03-Feb-2026

ଆଗଲପୁର, (ବିନୋଦ ଦୀପ) ଆଗଲପୁର ବ୍ଲକ୍ ର ରିନବଚନ ଗ୍ରାମରେ ପଞ୍ଚାୟତ ସ୍ତରୀୟ ଧନୁଯାତ୍ରା ମହୋତ୍ସବ ପାଇଁ ଆଜି ବିରାଟ କଳସ ଶୋଭାଯାତ୍ରା ଅନୁଷ୍ଠିତ ହୋଇଯାଇଛି। ଏହି ଅବସରରେ ପ୍ରଥମେ ଗ୍ରାମରେ ଥିବା ଜଗନ୍ନାଥ୍ ମନ୍ଦିର ପ୍ରାଙ୍ଗଣ ରୁ ଏହି କଳସ ଶୋଭାଯାତ୍ରା ବାହାରି ଥିଲା। ଶତାଧିକ ସଂଖ୍ୟାରେ ମା ମାନେ କଳସ ବୋହି  ହୁଳହୁଳି ଦେଇ ଗ୍ରାମ ପରିଭ୍ରମଣ କରି ନିକଟରେ ଥିବା ଖଜୁର ବନ୍ଧ କୁ ଯାଇଥିଲେ l କୀର୍ତ୍ତନ ଦଳ ଓ ଦୂଲଦୁଲି ବାଜା ବଜାଇ ନିକଟସ୍ଥ ପୋଖରୀକୁ ଯାଇଥିଲେ। ସେଠାରେ ପୂଜାର୍ଚ୍ଚନା କରି କଳସ ରେ ଜଳ ଭର୍ତ୍ତି କରି ମା ମାନେ ଯଜ୍ଞମଣ୍ଡପ କୁ ଆସିଥିଲେ ଓ ସେଠାରେ କଳସ ସ୍ଥାପନ କରିଥିଲେ। ବ୍ରାହ୍ମଣ ମନ୍ତ୍ର ପାଠ ଓ ପୂଜାର୍ଚ୍ଚନା କରି ଯଜ୍ଞ ମଣ୍ଡପ ରେ ପହଞ୍ଚିଥିଲେ।

ଏହି ଅବସରରେ 108 କଳସ ଜଳ ପୋଖରୀରୁ ଅଣାଯାଇ ସ୍ଥାପନ କରାଗଲା। ଏହି ଧନୁଯାତ୍ରା ମହୋତ୍ସବ ପାଇଁ ଏକ କମିଟି ଗଠନ କରାଯାଇଛି। କମିଟି ର ସଭାପତି ଭାବରେ ଶ୍ରୀ ଶ୍ରଦ୍ଧାକର ନାଏକ୍ ଓ ସମ୍ପାଦକ ଭାବରେ ଦୀନବନ୍ଧୁ ସାହୁ ଦାୟିତ୍ଵ ଭର ତୁଲାଉଛନ୍ତି। କର୍ତ୍ତା ଭାବରେ ନାରାୟଣ ଭୋଇ ଓ ତାଙ୍କ ଧର୍ମ ପତ୍ନୀ ଗୀତାଞ୍ଜଳି ଭୋଇ ଦାୟିତ୍ଵ ଗ୍ରହଣ ପାଇଁ ସ୍ଥିରୀକୃତ ହୋଇଅଛି। ଏହି ଯାତ୍ରା ଦୀର୍ଘ ଦଶ ଦିନ ଧରି ଅନୁଷ୍ଠିତ ହେବ। ପ୍ରତ୍ୟେକ ଦିନ କଂସ ଦରବାର,ପାରାୟଣ, ରାତିରେ ସାଂସ୍କୃତିକ କାର୍ଯକ୍ରମ ଯଥା ନାଟକ ଓ ଦଣ୍ଡ ପ୍ରଭୃତି ଅନୁଷ୍ଠିତ ହେବ। ସାମ୍ବାଦିକ ଶ୍ରୀ ରାଧେଶ୍ୟାମ ହାତୀ କଂସ ଭୂମିକା ରେ ଅଭିନୟ କରିବେ ବୋଲି ଯାତ୍ରା କମିଟି ସୂଚନା ଦେଇଛି l