21-Feb-2026

ଯୋଗିନୀ ପୀଠରେ କଳାକାର ମାନଙ୍କ ମହାକୁମ୍ଭ

ସିନ୍ଧେକେଲା(ଆନୀଲ କୁମାର ତ୍ରିପାଠୀ):  ଐତିହ୍ୟ ସମ୍ପନ୍ନ ରାଣୀପୁର ଝରିଆଲ ସୋମେଶ୍ୱର ମହାଦେବଙ୍କ ପୀଠ ରେ ୭ ଦିନ ଧରି ଚାଳିଥିବା ଶିବରାତ୍ରି ମେଳା ମନ୍ଦିର ଟ୍ରଷ୍ଟ କମିଟିର ଆବାହକ ଅନିଲ କୁମାର ତ୍ରିପାଠୀ ଙ୍କ ସଂଯୋଜନା ଏବଂ କଣ୍ଟାବାଞ୍ଜି ବିଧାୟକ ଲକ୍ଷ୍ମଣ ବାଗଙ୍କ ଅଧ୍ୟକ୍ଷତାରେ ମହାସମାରୋହରେ ପାଳିତ ହୋଇଯାଇଛି। ପୀଠରେ ଭକ୍ତ, ଶ୍ରଦ୍ଧାଳୁ ଓ ମାନସିକଧାରୀଙ୍କ ପ୍ରବଳ ଭିଡ଼ ପରିଲକ୍ଷିତ ହୋଇ ଥିଲା। ବାବା ସୋମେଶ୍ୱର ମହାଦେବ ମନ୍ଦିର ପୂଜକ ଜଗମୋହନ ତ୍ରିପାଠୀ ପୂଜା କାର୍ଯ୍ୟ ସମ୍ପାଦନ କରିଥିବା ବେଳେ ତାଙ୍କୁ ୭ ଜଣ ବ୍ରାହ୍ମଣ ସହଯୋଗ କରିଥିଲେ। କର୍ତ୍ତା ଭାବେ ମୁକେଶ ଭୋଇ ଓ ତାଙ୍କ ଧର୍ମ ପତ୍ନୀ କାର୍ଯ୍ୟ ତୁଲାଇଥିଲେ।  
ଟ୍ରଷ୍ଟ କମିଟିର ସଭାପତି ମାଣିକ ଚନ୍ଦ ଜୈନ,ସମ୍ପାଦକ କ୍ଷୀରସିନ୍ଧୁ ଭୋଇ, କୋଷାଧ୍ୟକ୍ଷ ପର୍ମାନନ୍ଦ ଭୋଇ, ଇନ୍ଦ୍ରମଣି ଭୋଇ, ଗୋପୀନାଥ ସାହୁ,ଜ୍ୟୋତି ସାହୁ, ପ୍ରହଲ୍ଲାଦ ସାହୁ, ଲଲିତ ସାହୁ, ଗଣେଶ ସାହୁ, ନବକିଶୋର ଭରାସଗ୍ରିଆ, ନନ୍ଦ ମେହେର, ଗୌରାଙ୍ଗ ମହାନନ୍ଦ, ହିମାଳୟ ପୁଟେଲ ଙ୍କ ସହ ସମସ୍ତ ସଦସ୍ୟ ସହଯୋଗ କରିଥିଲେ।
ସେହିପରି ଭାବେ ପ୍ରହରୀ ମଣ୍ଡପରେ ଚାଳିଥିବା ନାମ ଯଜ୍ଞ ରେ ପୂଜକ ଭାବେ ପୀତାମ୍ବର ପଣ୍ଡା , ଜପକ ସନତ କୁମାର ପଣ୍ଡା ଓ କର୍ତ୍ତା ଭାବେ ବିପ୍ର ଜାନୀ ସପତ୍ନିକ ପୂଜା କାର୍ଯ୍ୟ ସମ୍ପାଦନ କରିଥିଲେ। ଗଣେଶ ସାହୁ ସହଯୋଗ କରିଥିଲେ।ପୀଠ କୁ ପ୍ରତିଦିନ ଆସୁଥିବା ଅସଂଖ୍ୟ ଜନସାଧାରଣଙ୍କୁ ନଜରରେ ରଖି ପାଞ୍ଚ ଦିନ ବ୍ୟାପୀ ଚାଲିଥିବା ୬୪ ଯୋଗିନୀ ମହୋତ୍ସବ ମୁକ୍ତାକାଶ ରଙ୍ଗମଞ୍ଚରେ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ କରା ଯାଇଥିଲା । ଉଦଯାପନୀ ଉତ୍ସବ ରେ ମୁଖ୍ୟ ଅତିଥି ଭାବେ ଟିଟିଲାଗଡ଼ ଉପଜିଲ୍ଲାପାଳ ପଦ୍ମନାଭ ସାମନ୍ତରାୟ ସମ୍ମାନୀତ ଅତିଥି ଭାବେ ବିଜେପି ନେତା ନରସିଂହ ସିଂ, ସିନ୍ଧେକେଲା ବଣିକ ସଂଘ ସଭାପତି ସୁବାସ ଜୈନ, କୋଷାଧ୍ୟକ୍ଷ କିରୋଡି ଜୈନ, ଝରିଆଲ ହାଇସ୍କୁଲ ର ପ୍ରଧାନ ଶିକ୍ଷକ କିଶୋର ସାହୁ, ଲୋୟର ଇନ୍ଦ୍ର ଜଳସେଚନ ପ୍ରକଳ୍ପର ସଭାପତି ମଞ୍ଜେସ

ମେହେର ପ୍ରମୁଖ ମଞ୍ଚାସୀନ ହୋଇଥିଲେ। 
ମୁକ୍ତାକାଶ ରଙ୍ଗମଞ୍ଚ ର ଶେଷ ରଜନୀରେ ରାଉରକେଲାରୁ ଆସିଥିବା ବର୍ଷାପଣ୍ଡା ଓ ସାଥିମାନଙ୍କ ଓଡ଼ିଶୀ ନୃତ୍ୟ ମଲ୍ହାର , ବୌଦ୍ଧ ରୁ ଆସିଥିବା ଖଟଖଟିଆ ସମ୍ବଲପୁରୀ ନୃତ୍ୟ ଏବଂ ନେସନାଲ ଏକାଡେମୀ ପୁରସ୍କାର ପ୍ରାପ୍ତ କଳାକାର ସୁଦର୍ଶନ ଦୀପ ପ୍ରମୁଖ ଙ୍କ ନୃତ୍ୟ ଗୀତ ବିଳମ୍ବିତ ରାତି ପର୍ଯ୍ୟନ୍ତ ଦର୍ଶକଙ୍କୁ ବିମୋହିତ କରିଥିଲା। କଳାକାର ମାନଙ୍କୁ ମାନପତ୍ର ସହ ସମ୍ବର୍ଦ୍ଧିତ କରାଯାଇଥିଲା । ଶେଷରେ ମହାଶିବରାତ୍ରି ମେଳା କମିଟିର ସଦସ୍ୟ ଲଲିତ ସାହୁ ଧନ୍ୟବାଦ ଅର୍ପଣ କରିଥିଲେ।