ତା ଭାବରେ ଯୋଗଦେଇ ଓଡ଼ିଶାର ଜଣେ ଖ୍ୟାତନାମା କଣ୍ଠଶିଳ୍ପୀ ଶତ୍ରୁଘ୍ନ ଲୁହା ମତବ୍ୟକ୍ତ କରିଛନ୍ତି | ଏହିଁ ଉତ୍ସବର ସଭାପତି ତଥା ପ୍ରଧାନ ଶିକ୍ଷକ ଡକ୍ଟର ଅନିରୁଦ୍ଧ କୁରୁକୁରିଆଙ୍କ ସଭାପତିତ୍ୱରେ ଅନୁଷ୍ଠିତ ସଭାରେ ମୁଖ୍ୟଅତିଥି  ଉଲୁଣ୍ଡା ବ୍ଲକ ଅତିରିକ୍ତ ଗୋଷ୍ଟୀ ଶିକ୍ଷା ଅଧିକାରୀ ଯୋଗେଶ୍ୱର ଦାଶ,ସମ୍ମାନିତ ଅତିଥି ମୁକେଶ ଚନ୍ଦ୍ର ଭୋଇ,ଘନଶ୍ୟାମ ମେହେର,ଭରତ ମହାପାତ୍ର,ଦୟାନିଧି ଦେବତା ଯୋଗଦେଇ ବର୍ତ୍ତମାନ ଯୁଗରେ ଗୁଣାତ୍ମକ ଶିକ୍ଷାର ଆବଶ୍ୟକତା ସମ୍ପର୍କରେ ଆଲୋଚନା କରିଥିଲେ | ଏଇ ଅବସରରେ ସୁବର୍ଣ୍ଣପୁର ଜିଲ୍ଲାର ଶିକ୍ଷା ସାହିତ୍ୟ ଓ କଳାତ୍ମକ ଦିଗରେ  ସୁନାମ ଅର୍ଜନ କରିଥିବା ସୋନପୁର ବ୍ଲକର ଶିକ୍ଷୟିତ୍ରୀ ସନ୍ତୋଷିନୀ ନନ୍ଦ, ଡୁଙ୍ଗୁରିପାଲି ବ୍ଲକର ଶିକ୍ଷକ ରବୀନ୍ଦ୍ର କୁମ୍ଭାର, ବୀରମହାରାଜପୁର ବ୍ଲକର ପ୍ରଦୀପ ଜଗଦଲା, ଉଲୁଣ୍ଡା ବ୍ଲକର ସୁଷମା ଲୁହା,କଳାକାର ଶତ୍ରୁଘ୍ନ ଲୁହା,ଶ୍ରୀଯୁକ୍ତ ନିର୍ମଳ ଭରାସାଗର,ବିଦ୍ୟାଳୟକୁ ନବାଗତ ଶିକ୍ଷକ ଚେରୁ ମେହେର ଓ ଶିକ୍ଷୟିତ୍ରୀ  ନମିତା ସାହୁ,ବିଦାୟୀ ଶିକ୍ଷକ ସ୍ୱାଧୀନ ପଧାନଙ୍କୁ ମାନପତ୍ର ଓ ଉପଢୌକନ ପ୍ରଦାନ ପୂର୍ବକ ସମ୍ବର୍ଦ୍ଧନା ଜ୍ଞାପନ କରାଯାଇଥିଲା |ବିଦ୍ୟାଳୟର ବିବିଧବିଭାଗରେ କୃତିତ୍ୱ ଅର୍ଜନ କରିଥିବା ଛାତ୍ରଛାତ୍ରୀ ସୁଶ୍ରୀ ଭାରତୀ ବାଘ, ମିକିରାଣୀ ଭୁଏ,ବିଷ୍ନୁପ୍ରିୟା ମହାକୁର,ପୂଜା କୁମ୍ଭାର,ଲିଜା କୁମ୍ଭାର,ଅର୍ଚିତା କୁମ୍ଭାର,ବାଦଲ ଭୁଏ,ଶୁଭମ ମହାନନ୍ଦ,ଶାଶ୍ୱତ ଭରାସାଗର,ଅନିତା ବାଦୀ,ରାକ୍ଷୀ ଲୁହା,ସୋନାଲି ରୋପାଲି, ଶ୍ରେୟାଂଶି ପ୍ରିୟଦର୍ଶିନୀ ପାଢ଼ୀ,ରାକେଶ ବାଘ ପ୍ରମୁଖଙ୍କୁ ପୁରସ୍କାର ଓ ଟ୍ରଫି ପ୍ରଦାନ କରାଯାଇଥିଲା  ତାପରେ ବିଦ୍ୟାଳୟର ଛାତ୍ରଛାତ୍ରୀମାନଙ୍କ ଦ୍ୱାରା ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇଥଲା 
। ଆଶିଷ କୁମାର ପର୍ଡିଆ ସ୍ୱାଗତ ଭାଷଣ ଦେଇଥିବା ବେଳେ ଧନ୍ୟବାଦ ଅର୍ପଣ କରିଥିଲେ ପୁରନ୍ଦର ମେହେର  ବିଦ୍ୟାଳୟ କମିଟିର ସମସ୍ତ ସଦସ୍ୟ ଏଥିରେ ପୂର୍ଣ୍ଣସହଯୋଗ କରିଥିଲେ |