02-Feb-2026

(ପ୍ରିୟଦର୍ଶିନୀ ପାତ୍ର)
ପାପଡ଼ା ହାଣ୍ଡି ବ୍ଲକର ଆଞ୍ଚଳିକ ସାଧନ କେନ୍ଦ୍ର ସଂଯୋଜକ ବାବୁଲାଲ ସାଗର ଅଧ୍ୟକ୍ଷତା ତେ ଟିକାରାପାଲା ବିଦ୍ୟାଳୟ ରେ ବୈଠକ ହୋଇଥିଲା।  ସିଆରସିସି ସ୍ତରୀୟ ବୈଠକରେ ଏବିଇଓ ନାୟକ ସାର ଶିକ୍ଷାର ନିୟମ ପାଳନ, ବିଦ୍ୟାଳୟ ପରିବେଶ ଓ ପାଠ୍ୟକ୍ରମ ସଠିକ ରୂପେ ରୂପାୟଣ ପାଇଁ ସମସ୍ତ ପ୍ରଧାନ ଶିକ୍ଷକଙ୍କୁ ଅବଗତ କରାଇଥିଲେ।ବୈଠକରେ ନିମ୍ନଲିଖିତ ବିଷୟରେ ଗଭୀର ଆଲୋଚନା ହୋଇଥିଲା: ବୈଠକର ଆରମ୍ଭରେ ସିଆରସିସି ବାବୁଲାଲ ସାଗର ଙ୍କ ଦ୍ୱାରା ସମସ୍ତ ଅଂଶଗ୍ରାହୀଙ୍କୁ ସ୍ୱାଗତମ ଜଣାଇ ଗତ ମାସର ଶିକ୍ଷାଦାନ ଅବସ୍ଥା, ପାଠ୍ୟକ୍ରମ ରୂପାୟଣ ଓ ଶିକ୍ଷା ଗୁଣମାନ ଉପରେ ସମୀକ୍ଷା କରାଯାଇଥିଲା। ଶିକ୍ଷକମାନଙ୍କୁ ଶିକ୍ଷାକୁ ଆକର୍ଷଣୀୟ ଓ ଫଳପ୍ରଦ କରିବାକୁ ନିର୍ଦ୍ଦେଶ ଦିଆଯାଇଥିଲା।ସୋପାନ ରେଜିଷ୍ଟାର ସମୀକ୍ଷା ବୈଠକରେ ସମସ୍ତ ବିଦ୍ୟାଳୟର ସୋପାନ ରେଜିଷ୍ଟାର ରକ୍ଷଣାବେକ୍ଷଣ ଓ ଅଦ୍ୟତନ ସ୍ଥିତି ସମୀକ୍ଷା କରାଯାଇଥିଲା। ନିୟମିତ ଭାବେ ରେଜିଷ୍ଟାର ଅଦ୍ୟତନ, ଶିକ୍ଷାଗତ ତଥ୍ୟ ସଠିକ ଭାବରେ ଲିପିବଦ୍ଧ କରିବା ଓ ମନିଟରିଂକୁ ଶକ୍ତ କରିବା ପାଇଁ ନିର୍ଦ୍ଦେଶ ଦିଆଯାଇଥିଲା। ‘ପଢ଼ିବା ଗଢ଼ିବା ଓଡ଼ିଶା’ କାର୍ଯ୍ୟକ୍ରମ
‘ପଢ଼ିବା ଗଢ଼ିବା ଓଡ଼ିଶା’ ଅଭିଯାନର ରୂପାୟଣ ସ୍ଥିତି ଉପରେ ଆଲୋଚନା କରାଯାଇଥିଲା। ୫ମ ଓ ଅଷ୍ଟମ ଶ୍ରେଣୀ ବୋର୍ଡ ପରୀକ୍ଷା ପ୍ରସ୍ତୁତି ଆସନ୍ତା ୫ମ ଓ ଅଷ୍ଟମ ଶ୍ରେଣୀ ବୋର୍ଡ ପରୀକ୍ଷା ପାଇଁ ଅଭ୍ୟାସ କାର୍ଯ୍ୟକ୍ରମ, ମଡେଲ ପ୍ରଶ୍ନପତ୍ର, ନିୟମିତ ପରୀକ୍ଷା ଓ ପୁନରାବୃତ୍ତି ପାଠ ଉପରେ ବିସ୍ତୃତ ଆଲୋଚନା ହୋଇଥିଲା। ଛାତ୍ରଛାତ୍ରୀଙ୍କୁ ପରୀକ୍ଷାମୁଖୀ ପ୍ରସ୍ତୁତି ପାଇଁ ସମସ୍ତ ବିଦ୍ୟାଳୟରେ ଯୋଜନାବଦ୍ଧ ଭାବରେ ଅଭ୍ୟାସ କରାଇବାକୁ ନିର୍ଦ୍ଦେଶ ଦିଆଯାଇଥିଲା।ବୈଠକରେ କ୍ଲଷ୍ଟର ଅନ୍ତର୍ଗତ ସମସ୍ତ ପ୍ରଧାନ ଶିକ୍ଷକ, ଶିକ୍ଷକ-ଶିକ୍ଷିକା ଓ ଶିକ୍ଷା କର୍ମଚାରୀମାନେ ଉପସ୍ଥିତ ଥିଲେ।