09-Feb-2026

ବଲାଙ୍ଗୀର, (ବିନୋଦ ଦୀପ) ହାଇଦ୍ରାବାଦ ସ୍ଥିତ ପ୍ରବାସୀ ପଶ୍ଚିମ ଓଡ଼ିଶାବାସୀଙ୍କ ଅଗ୍ରଣୀ ଅନୁଷ୍ଠାନ "ଓସାକା " ତରଫ୍ ରୁ ୮ ଫେବୃଆରୀ ଦିନ ବେଗମ୍ ପେଟ୍ ସ୍ଥିତ ସେସ୍ ଅଡିଟୋରିୟମ୍ ରେ ପାରମ୍ପାରିକ ଶୈଳୀରେ  ପୁଷ୍ ପୁନି ଭେଟ୍ ଅନୁଷ୍ଠିତ ହେଇଯାଇଛି  ।  ଏହି କାର୍ଯ୍ୟକ୍ରମ ରେ ପଶ୍ଚିମ ଓଡ଼ିଶାର ପ୍ରାଚୀନ ଲୋକକଳା "ଦଣ୍ଡ " (ଡଁଣ୍ ) କୁ ରାଜ୍ୟ ବାହାରେ ପ୍ରଚାର ପ୍ରସାର ପାଇଁ ଓସାକା ପ୍ରୟାସ୍ କରିଥିଲା  । ଏହି ଅବସରରେ ଦଣ୍ଡ ମହର୍ଷି ଗୁରୁ ବିପିନ ଜାଲ ଙ୍କ "ମାଁ ସୁରେଶ୍ଵରୀ ଦଣ୍ଡ  ନୃତ୍ଯ" ସୁବର୍ଣ୍ଣପୁର ଦଣ୍ଡ ପରିବେଷଣ ବେଶ୍ ଆକର୍ଷଣୀୟ ଥିଲା। କୁନୀ ଛାତ୍ରୀ ସୁଶ୍ରୀ ସୃଷ୍ଟି ପ୍ରଧାନ ଏବଂ ଆନିନ୍ଦ୍ଯ ମିଶ୍ର ଙ୍କ ନୃତ୍ୟ ତଥା ନମ୍ରତା ପାଣିଗ୍ରାହୀଙ୍କ  ସମ୍ବଲପୁରୀ ଗୀତ  ପରିବେଷଣ ମନଛୁଆଁ  ଥିଲା । ଏ ବର୍ଷ  ନିଟ୍ ପରୀକ୍ଷାରେ କୃତକାର୍ଯ୍ୟ ହେଇକି ସରକାରୀ ମେଡିକାଲ୍ ସିଟ୍ ପାଇଥିବା ଶଶାଙ୍କ  ଶେଖର ଗଡ୍ ତ୍ଯା ଏବଂ ମାଟ୍ରିକ୍ ପରୀକ୍ଷାରେ ୯୭ ପର୍ ସେଣ୍ଟ୍ ମାର୍କ ରଖିକି କୃତକାର୍ଯ୍ୟ ହେଇଥିବା ବିବେକ ସାହୁ ଙ୍କ ସମ୍ବର୍ଦ୍ଧିତ କରାଯାଇ ଥିଲା। ପଶ୍ଚିମ ଓଡ଼ିଶାର ପର୍ବ ପର୍ବାଣୀ ତଥା ମହାପୁରୁଷଙ୍କ ଜୟନ୍ତୀ ଉପରେ ସୂଚନା ନିମନ୍ତେ ବରଗଡ ଜିଲ୍ଲା ବୁଗ୍ ବୁଗା ରୁ ପ୍ରକାସିତ ସମ୍ବଲପୁରୀ/ କୋସଲୀ କେଲେଣ୍ଡର୍  ୨୦୨୬ ଉପସ୍ଥିତ ପରିବାର ମାନକଙ୍କୁ ପ୍ରଦାନ କରାଯାଇ ଥିଲା।  ପୁଷ୍ ପୁନି ଅବସରରେ ହଜି ଯାଉଥିବା ମହାନ ପରମ୍ପରା "ଛେର୍ ଛେରା" ବଞ୍ଚାଇ ରଖିବା ପାଇଁ ଓସାକା ର  ପ୍ରୟାସ ରେ ଛୋଟ ଛୋଟ ଛୁଆମାନେ ବିଶେଷ ଉତ୍ସାହ ର ସହ ଭାଗ ନେଇଥିଲେ ।ଆୟକର ବିଭାଗ ର ଅତିରିକ୍ତ କମିଶନର  ଆଶୁତୋଷ ପ୍ରଧାନ ଏବଂ ଯୁଗ୍ମ କମିଶନର ରଂଜନ ଅଗରୱାଲ ମଧ୍ୟ ଯୋଗ ଦେଇ ଥିଲେ | ଓସାକା ର ସଭାପତି ସୁନୀଲ କୁମାର ଗଡ୍ ତ୍ଯା ଙ୍କ  ପୁଷ ପୁନି ବାର୍ତ୍ତା ସହ  ଦଣ୍ଡ ଗୁରୁ ବିପିନ ଜାଲ ଏବଂ ତାଙ୍କ ଦଳ କୁ ସମ୍ବର୍ଦ୍ଧିତ କରାଯାଇଥିଲା । ସନ୍ଧ୍ୟା ପର୍ଯ୍ୟନ୍ତ ଚାଲିଥିବା ଏହି କାର୍ଯ୍ୟକ୍ରମ କୁ ଶତାଧିକ ଲୋକଙ୍କର ସହଯୋଗ ପାଇଁ ସାଧାରଣ ସମ୍ପାଦକ ସମୀର ପାଢୀ ଧନ୍ୟବାଦ ଦେବା ସହ ପଶ୍ଚିମ ଓଡ଼ିଶାର କଳା ସଂକୃତି ର ପ୍ରଚାର ପ୍ରସାର ପାଇଁ ଓସାକା ର ଉଦ୍ୟମରେ ସମସ୍ତଙ୍କୁ ସାମିଲ ହେବାକୁ ଅନୁରୋଧ କରିଥିଲେ l