28-Jan-2026

ସିନାପାଲି: (ଚିନ୍ତାମଣି ନେତାମ) ନୂଆପଡା ଜିଲ୍ଲା ସିନାପାଲି ବ୍ଲକ ସିଙ୍ଗଝର ପଂଚାୟତ କୁଳିଆରି ବାହାଲ ଖେଳ ପଡିଆରେ ସିଜନ -୨  କ୍ରିକେଟ ଖେଳ ଉଦ୍ଘାଟିତ ହୋଇ ଯାଇଛି  l ଏହି ଉଦ୍ଘାଟନୀ ଉତ୍ସବ ରେ  ମୁଖ୍ୟ ଅତିଥି ଭାବରେ ରଘୁନାଥ ମାଝୀ, ସମ୍ମାନିତ ଅତିଥି ଭାବରେ ପୁରୁଷୋତ୍ତମ ମାଝୀ ଉପସ୍ଥିତ ଥିଲେ  l  ପେଣ୍ଡ୍ରେନ –କୁରିଆଳି ବାହାଲ ସ୍ପୋର୍ଟସ୍ ଏସୋସିଏସନ୍ ଆନୁକୁଳ୍ୟରେ ଆୟୋଜିତ ମାଁ  ଡ଼ୁମେର ଗୋଛିଏନ କ୍ରିକେଟ ଟୁର୍ଣ୍ଣାମେଣ୍ଟ ୨୦୨୬ ର ପ୍ରଥମ ମ୍ୟାଚ ଭୟଙ୍କର ରୋମାଞ୍ଚକର ହୋଇଥିଲା। ଶେଷରେ ପେଣ୍ଡ୍ରେନ  କ୍ରିକେଟ ଦଳ ଐତିହାସିକ ବିଜୟ ହାସଲ କରି ଚ୍ୟାମ୍ପିୟନ ହୋଇଥିଲା। ୧୦ ଓଭର ବିଶିଷ୍ଟ  ମ୍ୟାଚରେ  ପେଣ୍ଡ୍ରେନ ଟସ୍ ଜିତି ପ୍ରଥମେ ବେଟିଂ କରିଥିଲା। ପେଣ୍ଡ୍ରେନ ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ୧୦ ଓଭରରେ ୪ ଉଇକେଟ୍ ହରାଇ ୧୧୯ ରନ ସଂଗ୍ରହ କରିଥିଲା ଓ ବିପକ୍ଷକୁ ୯୦  ରନର ଲକ୍ଷ୍ୟ ଦେଇଥିଲା। ଶତାଧିକ ଖେଳପ୍ରେମୀ ଉପସ୍ଥିତ ହୋଇ ଦୁଇ ଦଳର ଖେଳାଳିମାନଙ୍କୁ ଉତ୍ସାହିତ କରିଥିଲେ। ଅମ୍ପାୟାର ଭାବେ  ମାନସ ରଞ୍ଜନ କୈଷ୍ୟପ, ଥବିର ମାଝୀ ,ସ୍କୋରବୋର୍ଡରେ  ମକର ବୈଠାରୁ ଦାୟିତ୍ୱ ନିଭାଇଥିଲେ।    କମିଟି ର  ସଭାପତି ଶ୍ରୀଯୁକ୍ତ  ଥବିର ମାଝୀ, ଉପସଭାପତି  ରୋହିତ ମାଝୀ,ସମ୍ପାଦକ କୁମ ଶଙ୍କର ମାଝୀ,, କୋଷାଧକ୍ଷ ଖୋର୍ଧେଶ୍ୱର ମାଝୀ, ଭାଷ୍ୟକାର ବିକାଶ ରଞ୍ଜନ କୈଶ୍ୟପ,  ସୁମୟ ମାଝୀ,ଗୌରହରୀ ମାଝୀ,ବିକ୍ରମ ମାଝୀ, ରତନ ମାଝୀ, ମୀନକେତନ ମାଝୀ,   ଦେବ କୁମର  ମାଝୀ, ବିଷମ ମାଝୀ,କୃଷ୍ଣ ମାଝୀ, ସୁରେନ୍ଦ୍ର ମାଝୀ,ଭୂପେନ୍ଦ୍ର ମାଝୀ, ମଣ୍ଟୁ ମାଝୀ,ଓମକାର ମାଝୀ,ପରମେଶ୍ୱର ମାଝୀ, ଲମ୍ବୋଦର ମାଝୀ, ବିଶିକେସନ ମାଝୀ, କୃତିବାସ ମାଝୀ, ରିତେଶ ମାଝୀ, ନରେଶ ମାଝୀ, ପ୍ରଫୁଲ୍ଲ ମାଝୀ  ଓ  ଝାଙ୍କର ନରହରି ମାଝୀ ପ୍ରମୁଖ  ସହଯୋଗ କରିଥିଲେ  l ଏହି ଟୁର୍ଣ୍ଣାମେଣ୍ଟ କେବଳ ଖେଳ ନୁହେଁ, ବରଂ ଯୁବପିଢିର ପ୍ରତିଭା, କ୍ରୀଡାମନୋଭାବ ଓ ଅଞ୍ଚଳୀୟ ଏକତାର ଉତ୍ସବ ବୋଲି ଅତିଥିମାନେ ମତପ୍ରକାଶ କରିଥିଲେ।