22-Feb-2026

ବିନିକା(ହିମାଂଶୁ ଶେଖର ପୁଟେଲ)ବିନିକା ବ୍ଲକ ଫୁଲମୁଠି ଗ୍ରାମର ଇଷ୍ଟଦେବୀ ମାଁ ମାହେଶ୍ୱରୀଙ୍କ ନୂତନ ମନ୍ଦିର ପ୍ରତିଷ୍ଠା ନେଇ ସାରା ଗ୍ରାମରେ ଭକ୍ତିମୟ ପରିବେଶ ସୃଷ୍ଟି ହୋଇଥିବା ବେଳେ ଆଜି ମହାଆଡମ୍ବର ପୂର୍ଣ୍ଣ ଭାବେ କଳସ ଶୋଭାଯାତ୍ରା ଅନୁଷ୍ଟିତ ହୋଇଥିଲା।ଶଙ୍ଖ ଧ୍ୱନି ସହ  ଘଣ୍ଟବାଦ୍ୟ ଓ ସଙ୍କୀର୍ତ୍ତନର ତାଳେ ତାଳେ ସହସ୍ରାଧିକ ମହିଳା ଓ ପୁରୁଷ କଳସ ଶୋଭାଯାତ୍ରାରେ ବାହାରି ମୁକ୍ତିତିର୍ଥ ପାପକ୍ଷୟ ଘାଟକୁ ପହଞ୍ଚିଥିଲେ ।ସେଠାରେ ପୂଜକଙ୍କ ଦ୍ୱାରା ଯଥାରିତ ପୂଜାର୍ଚ୍ଚନା ପରେ ଜଳ ଭର୍ତ୍ତି ପୂର୍ଣ୍ଣ କଳସ ଧରି ଗ୍ରାମକୁ ପ୍ରତ୍ୟାବର୍ତ୍ତନ କରିଥିଲେ।ପରେ ଯଜ୍ଞ ମଣ୍ଡପ ଠାରେ କଳସ ସ୍ଥାପନ କରାଯାଇଥିଲା ।ଏହି ପ୍ରତିଷ୍ଠା ଉତ୍ସବର ମୁଖ୍ୟ କର୍ତ୍ତା ଭାବେ ବନବିହାରୀ ମହାକୁର ଓ ତାଙ୍କ ଧର୍ମପତ୍ନୀ ମାଳତୀ ମହାକୁର,ନାମ ଯଜ୍ଞ କର୍ତ୍ତା ଭାବେ ରାଖାଲ ବରିହା ଓ ତାଙ୍କ ଧର୍ମପତ୍ନୀ ସସ୍ମିତା ବରିହା,ମୁଖ୍ୟ ପୂଜକ ଭାବେ ବାସୁଦେବ ହୋତା,ସହଯୋଗୀ ପୂଜକ ଯୁଧିଷ୍ଟିର ଦାଶ,ମନ୍ଦିର ପୂଜକ ବିଷ୍ଣୁ ପଣ୍ଡା ଦାୟିତ୍ଵ ନିର୍ବାହ କରୁଥିବା ବେଳେ ପ୍ରତିଷ୍ଠା କମିଟି ର ସମସ୍ତ କର୍ମକର୍ତ୍ତା ଓ ଗ୍ରାମବାସୀ ସହଯୋଗ କରୁଥିବା ଜଣାପଡିଛି।ସୂଚନା ଅନୁସାରେ ସପ୍ତାହ ବ୍ୟାପି ଅନୁଷ୍ଟିତ ଏହି ଉତ୍ସବର ବିଭିନ୍ନ ଦିବସରେ ମଣ୍ଡପ ପ୍ରବେଶ,ସୋଧନ ସପ୍ତକ କିରଣ,ନାମ ଯଜ୍ଞ ଆରମ୍ଭ,ମନ୍ଦିର ନ୍ୟାସ,ଚଣ୍ଡୀ ହୋମ,ମନ୍ଦିର ଅଙ୍ଗପୁଜା,ଦେବୀଙ୍କ ପୀଠ ପ୍ରବେଶ ହେବ। ସେହିପରି ଶ୍ରଦ୍ଧାଳୁ ଭକ୍ତଙ୍କ ମନୋରଞ୍ଜନ ସକାଶେ ପାରାୟଣ,ପ୍ରବଚନ,ଭଜନ ସନ୍ଧ୍ୟ ଆଦି ହେବ ବୋଲି କମିଟି ପକ୍ଷରୁ କୁହାଯାଇଛି ।