07-Mar-2026

ସୁନ୍ଦରଗଡ଼(ଟୋନିସ ରୋହିଦାସ):  ସୁନ୍ଦରଗଡ଼ ପୁଲିସ ଜିଲ୍ଲାର ଟାଉନଥାନା ପରିସରରେ ଏକ ସାଇବର୍ ଓ ଅର୍ଥନୈତିକ ଅପରାଧ ଥାନା ଶୁଭାରମ୍ଭ ହୋଇଛି। ଶୁକ୍ରବାର ଭୁବନେଶ୍ଵରରୁ ମୁଖ୍ୟମନ୍ତ୍ରୀ ମୋହନଚରଣ ମାଝୀଙ୍କ ଉପସ୍ଥିତିରେ କେନ୍ଦ୍ର ଗୃହମନ୍ତ୍ରୀ ଅମିତ ଶାହା ଆଭାସି ଜରିଆରେ ଏହାକୁ ଉଦ୍‌ଘାଟନ କରିଥିଲେ । ଏହି ଅବସରରେ ଟାଉନଥାନା ପରିସରରେ ଆୟୋଜିତ କାର୍ଯ୍ୟକ୍ରମରେ ଅତିଥି

ଭାବେ ଉପବାଚସ୍ପତି ଭବାନୀଶଙ୍କର ଭୋଇ ଯୋଗଦେଇ ଆଇନ ସହ ଜନସଚେତନତା ଏହି ଅପରାଧକୁ ରୋକିବ ବୋଲି କହିଛନ୍ତି। ଉଦ୍‌ଘାଟନୀ କାର୍ଯ୍ୟକ୍ରମରେ ଡିଆଇଜି ବ୍ରିଜେଶ ରାୟ, ସୁନ୍ଦରଗଡ଼ ଆରକ୍ଷୀ ଅଧୀକ୍ଷକ ଅମ୍ରିତପାଲ କୌର, ପୌରାଧ୍ୟକ୍ଷା ତନୟା ମିଶ୍ର, ପୂର୍ବତନ ବିଧାୟିକା କୁସୁମ ଟେଟେ, ଅତିରିକ୍ତ ଜିଲ୍ଲାପାଳ ସୂରଜ ପଟ୍ଟନାୟକ, ଅତିରିକ୍ତ ଜିଲ୍ଲାପାଳ (ରାଜସ୍ଵ) ଅଭିମନ୍ୟୁ ମାଝୀ, ଜିଲ୍ଲା ପରିଷଦ ମୁଖ୍ୟ ନିର୍ବାହୀ ଅଧିକାରୀ ତଥା ନିର୍ବାହୀ ଅଧିକାରୀ ସୁରଞ୍ଜନ ସାହୁ, ଉପଜିଲ୍ଲାପାଳ ତେଜସ୍ବିନୀ ବେହେରା, ଆଇଏଏସ୍ ଶିକ୍ଷାନବିସ ଫାବି ରସିଦଙ୍କ ସମେତ ଅନ୍ୟ ବରିଷ୍ଠ ଅଧିକାରୀ ଓ

ବ୍ୟକ୍ତିବିଶେଷ ଉପସ୍ଥିତ ଥିଲେ। ସଚେତନତା ଅଭାବରୁ ସୁନ୍ଦରଗଡ଼ ପୁଲିସ ଜିଲ୍ଲାରେ ସାଇବର୍‌ ଠକେଇ ଓ ଅର୍ଥନୈତିକ ଅପରାଧ ବୃଦ୍ଧି ପାଉଥିବାବେଳେ ଏହି ସାଇବର୍‌ ଥାନା ଲୋକଙ୍କ ପାଇଁ ବିଶେଷ ସହାୟକ ହେବ ବୋଲି ଆଶା କରାଯାଇଛି । ଉଲ୍ଲେଖଯୋଗ୍ୟ, ଏହା ପୂର୍ବରୁ ସୁନ୍ଦରଗଡ଼ ରାଉରକେଲା ସାଇବର୍‌ ଥାନା ଅଧୀନରେ ଥିଲା। ଯାହା ସୁନ୍ଦରଗଡ଼ ଲୋକଙ୍କ ପାଇଁ ବ୍ୟୟ ଓ ସମୟ ସାପେକ୍ଷ ଥିଲା ଆଇନ ସହ ସଚେତନତା ଅପରାଧ ରୋକିବ।