27-Jan-2026

ବଲାଙ୍ଗୀର (ପ୍ରେରଣା ଖବର):  ଅଲ୍ ଓଡ଼ିଶା ବ୍ୟାଙ୍କ ଏମ୍ପଲୋଇଜ୍ ଏସୋସିଏସନ ଡାକରାରେ ଆଜି ସାରା ଦେଶରେ ବ୍ୟାଙ୍କ କର୍ମଚାରୀ ମାନେ ଦିନକିଆ ଧର୍ମଘଟ ଡାକରା ଦେଇଛନ୍ତି l ସପ୍ତାହକୁ ୫ଦିନ କାର୍ଯ୍ୟଦିବସ ଦାବି ନେଇ ବ୍ୟାଙ୍କ କର୍ମଚାରୀ ମାନେ ଆନ୍ଦୋଳନକୁ ଓହ୍ଲାଇଛନ୍ତି l ଏହି ପରିପ୍ରେକ୍ଷୀରେ ଅଲ ଓଡ଼ିଶା ସେଣ୍ଟ୍ରାଲ କୋଅପରେଟିଭ ବ୍ୟାଙ୍କ ଏମ୍ପଲୋଇଜ୍ ଏସୋସିଏସନ, ବଲାଙ୍ଗୀର ଶାଖା ପକ୍ଷରୁ ଆଜି ବଲାଙ୍ଗୀର କେନ୍ଦ୍ର ସମବାୟ ବ୍ୟାଙ୍କ ର ମୁଖ୍ୟ ଶାଖା ଓ ଅନ୍ୟାନ୍ୟ ଶାଖାର ସମସ୍ତ କର୍ମଚାରୀ ନିଜର ୧ ଦଫା ଦାବି ନେଇ ବ୍ୟାଙ୍କ ସମ୍ମୁଖରେ ଧାରଣାରେ ବସିଥିଲେ l ଏହି ଧର୍ମଘଟରେ ବଲାଙ୍ଗୀର କେନ୍ଦ୍ର ସମବାୟ ବ୍ୟାଙ୍କ କର୍ମଚାରୀ ସଂଘ ସଂପାଦକ ରଞ୍ଜନ କୁମାର ମିଶ୍ର,  କାର୍ଯ୍ୟକାରୀ ସଭାପତି ସଂଜୀବ କୁମାର ଶତପଥୀଙ୍କ ସମେତ ଜ୍ୟୋତ୍ସ୍ନା ପ୍ରଧାନ, ସଂଜୀବ ମେହେର, ଜ୍ୟୋତି ରଞ୍ଜନ ପଟେ,  କିଶୋର କୁମାର ରାଜପୁତ ପ୍ରମୂଖ ସାମିଲ ଥିଲେ l

 ସର୍ବଭାରତୀୟ ସ୍ତରରେ ଅନୁଷ୍ଠିତ ଆଜିର ଆନ୍ଦୋଳନରେ ସାରା ଦେଶର ପ୍ରାୟ ୮ଲକ୍ଷ ବେଙ୍କ ଅଫିସରସ୍ ଓ କର୍ମଚାରୀ ଭାଗ ନେଇଥିଲେ l ଆଜିର ଆନ୍ଦୋଳନ ଯୋଗୁଁ ବଲାଙ୍ଗୀର ଜିଲ୍ଳା ରେ ବ୍ୟାଙ୍କିଙ୍ଗ ସେବା ବାଧାପ୍ରାପ୍ତ ହୋଇଛି l