03-Feb-2026

କଣ୍ଟାମାଳ(ଜୟ କୁମାର ମହାରଣା ): ବୌଦ୍ଧ ଜିଲ୍ଲା କଣ୍ଟାମାଳ ବ୍ଳକ ଖମନମୁଣ୍ଡା ପଞ୍ଚାୟତ ଅନ୍ତର୍ଗତ ଗୁଣୁଚିତରା ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟରେ ତାଲା ପକାଇଲେ ଗ୍ରାମବାସୀ l ସୂଚନା ପ୍ରକାରେ ଶିଶୁ ବାଟିକା ବିଭାଗ ଠାରୁ ଅଷ୍ଟମ ପର୍ଯ୍ୟନ୍ତ ୫ ଜଣ ଶିକ୍ଷକ ରହିଛନ୍ତି l ସେମାନଙ୍କ ମାଧ୍ୟରୁ ତେଜରାଜ କହଁରଙ୍କୁ ଦେଢ଼େଣମାଳ ବିଦ୍ୟାଳୟକୁ ଡେପୁଟେସନରେ ବଦଳି କରାଯାଇଛି l ବଦଳି ବାତିଲ ଦାବିକରି ଗ୍ରାମବାସୀ ଓ ଅଭିଭାବକ ବିଦ୍ୟାଳୟ ମୁଖ୍ୟ ଗେଟରେ ତାଲା ପକାଇ ଦେଇଛନ୍ତି l ଏହା ଫଳରେ ଛାତ୍ରଛାତ୍ରୀ ଏବଂ ଶିକ୍ଷକ ବିଦ୍ୟାଳୟ ବାହାରେ ରହିଥିବା ଦେଖିବାକୁ ମିଳିଥିଲା l ବିଦ୍ୟାଳୟକୁ ଶିକ୍ଷକ ତେଜରାଜ କହଁରଙ୍କୁ ଫେରାଇ ନ ଦେବା ପର୍ଯ୍ୟନ୍ତ ଏହି ପ୍ରତିବାଦ ଅନିର୍ଦ୍ଧିଷ୍ଟ କାଳ ପର୍ଯ୍ୟନ୍ତ ଜାରି ରହିବ ବୋଲି ବିଦ୍ୟାଳୟ ପରିଚାଳନା କମିଟି ସଭାପତି ମନୋଜ ସାହୁ, ୱାର୍ଡ଼ ସଭ୍ୟା ମିଥିଲା ପୁଟା, ଅଭିଭାବକ ଟେକଧର ସାହୁ, ବରିଷ୍ଠ ନାଗରିକ ଚନ୍ଦ୍ର ଭୋଇ ଏବଂ ଗ୍ରାମବାସୀ ଦାବି କରିଛନ୍ତି l ସମାଧାନ ପାଇଁ ଶିକ୍ଷା ବିଭାଗ ପକ୍ଷରୁ କୌଣସି ଅଧିକାରୀ ବିଦ୍ୟାଳୟକୁ ଆସି ନଥିବା ଜଣା ଯାଇଛି l ଏନେଇ ବିଭାଗୀୟ ଅଧିକାରୀଙ୍କ ପ୍ରତିକ୍ରିୟା ମିଳିପାରି ନାହିଁ  l