03-Feb-2026

ସୁବର୍ଣ୍ଣପୁର ମନୋରଞ୍ଜନ ତ୍ରିପାଠୀ
 ସୁବର୍ଣ୍ଣପୁର ସଦର ମହକୁମା ନୂତନ ବସଷ୍ଟାଣ୍ଡ କାର୍ଯ୍ଯ ଆରମ୍ଭ ରୁ ଆଜି ସକାଳୁ ଏକ ନୂଆ ବିବାଦ ଦେଖାଯାଇଥିଲା । ବସଷ୍ଟାଣ୍ଡ ନିର୍ମାଣ ପାଇଁ ସେହି ପୁରୁଣା ଜାଗାରେ ବ୍ୟାରିଗେଟ୍ କରିଥିଲା ନିର୍ମାଣକାରୀ ଠିକା ସଂସ୍ଥା । ଆଜି ସକାଳୁ ସେ ସବୁ ଖୋଲି ଦିଆଯିବା ଓ ଷ୍ଟାଣ୍ଡ ଭିତରେ ପୁଣି ଟ୍ୟାକ୍ସି ଓ ଅଟୋ ଦେଖି ଜନସାଧାରଣରେ ଚର୍ଚ୍ଚା ଜୋର ଧରିଲା ଯେ ବସଷ୍ଟାଣ୍ଡ କାମ ଜଣେ ବ୍ୟକ୍ତି ହାଇକୋର୍ଟ ରୁ ଷ୍ଟେ ଅର୍ଡର ଆଣି ବ୍ୟାରିଗେଡ଼ ଖୋଲି ଦେବା ସହ କାମ ବନ୍ଦ କରି ଦେଇଛନ୍ତି । ସକାଳୁ ସକାଳୁ ବୁଦ୍ଧିଜୀବି ଓ ଜନସାଧାରଣ ସେଠାରେ ପହଞ୍ଚିବା ସହ ତୀବ୍ର ପ୍ରତିକ୍ରିୟା ପ୍ରକାଶ ପାଇଥିଲା। ଜନ ସାଧାରଣ ଠିକାସଂସ୍ଥା କର୍ମଚାରୀ ଙ୍କୁ ଭେଟି କାମ ଶୀଘ୍ର ଆରମ୍ଭ କରିବା ପାଇଁ ତାଗିଦ୍ କରିଥିବା ଦେଖିବାକୁ ମିଳିଥିଲା । ଏହି ଖବର ଜିଲ୍ଲାପାଳ ଡ. ନୃପରାଜ ସାହୁଙ୍କ ଠାରେ ପହଞ୍ଚିବା ପରେ ଜିଲ୍ଲାପାଳ ନିଜେ ଅପରାହ୍ନ ରେ ଘଟଣାସ୍ଥଳ କୁ ପରିଦର୍ଶନ କରିବା ସହ ଭିତରେ ଥିବା ସୁରେଶ୍ଵରୀ କମ୍ପ୍ୟୁଟର୍ସ ମାଲିକ ବ୍ରଜବନ୍ଧୁ ମିଶ୍ର ଙ୍କ ସହ ଆଲୋଚନା  କରିବା ସହ ସୋନପୁର ବାସୀ ଙ୍କ ଦୀର୍ଘଦିନ ର ଦାବୀ ନୂତନ ଭବ୍ୟ ବସଷ୍ଟାଣ୍ଡ ନିର୍ମାଣ ରେ ବାଧାପ୍ରାପ୍ତ ହେଉଥିବା ଷ୍ଟଲ ଗୁଡ଼ିକୁ ଶୀଘ୍ର ଖାଲି କରିବାକୁ ପୌର ଅଧିକାରୀ ଙ୍କୁ ନିର୍ଦ୍ଦେଶ କରିଥିଲେ। ପରେ ପୌର ପରିଷଦ ପକ୍ଷରୁ ଆଜିଠୁ ତିନିଦିନ ଭିତରେ ଷ୍ଟଲ ଗୁଡ଼ିକୁ ଖାଲି କରିବାକୁ ଓ ନୂଆଁ ବସ୍ ଷ୍ଟାଣ୍ଡ କାର୍ଯ୍ଯ ରେ ସମ୍ପୂର୍ଣ ସହଯୋଗ ପାଇଁ ପ୍ରଚାର ଗାଡି  ମାଧ୍ୟମ ରେ ଘୋଷଣା କରାଇ ଥିଲେ। ଆଜିର ଏ ସବୁ ଘଟଣା ଦେଖିବା ଶୁଣିବା ପରେ ସହର ରେ ସବୁଠି ଚର୍ଚ୍ଚା ଯେ  ଲୋକେ ସଚେତନ ନ ହେଲେ ପ୍ରଶାସନ କୁ ସହଯୋଗ ନ କଲେ କେବେ କେଉଁଠି ବି ବିକାଶ କାର୍ଯ୍ଯ କୁ ତ୍ୱରାନ୍ୱିତ କରା ଯାଇ ନ ପାରେ l