25-Feb-2026

ମାଡ଼ ମାରିଥିବା ହରି ପୋଢ ଓ ତାଙ୍କ ସମର୍ଥକଙ୍କୁ ଗିରଫ ଦାବୀ

ତଦନ୍ତ ଦାଇତ୍ୱ ଥିବା ପୋଲିସ ଅଧିକାରୀଙ୍କ ବିରୋଧରେ ମଧ୍ୟ କାର୍ଯ୍ୟାନୁଷ୍ଠାନ ଦାବି

କଣ୍ଟାବାଞ୍ଜି(ମୋହନ ସୁନା): ବଲାଙ୍ଗୀର ଜିଲ୍ଲା କଣ୍ଟାବାଞ୍ଜି ଥାନା ଅର୍ନ୍ତଗତ ଡୁମେରଚୁଆ ଗାଁରେ ଜାତିଆଣ ଭେଦଭାବ କରି ଦଳିତ ସମ୍ପ୍ରଦାୟର ପରିବାର ମାନଙ୍କୁ ନିର୍ଯାତନା କରୁଥିବା ଘଟଣା କୁ ନେଇ ଗତ କିଛି ଦିନ ହେଲା ଗଣମାଧ୍ୟମରେ ଶୀର୍ଷକ ଖବର ସାଜିଛି। ଏନେଇ ସୋମବାର କଣ୍ଟାବାଞ୍ଜି ନିର୍ବାଚନ ମଣ୍ଡଳୀ ଲକ୍ଷେଘର ଗଣ୍ଡା ସମାଜ ର ସଭାପତି ଗୋବିନ୍ଦ ତାଣ୍ଡି ଙ୍କ ନେତୃତ୍ବରେ ଏକ ପ୍ରତିନିଧି ମଣ୍ଡଳ କଣ୍ଟାବାଞ୍ଜି ଏସଡିପିଓ ଙ୍କ କାର୍ଯ୍ୟାଳୟ କୁ ଯାଇ ଏସଡିପିଓ ଙ୍କ ଜରିଆରେ ଓଡ଼ିଶା ପୋଲିସ ମାହାନିର୍ଦ୍ଦେଶ ଙ୍କୁ ଏକ ଦାବିପତ୍ର ପ୍ରଦାନ କରିଛନ୍ତି। ଦାବୀପତ୍ର ରେ ଉଲ୍ଲେଖ ଯେ ଗତ ଫେବୃଆରୀ ୫ ତାରିଖ ଡୁମେରଚୁଆଁ ଗାଁ ର ଦଳିତ ସମ୍ପ୍ରଦାୟର ଯୁବକ ମାନେ ହାର୍ଡ ବଏଜ ମ୍ୟୁଜିକାଳ ବଜା ପାଟି ନାଁ ରେ ଡୁମେରଚୁଆଁ ଗାଁର ଜଣେ ଯୁବକ ଙ୍କ ବିବାହ ଥିବାରୁ ବଙ୍ଗୋମୁଣ୍ଡା ଥାନା ଅର୍ନ୍ତଗତ ଖୁଜେନ ଗାଁ କୁ ବରଯାତ୍ରୀରେ ବଜା ବଜେଇବାକୁ ଯାଇଥିଲେ। ସେଠାରେ ଦଳିତ ସମ୍ପ୍ରଦାୟର ଯୁବକ ମାନେ ବଜା ବଜାଇବାକୁ ଯାଇଁ ବେଳେ କଣ୍ଟାବାଞ୍ଜି ଥାନା ଅନ୍ତର୍ଗତ ଡୁମେରଚୁଆଁ ଗାଁର ହରି ପୋଢ ନାମର ବ୍ୟକ୍ତି ଜାତିଆଣ ଆକ୍ଷେପ କରି ବଜା ବଜାବାକୁ କହି ଅନେକ ଅସଭ୍ୟ ଭାଷାରେ ଗାଳିଗୁଲଜ କରିଥିଲା ଏବଂ ହରି ପୋଢ ଓ ତା ସମର୍ଥକ ମାନେ ମିଶି ବଜା ବଜାଇବାକୁ ଯାଇଁ ଥିବା ଯୁବକ ମାନଙ୍କୁ ମରଣାନ୍ତକ ଆକ୍ରମଣ କରିବା ସହ ବଜା ଗାଡ଼ି କୁ ଭାଙ୍ଗି ଦେଇଥିଲେ। ଏନେଇ ବଜା ବଜାଇବାକୁ ଯାଇଥିବା ଡୁମେରଚୁଆଁ ଗାଁ ର ପଦୁ ସୁନା ଓ ଅନ୍ୟ ଯୁବକ ମାନେ ବଙ୍ଗୋମୁଣ୍ଡା ଥାନାରେ ଲିଖିତ ଅଭିଯୋଗ କରିଥିଲେ। ଯାହାର ବଙ୍ଗୋମୁଣ୍ଡା ଥାନା କେସ ନଂ ୨୨|୨୬ ଅଟେ ଏବଂ ଏହି ଅଭିଯୋଗ ଅନୁସାରେ ହରି ପୋଢ,ଅମିତ ପୋଢ, ବିଶାଳ ନିଆଳ, ନରେନ୍ ନାଗ, ଅଶୋକ ଦାସ, ନିଲାମ୍ବର ପୋଢ ଭଲି ଏହି ୬ ଜଣଙ୍କ ନାଁରେ ମାମଲା ରୁଜୁ ହୋଇଛି। ହେଳେ ଘଟଣା ଘଟି ଥାନାରେ ମାମଲା ରୁଜୁ ହୋଇ ୧୫ ଦିନ ରୁ ଅଧିକ ସମୟ ହୋଇଥିଲେ ମଧ୍ୟ ସଂପୃକ୍ତ ବ୍ୟକ୍ତି ମାନଙ୍କ ବିରୋଧରେ ବଙ୍ଗୋମୁଣ୍ଡା ପୋଲିସ କୌଣସି କାର୍ଯ୍ୟାନୁଷ୍ଠାନ ଗ୍ରହଣ ନ କରି ସେମାନଙ୍କୁ ସହଯୋଗ କରୁଛି ପୋଲିସ ବୋଲି ଲକ୍ଷେଘର ଗଣ୍ଡା ସମାଜ ଅଭିଯୋଗ ଆଣିଛି। କେବଳ ସେତିକି ନୁହେଁ ହରି ପୋଢ ଏବଂ ତାଙ୍କ ସମର୍ଥକ ମାନେ ମିଶି ଡୁମେରଚୁଆଁ ଗାଁ ର ଦଳିତ ପଡ଼ା କୁ ସରକାରଙ୍କ ପକ୍ଷରୁ ଯୋଗାଣ ହେଉଥିବା ଜଳ ଯୋଗାଣ ବନ୍ଦ କରିଥିବା ମଧ୍ୟ ଅଭିଯୋଗ କରିଛନ୍ତି। ଏହି ସବୁ ଘଟଣା କୁ ଉଚ୍ଚ ସ୍ତରୀୟ ତଦନ୍ତ କରିବାକୁ ରାଜ୍ୟସ୍ତରୀୟ ଏକ ସ୍ୱତନ୍ତ୍ର ଟିମ୍ ଗଠନ କରି ତଦନ୍ତ କରାଯାଉ ଏବଂ ବଜା ପାଟି ଯୁବକ ମାନଙ୍କୁ ମରଣାନ୍ତକ ଆକ୍ରମଣ କରିଥିବା ହରି ପୋଢ ଏବଂ ତାଙ୍କ ସମର୍ଥକ ଙ୍କୁ ତୁରନ୍ତ ଗିରଫ କରିବା ସହ ଏହି ଘଟଣା ନେଇ ଲିଖିତ ଅଭିଯୋଗ ପରେ ମଧ୍ୟ କୌଣସି କାର୍ଯ୍ୟାନୁଷ୍ଠାନ ଗ୍ରହଣ ନ କରିଥିବା ହେତୁ ତଦନ୍ତ ଦାୟିତ୍ୱରେ ଥିବା ବଙ୍ଗୋମୁଣ୍ଡା ଥାନା ର ପୋଲିସ ଅଧିକାରୀ ଓ କଣ୍ଟାବାଞ୍ଜି ଏସଡିପିଓ ଙ୍କୁ ମଧ୍ୟ ତଦନ୍ତ ଭୁକ୍ତ କରି ତାଙ୍କ ବିରୋଧରେ ମଧ୍ୟ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ କଣ୍ଟାବାଞ୍ଜି ଲକ୍ଷେଘର ଗଣ୍ଡା ସମାଜ ଦାବୀ କରିବା ସହ ଆସନ୍ତା ୭ ଦିନ ମଧ୍ୟରେ ଏହି ଅଭିଯୋଗ ପରେ ନଜର ଦେଇ ପଦକ୍ଷେପ ନ ହେଲେ କଣ୍ଟାବାଞ୍ଜି ଏସଡିପିଓ ଙ୍କ କାର୍ଯ୍ୟାଳୟ ଘେରାଉ କରିବୁ ଏବଂ ଯେଉଁ କୌଣସି ଆଇନ୍ ଶୃଙ୍ଖଳା ପରିସ୍ଥିତି ଉପୁଜିଲେ ପ୍ରଶାସନ ଦାୟୀ ରହିବ ବୋଲି ଲକ୍ଷେ ଘର ଗଣ୍ଡା ସମାଜ ପକ୍ଷରୁ ଚେତାବନୀ ଦେବା ସହ ଦାବି କରାଯାଇଛି।

ଦାବୀପତ୍ର ର ଏକକୀତା ନକଲ ଜାତୀୟ ଅନୁସୂଚିତ ଜାତି କମିଶନ (ଭାରତ ସରକାର),ମୁଖ୍ୟମନ୍ତ୍ରୀ (ଓଡ଼ିଶା ସରକାର),ବଲାଙ୍ଗୀର ଜିଲ୍ଲାପାଳ,ଗୃହ ବିଭାଗ (ଓଡ଼ିଶା ସରକାର),ବଲାଙ୍ଗୀର ଏସପି, ଏସଡିପିଓ କଣ୍ଟାବାଞ୍ଜି, ଥାନା ଅଧିକାରୀ କଣ୍ଟାବାଞ୍ଜିଙ୍କୁ ମଧ୍ୟ ପ୍ରଦାନ କରାଯାଇଛି। ଦାବୀପତ୍ର ଦେବା ସମୟରେ ଲକ୍ଷେଘର ଗଣ୍ଡା ସମାଜ ର ଉପ ସଭାପତି ଅନିଲ ବିଭାର, ତୁଲସୀରାମ ଜଗତ, ତପନ ବଏ, ସନ୍ତୋଷ ଖୁରା, ମୋହନ ସୁନା, ଅଶୋକ କୁମାର, ବଶିଷ୍ଠ ମାହାନନ୍ଦ, ମାଧବ ବଏ,ଛଟୁ ମାହାନନ୍ଦ,ସାଗର ବାଗ ସହ ଅନ୍ୟ ସଦସ୍ୟମାନେ ମଧ୍ୟ ଉପସ୍ଥିତ ଥିଲେ।