07-Mar-2026

ବଲାଙ୍ଗୀର(ପ୍ରେରଣା ଖବର): ବଲାଙ୍ଗୀରର ଜୀବନରେଖା  ଭାବେ ପରିଗଣିତ ନିମ୍ନ ସୁକତେଲ ଜଳସେଚନ ପ୍ରକଳ୍ପ ଦ୍ୱାରା ଯେଉଁମାନେ ଭିଟାମାଟି ହରାଇ ସର୍ବସ୍ବାନ୍ତ, ସେମାନଙ୍କୁ ଯଥା ସାଧ୍ୟ ଆଦର ଦେଖାଇ ପାରିଲେ ଏହା ମାନବିକତାର ନିଚ୍ଛକ ନିଦର୍ଶନ ବୋଲି ବିବେଚନା କରାଯାଇପାରିବ । ସ୍ବେଚ୍ଛାସେବୀ ଅନୁଷ୍ଠାନ ନେସନାଲ ସର୍ଭିସ ଫାଉଣ୍ଡେସନ,ବଲାଙ୍ଗୀର ଓ ସୁକତେଲ ମହୋତ୍ସବ କମିଟି ର ମିଳିତ ସହଯୋଗ ତଥା ଓଡ଼ିଶା ସରକାରଙ୍କର ଓଡ଼ିଆ ଭାଷା,ସାହିତ୍ୟ ଓ ସଂସ୍କୃତି ବିଭାଗର ସହାୟତାରେ ତୃତୀୟ ସୁକତେଲ ମହୋତ୍ସବ ଯାହା ୨୮ ଫେବୃୟାରୀ ରୁ ୩ ମାର୍ଚ୍ଚ ପର୍ଯ୍ୟନ୍ତ ସଦର ବ୍ଲକ ଅନ୍ତର୍ଗତ ବାନ୍ଧନଘୋର ଗ୍ରାମ ଠାରେ ଅନୁଷ୍ଠିତ ହୋଇଥିଲା ,ଏହାର ଅନ୍ତିମ ପର୍ବ ଭେଟଘାଟ କାର୍ଯ୍ୟକ୍ରମ ଥିଲା । ଏକ ନିଆରା ପ୍ରୟାସ କ୍ରମରେ ଉତ୍ସବ ମଞ୍ଚରେ ସୁକତେଲ ବିସ୍ଥାପିତ ପ୍ରତିଭା ସର୍ବଶ୍ରୀ ନିରଞ୍ଜନ ସାହୁ,ଧ୍ରୁବ ପ୍ରଧାନ,କିଶୋର ଗଡତ୍ୟା,ନାରାୟଣ ପ୍ରଧାନ,କେଶବ ସାହୁ ,ଭୀଷ୍ମ ପଧାନ,ପୂର୍ଣ୍ଣଚନ୍ଦ୍ର ସାହୁ,ଜୟକୃଷ୍ଣ ବୁଡେକ,ଗୋପୀନାଥ ବରିହା,ରଞ୍ଜନ ପାଣ୍ଡେ ଏବଂ ଅନ୍ୟାନ୍ୟ ପ୍ରାୟ ୧୮ ଜଣଙ୍କୁ ଉତ୍ତରୀୟ ଓ ଫୁଲ ମାଳ ଦେଇ ସମ୍ବର୍ଦ୍ଧନା ଦିଆଯାଇଛି । ମହୋତ୍ସବ କମିଟିର ବରିଷ୍ଠ ସଦସ୍ୟ ତଥା ସମାଜସେବୀ ଶ୍ରୀ ହାଡ଼ିବନ୍ଧୁ ତ୍ରିପାଠୀଙ୍କ ବଳିଷ୍ଠ ଉଦ୍ୟମ ତଥା ସଂଯୋଜନାରେ ଏହା ସମ୍ଭବ ହୋଇପାରିଛି । ଆଗାମୀ ଦିନରେ ବିଭିନ୍ନ ବିସ୍ଥାପିତ ପ୍ରତିଭାଙ୍କୁ ଚିହ୍ନଟ କରି ପର୍ଯ୍ୟାୟକ୍ରମେ ସମ୍ବର୍ଦ୍ଧିତ କରିବା ପାଇଁ ପ୍ରଚେଷ୍ଟା ଜାରି ରହିବ ବୋଲି କର୍ମକର୍ତ୍ତା ମାନେ ମତ ପ୍ରକାଶ କରିଛନ୍ତି ।
ଏତଦବ୍ୟତୀତ କଅଗାଁର ବରିଷ୍ଠ ଦଣ୍ଡ କଳାକାର ଶ୍ରୀଯୁକ୍ତ ଶିବ ଅଦାବରିଆଙ୍କୁ ଜୀବନବ୍ୟାପି ସାଧନା ପାଇଁ ସମ୍ବର୍ଦ୍ଧନା ପ୍ରଦାନ କରାଯାଇଥିଲା । ଏହି ପର୍ବରେ କଂସ ଭୂମିକାରେ ଅଭିନୟ

କରିଥିବା ଶୁଭମ ଘିବିଲାଙ୍କ ସହିତ ଚିଙ୍କୁ ପ୍ରଧାନ,ପ୍ରସନ୍ନ ଗହୀର,ସତ୍ୟନାରାୟଣ ଗହୀର,ପ୍ରତାପ ସାହୁ ଓ ସୁରେଶ ବୁଡେକ,ଶ୍ରୀମୟ ତ୍ରିପାଠୀ,ଦେବବତ୍ତ ସେଠ,ଦେବାଶିଷ ପାଣ୍ଡିଆ,ସୁରେଶ ମେହେର ,ବରୁଣ ରଣା,ସର୍ବଜିତ ତ୍ରିପାଠୀ, ବିଶ୍ୱଜିତ ନାଥ,ମାଗୁରବେଡ଼ା ସମିତି ସଦସ୍ୟ ଦେବାଶିଷ ଦାଶ , ସୁରେଶ ବିଶି ,ଅନାଦି ମାଝୀ ,ଜଗଦାନନ୍ଦ ଗୁରହାଣ୍ଡି ଓ  ହରେକୃଷ୍ଣ ବୁଡେକ ପ୍ରମୁଖ ସହଯୋଗ କରିଥିଲେ । ଫାଉଣ୍ଡେସନର ଉପଦେଷ୍ଟା  ମଳୟ ଆନନ୍ଦ କୁମାର ତ୍ରିପାଠୀଙ୍କ ତତ୍ତ୍ୱାବଧାନରେ ସମସ୍ତ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲଲା।