05-Jul-2026

ଲୋଇସିଂହା, (ପ୍ରେରଣା ଖବର) ପଣ୍ଡିତ ଉତ୍କଳମଣି ଗୋପବନ୍ଧୁ ଦାସ ଙ୍କ ୯୮ତମ ଶ୍ରାଦ୍ଧ ଦିବସ  ଓ ସମାଜ ସଂସ୍କାରଣ ଖବର କାଗଜ ର ୧୦୬ବର୍ଷ ପୂର୍ତ୍ତି ରେ ବଲାଙ୍ଗିର ଜିଲ୍ଲା ଲୋଇସିଂହା ବ୍ଲକ ସଦର ମହକୁମା ସ୍ଥିତ ସରସ୍ବତୀ ଶିଶୁ ବିଦ୍ୟା ମନ୍ଦିର ଠାରେ ଆଜି ଦୈନିକ ଖବର କାଗଜ "ସମାଜ "ପକ୍ଷରୁ ଚିତ୍ରାଙ୍କନ ଓ କ୍ଵିଜ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି।ଆୟୋଜିତ ଉକ୍ତ କାର୍ଯ୍ୟକ୍ରମରେ  ଲୋଇସିଂହା ବ୍ଲକ ସମାଜ ପ୍ରତିନିଧି ସାରଙ୍ଗ ଭୋଇ ଙ୍କ ତତ୍ୱାବଧାନ ରେ ଚିତ୍ରାଙ୍କନ ପ୍ରତିଯୋଗିତାରେ ୬୦ ଜଣ ଛାତ୍ରଛାତ୍ରୀ ଅଂଶଗ୍ରହଣ କରିଥିବା ବେଳେ କ୍ଵିଜ ପ୍ରତିଯୋଗିତାରେ ୨୮ ଜଣ ଛାତ୍ରଛାତ୍ରୀ ଅଂଶଗ୍ରହଣ କରିଥିଲେ।ଚିତ୍ରାଙ୍କନରେ ପ୍ରିୟାଂଶି ସାହୁ ପ୍ରଥମ,ରୀତିକା ମହାକୁର ଦ୍ଵିତୀୟ ଓ ପ୍ରିୟସ୍ମିତା ତାଣ୍ଡି ତୃତୀୟ ସ୍ଥାନ ଅଧିକାର କରିଥିବା ବେଳେ କ୍ଵିଜ ପ୍ରତିଯୋଗିତାରେ ରାଧାକୃଷ୍ଣ ଉଚ୍ଚ ବିଦ୍ୟାଳୟ ହୀରାପୁର ର ଛାତ୍ରୀ ଜୟରାଣୀ ନାଗ ପ୍ରଥମ,ସରକାରୀ ଲୋଇସିଂହା ବାଳିକା ଉଚ୍ଚ ବିଦ୍ୟାଳୟ ର ଛାତ୍ରୀ କରିନା ସାହୁ ଦ୍ଵିତୀୟ ଓ ଲୋଇସିଂହା ସରସ୍ବତୀ ଶିଶୁ ବିଦ୍ୟାମନ୍ଦିର ର ଛାତ୍ରୀ ବର୍ଣ୍ଣାଲି ବେହେରା ତୃତୀୟ ସ୍ଥାନ ଅଧିକାର କରିଥିଲେ।କ୍ଵିଜ ଓ ଚିତ୍ରାଙ୍କନ ପ୍ରତିଯୋଗିତାରେ ପ୍ରଥମ ସ୍ଥାନ ଅଧିକାର କରିଥିବା ଛାତ୍ରଛାତ୍ରୀଙ୍କୁ ମାନପତ୍ର ସହିତ ୭୫୦ ଟଙ୍କା ,ଦ୍ଵିତୀୟ ସ୍ଥାନ ଅଧିକାର କରିଥିବା ଛାତ୍ରଛାତ୍ରୀଙ୍କୁ ମାନପତ୍ର ସହିତ ୫୦୦ ଟଙ୍କା ଓ ତୃତୀୟ ସ୍ଥାନ ଅଧିକାର କରିଥିବା ଛାତ୍ରଛାତ୍ରୀଙ୍କୁ ମାନପତ୍ର ସହିତ ୨୫୦ ଟଙ୍କା ନଗଦ ରାଶି ଦେଇ ପୁରସ୍କୃତ କରାଯାଇଥିଲା। ଏହି କାର୍ଯ୍ୟକ୍ରମ ରେ ମୁଖ୍ୟଅତିଥି ଭାବେ ଲୋଇସିଂହା ସରସ୍ବତୀ ଶିଶୁ ମନ୍ଦିର ପରିଚାଳନା କମିଟି ସଭାପତି ବଂଶୀଧର କାଲସାଏ ଯୋଗ ଦେଇଥିବା ବେଳେ ସମ୍ମାନିତ ଅତିଥି ଭାବେ ଶିଶୁ ମନ୍ଦିର ର ପ୍ରଧାନ ଗୁରୁଜୀ ଶିବପ୍ରସାଦ ବାରିକ ମଂଚାସୀନ ଥିଲେ।ମଞ୍ଚାସିନ ଅତିଥିମାନେ ସମାଜ ଦୈନିକ ଖବର କାଗଜର ପ୍ରତିଷ୍ଠାତା ଉତ୍କଳ ମଣି ଗୋପବନ୍ଧୁ ଦାସଙ୍କ ଜୀବନୀ ଉପରେ ନିଜ ନିଜ ବକ୍ତବ୍ୟ ରଖିବା ସହିତ ଛାତ୍ରଛାତ୍ରୀ ମାନଙ୍କୁ ପ୍ରେରଣା ଦେଇଥିଲେ l