03-Feb-2026

କଣ୍ଟାମାଳ,
ଘଣ୍ଟାପଡ଼ା ଥାନା ଅଧିନ ଖୁଣ୍ଟିଗୋରା ପଞ୍ଚାୟତ ଅନ୍ତର୍ଗତ ବଡ଼ କଲରାକୋଠା ଗ୍ରାମର ଖେଳ ପଡ଼ିଆ ନିକଟ ଏକ ବରଡି ଗଛରୁ ଜଣେ ବୃଦ୍ଧଙ୍କ ଝୁଲନ୍ତା ଶବ ଉଦ୍ଧାର କରାଯାଇଛି । ସୂଚନା ପ୍ରକାରେ ସୋମବାର ସନ୍ଧ୍ୟାରେ ଗ୍ରାମର କିଛି ଲୋକ ଝୁଲନ୍ତା ଶବକୁ ଦେଖି ଘଣ୍ଟାପଡ଼ା ଥାନାକୁ ଖବର ଦେଇଥିଲେ । ବେକରେ ଏକ ପ୍ଲାଷ୍ଟିକ ଦଉଡି ବାନ୍ଧି ଗଛ ଡାଳରେ ଝୁଲୁଥିବା ଜଣା ପଡିଛି l ଖବର ପାଇ ପୋଲିସ ଘଟଣା ସ୍ଥଳରେ ପହଞ୍ଚି ଶବ ଜବତ କରିଥିଲା କିନ୍ତୁ ରାତି ଅଧିକ ହୋଇ ଥିବାରୁ ତଦନ୍ତ ପ୍ରକ୍ରିୟା ମଙ୍ଗଳବାର ଆରମ୍ଭ କରିଥିଲା । ତଦନ୍ତ ଅନୁସାରେ ମୃତକ ଜଣକ ବିଭିଷଣ କାଲସେ(୭୦) ବୋଲି ପୋଲିସ ପକ୍ଷରୁ ସୂଚନା ମିଳିଛି l ସୁବର୍ଣ୍ଣପୁର ଜିଲ୍ଲା ତରଭା ଥାନା ଅଧିନ ରେଙ୍ଗସା ଗ୍ରାମରେ ରହୁଥିବା ବେଳେ ସେ ତିନିଦିନ ହେଲା ନିଜ ସଂପକୀୟ ଭାଇ ଘରକୁ ବୁଲିବାକୁ ଆସି ବିନା କୌଣସି କାରଣରେ ଆତ୍ମହତ୍ୟା କରିଥିବା ସଂପକୀୟ ଭାଇ ପୋଲିସକୁ ଦେଇଥିବା ଏତଲାରେ ଦର୍ଶାଇଛନ୍ତି । ଏନେଇ ପୋଲିସ ଏକ ଅପମୃତ୍ୟୁ ମାମଲା ରୁଜୁ କରି ଶବକୁ ବ୍ୟବଛେଦ ପାଇଁ ମନମୁଣ୍ଡା ସ୍ୱାସ୍ଥ୍ୟ କେନ୍ଦ୍ରକୁ ପଠାଇଛି। ବ୍ୟବଛେଦ ରିପୋର୍ଟ ଆସିବା ପରେ ପ୍ରକୃତ ଘଟଣା ଜାଣି ହେବ ବୋଲି ତଦନ୍ତ ଅଧିକାରୀ ଏଏସ୍‌ଆଇ ଗୋବିନ୍ଦ ମଲିକ ସୂଚନା ଦେଇଛନ୍ତି ।