05-Jul-2026

ବରପାଲି : (ସୁଦାମ ଦୀପ)ବରପାଲି ସହରସ୍ଥିତ ଅଶୋକ କ୍ଲବର ଉନ୍ନତିକରଣ କାର୍ଯ୍ୟର ଉଦ୍ଘାଟନ ରବିବାର ଅନୁଷ୍ଠିତ ହୋଇଯାଇଛି। ଏହି ଅବସରରେ ବିଜେପୁର ବିଧାନସଭା ନିର୍ବାଚନମଣ୍ଡଳୀର ବିଧାୟକ ଶ୍ରୀ ସନତ କୁମାର ଗଡ଼ତୀୟା ମୁଖ୍ୟ ଅତିଥି ଭାବେ ଯୋଗଦେଇ ନବୀକୃତ କ୍ଲବର ଶୁଭ ଉଦ୍ଘାଟନ କରିଥିଲେ।
ଉଦ୍ଘାଟନ ପରେ ବିଧାୟକ ଶ୍ରୀ ଗଡ଼ତୀୟା କ୍ଲବର ସାମାଜିକ ଓ କ୍ରୀଡ଼ା କ୍ଷେତ୍ରରେ ଭୂମିକାର ପ୍ରଶଂସା କରିବା ସହ ଏହାର ଉନ୍ନତି ଅଞ୍ଚଳର ଯୁବପିଢ଼ିଙ୍କ ପାଇଁ ପ୍ରେରଣାଦାୟକ ହେବ ବୋଲି କହିଥିଲେ।ଏହି ଅବସରରେ କ୍ଲବର ସଦସ୍ୟ, ବରପାଲି ନଗର ମଣ୍ଡଳ ସଭାପତି ପ୍ରତାପ କେଶରୀ ସିଂ, ବିଶିଷ୍ଟ ବ୍ୟକ୍ତିବର୍ଗ ଓ ବହୁ ସଂଖ୍ୟକ ଅଞ୍ଚଳବାସୀ ଉପସ୍ଥିତ ଥିଲେ। କାର୍ଯ୍ୟକ୍ରମ ଶେଷରେ ଜଗତଜନନୀ ମା' ଦୁର୍ଗାଙ୍କ ନିକଟରେ ସମସ୍ତଙ୍କ ସୁଖ, ଶାନ୍ତି, ସମୃଦ୍ଧି ଓ ମଙ୍ଗଳମୟ ଜୀବନ ପାଇଁ ପ୍ରାର୍ଥନା କରାଯାଇଥିଲା।