02-Feb-2026

ସିନାପାଲି(ଚିନ୍ତାମଣି ନେତାମ) ଆଜି ସକାଳ ୧୦ଟା ସମୟରେ ନୂଆପଡା ଜିଲ୍ଲା ସିନାପାଲି ବ୍ଲକ ଅନ୍ତର୍ଗତ ଖରସେଲ ଗ୍ରାମ ପଂଚାୟତ  କାର୍ଯ୍ୟାଳୟ ପରିସରରେ ଓଡିଶା ସରକାରଙ୍କ ଗାଁ ରେ ପ୍ରଶାସନ ଗ୍ରାମପଂଚାୟତସ୍ତରୀୟ ଅଭିଯୋଗ ଶୁଣାଣି ଶିବିର ଅନୁଷ୍ଠିତ ହୋଇଯାଇଛି l ଉକ୍ତ କାର୍ଯ୍ୟକ୍ରମରେ ମୁଖ୍ୟ ଅତିଥିଭାବେ  ଏବିଡିଓ ସୁବ୍ରତ ପରିଡା ସିନାପାଲି  ଉପସ୍ଥିତ ରହିଥିଲେ ଓ ଶିବିର ପରିଚାଳନା ପାଇଁ ସଭାପତି ଦାୟିତ୍ୱ ନିର୍ବାହ କରିଥିଲେ,,ସମ୍ମାନିତ ଅତିଥିଭାବେ ସରପଞ୍ଚ ବୀରେନ୍ଦ୍ର କୁମାର ଖମାରି,ଜି ପି ଡି ଓ   ସଞ୍ଜୟ କୁମାର ମହାନନ୍ଦ,  ବି ପି ସି ଘନଶ୍ୟାମ ମେହେର, ବି ଏସ ଏସ ଓ ଘନଶ୍ୟାମ ନାଏକ,  ଏ ପି ଓ ରବିରଞ୍ଜନ ରାଉତ, ସି ଡି ପି ଓ,  ଭି ଏ ଡବ୍ଲୁ  ଶ୍ରୀମତୀ  ତପସ୍ୱିନୀ ପାଢ଼ୀ,  ଗାଁ ରେ ପ୍ରଶାସନ ଅଭିଯୋଗ ସମାଧାନ ଶିବିର ମଞ୍ଚରେ ମଂଚାସୀନ ଥିଲେ l ତତ ସହିତ ମୋହନ ଶତନାମୀ ଗ୍ରାମପଂଚାୟତ କାର୍ଯ୍ୟନିର୍ବାହୀ ଅଧିକାରୀ,  ଆର ଡବ୍ଲୁ ଆର ଏସ ଏସ  କେଶବ ଚନ୍ଦ୍ର ସାହୁ, ଡି ଓ (ବି ଏସ ଏସ ଓ ) ମଣ୍ଟୁ ନାଗ,  ଏଡି ଇ ଓ  ଗୋପାଳ ଦାସ,  ଜିଓ ଟେକ  ବବ୍ଲୁ ସାହୁ, ଗାଁ ସାଥି  ମକର ପୁଞ୍ଜି, ଥବିର ନିଆଲ, ମଧୁ ନିଆଲ, ୱାର୍ଡ ମେମ୍ବର, ଅଙ୍ଗନବାଡ଼ିକର୍ମୀ,ଅଙ୍ଗନବାଡି ସୁପର ଭାଇଜର,ଏମ ବି କେ, ସି ଆର ପି, ଇସି ମେମ୍ବର,ଆଶାକର୍ମୀ, ସମସ୍ତ ଅଙ୍ଗନବାଡି କର୍ମୀ,ସମସ୍ତ ଗାଁ ସାଥି  ଜନସାଧାରଣ ଉପସ୍ଥିତ ଥିଲେ  l  ଏହି ଶୁଣାଣିରେ ମନରେଗା ଯୋଜନା କାମ ଓ ପାଉଣା, ଝିଅ ମାନଙ୍କର ବିବାହିତ ଯୋଗ୍ୟତା  ବୟସ  ୧୮ ରୁ ୩୫ ବର୍ଷ  ହୋଇଥିବା ଦରକାର ଓ  ପୁଅ ର ବୟସ  ୨୧ ରୁ  ୩୫  ବର୍ଷ ଭିତରେ ହୋଇଥିବା ଦରକାର,  ପ୍ରଧାନମନ୍ତ୍ରୀ ଆବାସ ଗୃହ ଯୋଜନା,ବାର୍ଦ୍ଧକ୍ୟ ଭତ୍ତା,ରାସ୍ତାଘାଟର ଉନ୍ନତି କରଣ,ଅନ୍ତୋଦୟ ଗୃହ ଯୋଜନା,ପାନୀୟ ଜଳର ବ୍ୟବସ୍ଥା, ଦାଦନ ଶ୍ରମିକ ମାନଙ୍କୁ ଫେରସ୍ତ ଆଣି କାମ ଯୋଗାଇବା, ପୋଖରୀ ଖନନ, ଜମିମରାମତି ଆଦି ଅନେକ ଯୋଜନାର କାର୍ଯ୍ୟ କାରିତା ଉପରେ ଆଲୋଚନା ହୋଇଥିଲା  l ସମୁଦାୟ  ୩ ଗୋଟି ଅଭିଯୋଗ କାରି ଦରଖାସ୍ତ ଦେଇଥିଲେ l ତତ ସହିତ ଏହି ଗ୍ରାମ ପଂଚାୟତ ରେ ଆସିଥିବା ଅଭିଯୋଗର  ତୁରନ୍ତ ସମାଧାନ ଏ ବି ଡି ଓ  ଶ୍ରୀଯୁକ୍ତ ପରିଡା ମହୋଦୟ କହିଥିଲେ ଓ କିଛି ଅଭିଯୋଗର ଉଚିତ ପଦକ୍ଷେପ ନେବାପାଇଁ ବିଭାଗୀୟ ଅଧିକାରୀ ମାନଙ୍କୁ ଅବଗତ କରିଥିଲେ  l ସରପଞ୍ଚ  ବୀରେନ୍ଦ୍ର କୁମାର ଖମାରି ଗ୍ରାମ ପଂଚାୟତ ର  ସର୍ବାଙ୍ଗୀନ ଉନ୍ନତି ପାଇଁ ସବୁବେଳେ ପ୍ରୟାସ ଜାରି ରଖିଛନ୍ତି  l ସେଥିପାଇଁ ବ୍ଲକ ଓ ପ୍ରଶାସନ ର ସମସ୍ତ ବିଭାଗୀୟ ଅଧିକାରୀ ମାନେ ସହଯୋଗ ଲୋଡ଼ା, ଏହା ହେଲେ ନିଶ୍ଚିତ ଭାବରେ ଏହି ପଂଚାୟତର ଉନ୍ନତି ହେବ ବୋଲି ମତ ପ୍ରକାଶ କରିଥିଲେ l