21-Feb-2026

ନବରଙ୍ଗପୁର(ପ୍ରିୟଦର୍ଶିନୀ ପାତ୍ର)
ପାପଡ଼ା ହାଣ୍ଡି ବ୍ଲକ  ଅନ୍ତର୍ଗତ ସେମଳା କ୍ଲଷ୍ଟର ସରକାରୀ ପ୍ରାଥମିକ ବିଦ୍ୟାଳୟ ପକନା ଗୁଡ଼ା ରେ ୨୧ ଫେବୃଆରୀ:
କ୍ଲଷ୍ଟର ଅଧୀନ ସମସ୍ତ ପ୍ରାଥମିକ ଓ ଉଚ୍ଚ ପ୍ରାଥମିକ ବିଦ୍ୟାଳୟରେ ଆଜି ଆନ୍ତର୍ଜାତିକ ମାତୃଭାଷା ଦିବସ ଉତ୍ସାହ ଓ ଗରିମାର ସହ ପାଳନ କରାଯାଇଛି। ୧୯୯୯ ମସିହାରେ   ଘୋଷିତ ଏହି ଦିବସର ମୂଳ ଉଦ୍ଦେଶ୍ୟ ହେଉଛି ଭାଷା ବିବିଧତାର ସୁରକ୍ଷା ଓ ମାତୃଭାଷାର ପ୍ରଚାର-ପ୍ରସାର।ଆନ୍ତର୍ଜାତିକ ମାତୃଭାଷା ଦିବସ ଅବସରରେ କ୍ଲଷ୍ଟର ରିସୋର୍ସ ସେଣ୍ଟର କୋଓର୍ଡିନେଟର (ସିଆରସିସି)ଙ୍କ ପ୍ରୟାସରେ ବିଦ୍ୟାଳୟଗୁଡ଼ିକରେ ଆଧୁନିକ ପ୍ରଯୁକ୍ତିର ବ୍ୟବହାରକୁ ଗୁରୁତ୍ୱ ଦିଆଯାଇଥିଲା। ସ୍ମାର୍ଟ ଟିବି ମାଧ୍ୟମରେ ୟୁଟ୍ୟୁବ ଶିକ୍ଷାମୂଳକ ଭିଡିଓ ପ୍ରଦର୍ଶନ କରାଯାଇ ପିଲାମାନଙ୍କୁ ମାତୃଭାଷାର ଗୁରୁତ୍ୱ ବିଷୟରେ ସଚେତନ କରାଯାଇଥିଲା।ଶିକ୍ଷକ ଓ ଛାତ୍ରଛାତ୍ରୀଙ୍କ ସହଭାଗୀତାରେ ଓଡ଼ିଆ ଭାଷାରେ ରଚନା, ଭାଷଣ, କବିତା ପାଠ ଓ ପ୍ରଶ୍ନୋତ୍ତର ପ୍ରତିଯୋଗିତା ହୋଇଥିଲା। ପିଲାମାନେ “ମୋର ଭାଷା, ମୋର ଗର୍ବ” ସ୍ଲୋଗାନ ସହ ଭାଷା ସଚେତନତା ର୍ୟାଲି କରି ସମୁଦାୟକୁ ସନ୍ଦେଶ ପ୍ରଦାନ କରିଥିଲେ।ସିଆରସିସି ବାବୁଲାଲ  ତାଙ୍କ ବକ୍ତବ୍ୟରେ କହିଥିଲେ ଯେ, ମାତୃଭାଷା ହେଉଛି ଶିଶୁଙ୍କ ଶିକ୍ଷାର ମୂଳ ଆଧାର। ନିଜ ଭାଷାରେ ଶିକ୍ଷା ଗ୍ରହଣ କଲେ ପିଲାମାନଙ୍କର ବୁଝିବା କ୍ଷମତା ଓ ସୃଜନଶୀଳତା ବୃଦ୍ଧି ପାଏ। ବିଦ୍ୟାଳୟଗୁଡ଼ିକରେ ଭାଷା କୋଣ ସୃଷ୍ଟି କରାଯାଇ ଓଡ଼ିଆ ପୁସ୍ତକ ପ୍ରଦର୍ଶନୀ ଓ ଶବ୍ଦଭଣ୍ଡାର ଚାର୍ଟ ଲଗାଯାଇଥିଲା।ସିଆରସିସି ଶିକ୍ଷକମାନଙ୍କୁ ନିର୍ଦ୍ଦେଶ ଦେଇଥିଲେ ଯେ, ଓଡ଼ିଆ ଭାଷା ଓ ସଂସ୍କୃତି ସମ୍ପର୍କିତ ଚୟନିତ ଶିକ୍ଷାମୂଳକ ଭିଡିଓ  ର ପ୍ରଦର୍ଶନ କରାଯିବ।

ଭିଡିଓ ପ୍ରଦର୍ଶନ ପରେ ଛାତ୍ରଛାତ୍ରୀଙ୍କ ସହ ଆଲୋଚନା ସଭା ହୋଇଥିଲା। ପିଲାମାନେ ଭିଡିଓରୁ ଶିଖିଥିବା ତଥ୍ୟ ଉପସ୍ଥାପନ କରିଥିଲେ ଓ ଓଡ଼ିଆ ଭାଷାରେ ଭାଷଣ ଦେଇଥିଲେ। ଏହି ଡିଜିଟାଲ ପ୍ରୟାସ ଦ୍ୱାରା ପିଲାମାନଙ୍କ ଆଗ୍ରହ ଓ ଅନୁଭବ ଅଧିକ ବୃଦ୍ଧି ପାଇଥିବା ଦେଖାଯାଇଛି।ଏହି ପ୍ରୟାସକୁ ଶିକ୍ଷକ ଓ ଅଭିଭାବକମାନେ ସ୍ୱାଗତ କରିଥିଲେ ଏବଂ ଆଗାମୀଦିନରେ ଏଭଳି ଡିଜିଟାଲ ଶିକ୍ଷା ପଦକ୍ଷେପ ଜାରି ରଖିବାକୁ ମତ ପ୍ରକାଶ କରିଥିଲେ। ପ୍ରଧାନ ଶିକ୍ଷକ ସୁରେଖା ବାଘ, ଶର୍ମିଷ୍ଠା ବଳିୟାର ସିଂହ, ଭାରତ ହରିଜନ ଓ କମିଟି ବୁଦ୍ଧିଜୀବି ସିଆରସିସି ପ୍ରଯୁକ୍ତି ବିଦ୍ୟା କ୍ଷେତ୍ରରେ ଶିକ୍ଷା ଲାଭ ପାଇ ସୂଚ଼ନା କୁ ଭୂରିୟସି ପ୍ରଶଂସା କରିଥିଲେ।