21-Mar-2026

ନୂଆପଡ଼ା (ରାମନାଥ ପଣ୍ଡା )
ନୂଆପଡ଼ା ଜିଲ୍ଲାର ନୂତନ ଜିଲ୍ଲା ସୂଚନା ଓ ଜନସମ୍ପର୍କ ଅଧିକାରୀ (ଡିଆଇପିଆରଓ) ଭାବେ ରମାକାନ୍ତ ବିଶ୍ୱାସ ଦାୟିତ୍ୱ ଗ୍ରହଣ କରିଛନ୍ତି। ପୂର୍ବତନ ଡିଆଇପିଆରଓ ବିଦ୍ୟାପତି ପଣ୍ଡାଙ୍କ ଠାରୁ ଦାୟିତ୍ୱ ଗ୍ରହଣ କରିଥିଲେ। ଶ୍ରୀ ପଣ୍ଡାଙ୍କୁ ବୌଦ୍ଧ ଜିଲ୍ଲାକୁ ଡିଆଇପିଆରଓ ଭାବେ ବଦଳି କରାଯାଇଛି।
ଓଡ଼ିଶା ସୂଚନା ସେବା (ଓଆଇଏସ-୨) ୨୦୨୫ ବ୍ୟାଚର ଅଧିକାରୀ ଶ୍ରୀ ବିଶ୍ୱାସ ଓଡ଼ିଶା ଲୋକସେବା ଆୟୋଗ ପରୀକ୍ଷାରେ ସେ ୨୬ତମ ସ୍ଥାନ ଅଧିକାର କରିଥିଲେ। 
ସେ ୦୫ ଡିସେମ୍ବର ୨୦୨୫ ତାରିଖରେ ନୂଆପଡ଼ାରେ ଉପଖଣ୍ଡ ସୂଚନା ଓ ଜନସମ୍ପର୍କ ଅଧିକାରୀ (ଏସଡିଆଇପିଆରଓ) ଭାବେ ଯୋଗଦେଇଥିଲେ। ୨୦୧୩ ମସିହାରେ ଏକାଡେମି ଅଫ୍ ମ୍ୟାନେଜମେଣ୍ଟ ଆଣ୍ଡ ଇନଫର୍ମେସନ ଟେକ୍ନୋଲୋଜିରୁ ସାମ୍ବାଦିକତା ଓ ଜନସଂଯୋଗରେ ସ୍ନାତକୋତ୍ତର ଶିକ୍ଷା ଅର୍ଜନ କରିବା ପରେ ସେ ତାଙ୍କ ସାମ୍ବାଦିକତା ଜୀବନ ‘ଓଡ଼ିଶା ପୋଷ୍ଟ’ ଇଂରାଜୀ ଦୈନିକ ଖବର କାଗଜରେ ସବ୍‌-ଏଡିଟର ଭାବେ ଆରମ୍ଭ କରିଥିଲେ। ପରେ ‘ପ୍ରଗତିବାଦୀ’ ଇଂରାଜୀ ୱେବସାଇଟ ଓ ‘ଓଟିଭି ଇଂଲିଶ ଡିଜିଟାଲ’ରେ ସିନିୟର ସବ୍‌-ଏଡିଟର କାର୍ଯ୍ୟ କରିଥିଲେ।ଦାୟିତ୍ୱ ଗ୍ରହଣ ପରେ ଶ୍ରୀ ବିଶ୍ୱାସ କହିଛନ୍ତି ଯେ, ସରକାରଙ୍କ ବିଭିନ୍ନ କଳ୍ୟାଣମୂଳକ ଯୋଜନା ଓ କାର୍ଯ୍ୟକ୍ରମଗୁଡ଼ିକୁ ସଠିକ ଭାବେ ଲୋକମାନଙ୍କ ମଧ୍ୟରେ ପହଞ୍ଚାଇବା ସହ ଜନସମ୍ପର୍କ ବ୍ୟବସ୍ଥାକୁ ଆହୁରି ସୁଦୃଢ଼ କରିବା ତାଙ୍କର ପ୍ରାଥମିକତା ରହିବ।