07-Mar-2026

ବରପାଲି (ସୁଦାମ ଦୀପ) ବରଗଡ ଜିଲ୍ଲା ବରପାଲି  ପ୍ରାଥମିକ କୃଷି ସମବାୟ ସମିତିର  ବାର୍ଷିକ ସାଧାରଣ ସଭା ସମିତିର ସଭାପତି ଗୁରୁ ମେହେରଙ୍କ ଅଧକ୍ଷତାରେ ସାପ୍ତାହିକ ବଜାର ପରିସରରେ ଅନୁଷ୍ଠିତ ହୋଇଯାଇଛି। ସମିତିର ସମ୍ପାଦକ  ଦିଲ୍ଲୀପ କୁମାର ଭୋଇ ସମିତିର ବାର୍ଷିକ ବିବରଣି ପାଠ କରିଥିବାବେଳେ ସହ ସଂପାଦକ ବସନ୍ତ କୁମାର ମହାପାତ୍ର ଓ ଅଜିତ କୁମାର ମିଶ୍ର ସଭାପରିଚାଲନା କରିଥିଲେ।ବରପାଲି ସମ୍ବଲପୁର ଜିଲ୍ଲା କେନ୍ଦ୍ର ସମବାୟ ଶାଖା ପରିଚାଳକ ସାଲବେଗ ବାଦି ଯୋଗଦାନ କରି ଚାଷୀ ମାନଙ୍କ ପାଇଁ ସରକାରଙ୍କ ଦ୍ୱାର ଅନୁମୋଦିତ ହୋଇଥିବା ଯନ୍ତ୍ରପାତି ବିନା ସୁଧାରେ ଋଣ ସାର ଇତ୍ୟାଦି ଜିନିଷ ଠିକ ସମୟରେ କେମିତି ପାଇ ପାରିବେ  ସେ ଉପରେ ଆଲୋଚନା ହୋଇଥିବା ବେଳେ ୟୁରିଆ ସାରର ବ୍ୟବହାର ଉପରର ଏବଂ  ଇୟୁରିଆ ସାର ସମିତିକୁ କମ୍ ଆସୁଥିବାରୁ ସଭା ରେ ଅଧିକ ଆଣିବା ପାଇଁ ଚାଷୀ ମାନେ ଦାବି ରଖିଥିଲେ। ବାର୍ଷିକ ସମିତି ସଭାରେ ବରପାଲି ସମବାୟ  ସମିତି  ଡାଇରେକ୍ଟର ଧୋବା ପଧାନ, ମହେନ୍ଦ୍ର କୁମାର ଗହିର,ପୁରନ୍ଦର ମେହେର,ରବି ସାହୁ,ଧ୍ଵଜ ପଧାନ,ପ୍ରଫୁଲ୍ଲ ଭୋଇ,ସୁରେନ୍ ପତି,  କଣ୍ଟାପାଲି ପେକ୍ସ୍  ସଭାପତି ଧୂର୍ବ ସାହୁ, ପ୍ରତାପ ସିଂ ଯୋଗ ଦେଇ ଚାଷୀ ମାନଙ୍କ ଉନ୍ନତି ତଥା ଚାଷୀ ମାନେ ଅଧିକ ଲାଭବାନ ହୋଇ ସାବଲମ୍ବୀ ହୋଇପାରିବେ ସେ ଉପରେ ଉପସ୍ଥିତ ଥିବା ଅତିଥି ମାନେ ବକ୍ତବ୍ୟ ପ୍ରଦାନ କରିଥିଲେ।ଏହି ସଭାକୁ ଭୀମସେନ ସା,ବିନୋଦ ପଧାନ, ରାଜ୍ ତିଳକ ଗଡତିଆ  ତପନ ଭୋଇ,ସମୀର ମେହେର ପ୍ରମୁଖ ସହଯୋଗ କରିଥିଲେ।ଏହି ସାଧାରଣ ସଭାରେ ସହସ୍ରାଧିକ ଚାଷୀ ମାନେ ଉପସ୍ଥିତ ଥିଲେ।ଶେଷରେ  ସଭାପତି ଗୁରୁ ମେହେର ଧନ୍ୟବାଦ ଅର୍ପଣ କରିଥିଲେ।