17-Feb-2026

ବିନିକା(ହିମାଂଶୁ ଶେଖର ପୁଟେଲ)ଗାଧୋଇବାକୁ ଯାଇଥିବା ଜଣେ ଯୁବକ ପାଣିରେ ବୁଡ଼ି ମୃତ୍ୟୁ ହେବା ଘଟଣା ଅଞ୍ଚଳରେ ଶୋକର ଛାୟା ଖେଳିଯାଇଛି ।ଏନେଇ ବିନିକା ଥାନାରେ ଏକ ଅପମୃତ୍ୟୁ ମାମଲା ଦାୟର ହୋଇଛି।ଘଟଣା ଟି ଘଟିଛି ବିନିକା ବ୍ଲକ ଅନ୍ତର୍ଗତ ନନ୍ଦନମାଲ ଗ୍ରାମରେ । ଅପରାହ୍ନ ପ୍ରାୟ ୫ଟା ରେ ଗ୍ରାମର ବିଂଶୁମାନ ବିଶି(୨୩)ନିକଟ ପାନିଖାଇ ଜୋର୍ କୁ ଗାଧୋଇବାକୁ ଯାଇ ବୁଡି ଯାଇଥିଲେ ।କିଛି ସମୟ ପରେ ସେହି ଜୋର୍ କୁ ମହିଳା ମାନେ ଗାଧୋଇବାକୁ ଯାଇ ବିଂଶୁ ପାଣିରେ ଭାସୁଥିବା ଦେଖି ତୁରନ୍ତ ଘରକୁ ଆସି ଖବର ଦେଇଥିଲେ ।ପରିବାର ଲୋକେ ୧୦୮ଆମ୍ବୁଲାନ୍ସ ଯୋଗେ ବିନିକା ଡ଼ାକ୍ତରଖାନାକୁ ଚିକିତ୍ସା ପାଇଁ ଆଣିଥିଲେ ।ହେଲେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।ଖବର ପ୍ରଚାରିତ ହେବା ପରେ ଗ୍ରାମବାସୀ ମହଲରେ ଶୋକର ଛାୟା ଖେଳିଯାଇଛି।