18-Mar-2026

କାକଟପୁର(ଚିନ୍ମୟ ବିଶ୍ୱାଳ):ପୁରୀ ଜିଲ୍ଲା କାକଟପୁରରେ ଅବସ୍ଥିତ ପ୍ରସିଦ୍ଧ ମା ମଙ୍ଗଳାଙ୍କ ପୀଠରେ ଆଜିଠାରୁ ପବିତ୍ର ଚୈତ୍ର ଝାମୁଯାତ୍ରାର ଦ୍ୱିତୀୟ ପାଳି ଆରମ୍ଭ ହୋଇଛି।ପ୍ରତିବର୍ଷ ଚୈତ୍ର ମାସରେ ଆୟୋଜିତ ଏହି ପାରମ୍ପରିକ ଧାର୍ମିକ ପର୍ବକୁ ନେଇ ମନ୍ଦିର ଅଞ୍ଚଳରେ ଭକ୍ତିମୟ ପରିବେଶ ସୃଷ୍ଟି ହୋଇଛି।ଆଜି ଚୈତ୍ର ମାସର ପ୍ରଥମ ମଙ୍ଗଳବାର ରେ ସକାଳୁ ମା ମଙ୍ଗଳାଙ୍କ ମନ୍ଦିରରେ ବିଶେଷ ପୂଜାର୍ଚ୍ଚନା ଓ ପାରମ୍ପରିକ ରୀତିନୀତି ମାଧ୍ୟମରେ ଯାତ୍ରାର ଶୁଭାରମ୍ଭ କରାଯାଇଥିଲା। ମାଆ  ଆଜି ମହାଲକ୍ଷ୍ମୀ ବେଶରେ ଦର୍ଶନ ଦେଉଛନ୍ତି ।ମା ଙ୍କର ଦର୍ଶନ ପାଇଁ ହଜାର ହଜାର ଭକ୍ତ ମନ୍ଦିରକୁ ଆସି ପୂଜାର୍ଚ୍ଚନା କରିଥିଲେ ଏବଂ ମନୋକାମନା ପୂରଣ ପାଇଁ ପ୍ରାର୍ଥନା କରିଥିଲେ।ଏହି ଚୈତ୍ର ଝାମୁଯାତ୍ରାର ମୁଖ୍ୟ ଆକର୍ଷଣ ହେଉଛି ଝାମୁ ନୃତ୍ୟ ଓ ଅଗ୍ନି ଉପରେ ଚାଲିବା ପରମ୍ପରା। ମାଙ୍କ ଉପରେ ଅତୁଟ ଆସ୍ଥା ରଖି ଭକ୍ତମାନେ ବ୍ରତ ଧାରଣ କରି ଅଗ୍ନି ଝାମୁ ଉପରେ ଚାଲି ମନୋକାମନା ପୂରଣ ପାଇଁ ପ୍ରାର୍ଥନା କରିଥାନ୍ତି।ଯାତ୍ରାକୁ ନଜରରେ ରଖି ପ୍ରଶାସନ ପକ୍ଷରୁ ବିଶେଷ ସୁରକ୍ଷା ବ୍ୟବସ୍ଥା କରାଯାଇଛି। ପୋଲିସ ବଳ ସହ ସ୍ୱେଚ୍ଛାସେବୀମାନେ ଭକ୍ତମାନଙ୍କ ସୁବିଧା ଓ ଶୃଙ୍ଖଳା ରକ୍ଷା ପାଇଁ ନିୟୋଜିତ ହୋଇଛନ୍ତି।ଆଗାମୀ କିଛି ଦିନ ଧରି ଚାଲିବାକୁଥିବା ଏହି ଯାତ୍ରାକୁ ଦେଖିବା ପାଇଁ ରାଜ୍ୟର ବିଭିନ୍ନ ଅଞ୍ଚଳରୁ ଭକ୍ତମାନେ ମା ମଙ୍ଗଳାଙ୍କ ପୀଠକୁ ଆସୁଛନ୍ତି। ଯାତ୍ରା ଅବସରରେ ସମଗ୍ର କାକଟପୁର ଅଞ୍ଚଳ ଭକ୍ତି ଓ ଆନନ୍ଦରେ ମୁଗ୍ଧ ହୋଇପଡିଛି।