21-Mar-2026

ସୋନପୁର (ମନୋରଞ୍ଜନ ତ୍ରିପାଠୀ )
 ସୁବର୍ଣ୍ଣପୁର ସହର ର ଆଶା ନର୍ସିଂ ହୋମ ଠାରେ ତ୍ରୁଟିପୂର୍ଣ୍ଣ ଚିକିତ୍ସା ଯୋଗୁଁ ଗତକାଲି ତରଭା ସହରର ମହାବୀର ଅଗ୍ରୱାଲ(୪୩)ଙ୍କ ମୃତ୍ୟୁ ଘଟଣାର ଅଭିଯୋଗ ପାଇ ଆଜି ସଂନ୍ଧ୍ୟାରେ ତଦନ୍ତ ଆରମ୍ଭ କରିଛନ୍ତି ସୁବର୍ଣ୍ଣପୁର ଜିଲ୍ଲାପାଳ ଡ. ନୃପରାଜ ସାହୁ। ସୁବର୍ଣ୍ଣପୁର ଜିଲ୍ଲା ମୁଖ୍ୟ ଚିକିତ୍ସାଳୟକୁ ପହଞ୍ଚି ମେଡିକାଲ ପରିଦର୍ଶନ କରି ପଞ୍ଜୀକରଣ କାଉଣ୍ଟରରେ ବସି କର୍ମଚାରୀଙ୍କୁ ପଚାରି ବୁଝିଥିଲେ । ପରେ ସିଡିଏମ୍ ପି ଏଚ୍ ଓ, ମେଡିକାଲ୍ ଅଧିକ୍ଷକଙ୍କ ସହ ଆଲୋଚନା କରି ଶ୍ରୀ ଅଗ୍ରୱାଲଙ୍କ ଚିକିତ୍ସା ର ସମସ୍ତ ତଥ୍ୟ ବୁଝିଥିଲେ । କାହିଁକି କେଉଁ ପରିସ୍ଥିତି ରେ ଘରୋଇ ନର୍ସିଂ ହୋମ କୁ ଚିକିତ୍ସା ପାଇଁ ନିଆଗଲା ଓ ମୁଖ୍ୟ ଚିକିତ୍ସାଳୟରୁ ରେଫର୍ କରି ସ୍ଥାନୀୟ ଆଶା ନର୍ସିଂ ହୋମରେ ନେଇ ଚିକିତ୍ସା କରିଥିବା ଉଭୟ ଡାକ୍ତର  ଆଜି ହଠାତ୍ ଛୁଟିରେ ପଳେଇ ଥିବାରୁ ଏଥିରୁ ତୃଟି ପୂର୍ଣ୍ଣ ଚିକିତ୍ସାର ଗନ୍ଧ ବାରି ହେଉଛି ବୋଲି ବିସ୍ମିତ ହୋଇଥିଲେ ଜିଲ୍ଲାପାଳ  ।  ଏହି ସବୁ ଘଟଣାର ଓ ଶବ ବ୍ୟବଚ୍ଛେଦ ରିପୋର୍ଟ ଦାଖଲ କରିବାକୁ ନିର୍ଦେଶ କରି ଦୋଷୀ ବିରୁଦ୍ଧରେ କାର୍ଯ୍ୟାନୁଷ୍ଠାନ ହେବ ବୋଲି କହିଥିଲେ  l ପରେ ଘରୋଇ ଆଶା ନର୍ସିଂ ହୋମ କୁ ପରିଦର୍ଶନ କରି ଶ୍ରୀ ଅଗ୍ରୱାଲ ଙ୍କ ଚିକିତ୍ସା ବିଷୟ ରେ ବିଭିନ୍ନ ପ୍ରଶ୍ନ ସହ ତଦନ୍ତ କଲେ  ଓ ତ୍ରୁଟି ପୂର୍ଣ୍ଣ ଚିକିତ୍ସା ରେ ସାମିଲ୍ ଥିବା ଡାକ୍ତର ଓ ଦାୟିତ୍ୱ ରେ ଥିବା ଏ ନର୍ସିଂ ହୋମ ମାଲିକ ଙ୍କ ଉପରେ ମଧ୍ଯ କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଡ଼. ସାହୁ କହିଥିଲେ l