01-Mar-2026

ବିନିକା(ହିମାଂଶୁ ଶେଖର ପୁଟେଲ)ସୁବର୍ଣ୍ଣପୁର ଜିଲ୍ଲା ବିନିକା ଅଞ୍ଚଳର ପ୍ରସିଦ୍ଧ ଶୈବପୀଠ ଚରଦା ଗ୍ରାମ ସ୍ଥିତ ଜିତେନ୍ଦ୍ରିୟ ଥନାପତି ଓସିଏ ଅମ୍ପାୟର ପରୀକ୍ଷାରେ ୧୦୦ରୁ ୫୩.୩୩ପ୍ରତିଶତ ମାର୍କ ରଖି ଉତ୍ତୀର୍ଣ୍ଣ ହୋଇ ସାରା ବିନିକା ଅଞ୍ଚଳ ପାଇଁ ଗୌରବ ଆଣିଥିବାରୁ କ୍ରୀଡା ପ୍ରେମୀ ମହଲରେ ଖୁସିର ଲହରୀ ଖେଳିଯାଇଛି।ପ୍ରକାଶ ଯୋଗ୍ୟ ଗତ ୨୦୨୫ବର୍ଷ ଜୁନ ମାସ ୨୮ତାରିଖରେ ଅମ୍ପାୟର ଚୟନ ନେଇ ଓସିଏ ତରଫରୁ ପରୀକ୍ଷା ହୋଇଥିଲା ଏଥିରେ ରାଜ୍ୟର ବିଭିନ୍ନ କୋଣ ଅନୁକୋଣରୁ ପ୍ରାୟ ୧୨୬ଜଣ ଭାଗନେଇଥିଲେ ।ସେଥିରୁ ସୁବର୍ଣ୍ଣପୁର ଜିଲ୍ଲାର ଜିତେନ୍ଦ୍ରିୟ ଥନାପତି ଏକମାତ୍ର ପ୍ରତିଯୋଗୀ ଭାବେ ପରୀକ୍ଷାରେ ସଫଳତାର ସହ ଉତ୍ତୀର୍ଣ୍ଣ ହୋଇଛନ୍ତି ।ସୂଚନା ଯୋଗ୍ୟ ଯେ ଜିତେନ୍ଦ୍ରିୟ ଓଡ଼ିଶା ଫୁଟବଲ ଏସୋସିଏସନର ରେଫରୀ ଭାବରେ ନିଯୁକ୍ତି ପାଇ ରାଜ୍ୟ ସ୍ତରରେ ଆୟୋଜିତ ଫୁଟବଲ ମ୍ୟାଚ ଗୁଡିକରେ ରେଫରୀ ଭାବେ ଦାୟିତ୍ଵ ନିର୍ବାହ କରି ଆସୁଛନ୍ତି ।ବର୍ତ୍ତମାନ ସେ ନୂତନ କରି ଅମ୍ପାୟର ଭାବେ ଚୟନ ହୋଇଥିବାରୁ ଓସିଏ ତରଫରୁ ଆୟୋଜିତ ହେବାକୁ ଯାଉଥିବା କ୍ରିକେଟ ମ୍ୟାଚ୍ ଗୁଡିକରେ ଦାୟିତ୍ଵ ନିର୍ବାହ କରିବେ ।ଜିତେନ୍ଦ୍ରିୟଙ୍କ ଏହି ସଫଳତା ପରେ ବିଶେଷ କରି ସାରା ବିନିକା ଅଞ୍ଚଳରେ କ୍ରିକେଟ ଖେଳର ଅଭିବୃଦ୍ଧି ଘଟିବା ସହ ଖେଳାଳିଙ୍କ ମନୋବଳ ମଧ୍ୟ ବୃଦ୍ଧି ପାଇବ ବୋଲି ଆଶା କରାଯାଉଛି।ଅଞ୍ଚଳ ପାଇଁ ଜିତେନ୍ଦ୍ରିୟ ସଫଳତା ଆଣିଥିବାରୁ  ବିନିକା ସ୍ପୋର୍ଟସ କ୍ଲବ ସଭାପତି ସୋମନାଥ ମିଶ୍ର ଓ ଅଫିସ ଇନଚାର୍ଜ ହିମାଂଶୁ ଶେଖର ପୁଟେଲ ଅଭିନନ୍ଦନ ଓ ଶୁଭେଚ୍ଛା ଜଣାଇଛନ୍ତି ।