26-Jan-2026

ବଲାଙ୍ଗୀର (ଦେବାଶିଷ ବହିଦାର ): ଆଜିର ପଵିତ୍ର ସାଧାରଣତନ୍ତ୍ର ଦିବସ ଅବସରରେ  ବଲାଙ୍ଗୀର ଜିଲ୍ଲା ଓକିଲ ସଂଘ ପକ୍ଷରୁ ସ୍ଥାନୀୟ ସିଭିଲ କୋର୍ଟ ବାର ହଲ ଠାରେ ଏକ ମାଗଣା ଚକ୍ଷୁ ପରୀକ୍ଷା ଶିବିର ଅନୁଷ୍ଠିତ ହୋଇଥିଲା  l ପ୍ରଥମେ ବଲାଙ୍ଗୀର ଜିଲ୍ଲା ଓକିଲ ସଂଘ ପକ୍ଷରୁ କୋର୍ଟ ପରିସରରେ ଜାତୀୟ ପତାକା ଉତ୍ତୋଳନ କରାଯାଇଥିଲା l ପରେ ଅନୁଷ୍ଠିତ ଚକ୍ଷୁ ପରୀକ୍ଷା ଶିବିରରେ ପ୍ରାୟ  ୧୫୦ ଜଣ ଓକିଲଙ୍କ ସମେତ ସିଭିଲ କୋର୍ଟ ଜଜ୍ ଓ କୋର୍ଟ କର୍ମଚାରୀ ମାନେ ଆଖି ପରୀକ୍ଷା କରିବା ସହ ଆବଶ୍ୟକ ସ୍ଥଳେ ଚଷମା ନେଇଥିଲେ l ବାର୍ ଓ ଵେଞ୍ଚ୍ ର ମଳିତ ସହଯୋଗରେ ଏହି ଶିବିର ସଫଳତାର ସହ ଅନୁଷ୍ଠିତ ହୋଇଥିଲା ବୋଲି ସଂଘର ସମ୍ପାଦକ ସଂଜୟ ବଗର୍ତ୍ତୀ ସୂଚନା ଦେଇଛନ୍ତି l ବାର୍ ଏବଂ ବେଞ୍ଚ ମଧ୍ୟରେ ସମନ୍ୱୟ ରକ୍ଷା କରିବା ଆମର ଉଦ୍ଦେଶ୍ୟ ବୋଲି ସଂଘର ସଭାପତି ବାସୁଦେବ ରଥ ସୂଚନା ଦେଇଛନ୍ତି l  ଅନ୍ୟ ମାନଙ୍କ ମଧ୍ୟରେ ଜିଲ୍ଳା ଦୌରା ଜଜ୍

ମଳୟ ରଂଜନ ଦାସ, ସିଭିଲ କୋର୍ଟ ରେଜିଷ୍ଟlର ସୁଦୀପ ମିଶ୍ର, ଫେମିଲି ଜଜ୍ ବିକ୍ରମ କେଶରୀ ପଟ୍ଟନାୟକ ପ୍ରମୁଖ ଆଖି ପରୀକ୍ଷା କରି ସମସ୍ତଙ୍କୁ ଉତ୍ସାହିତ କରିଥିଲେ l ବୀରମହାରାଜପୁରର ମହାନଦୀ ନେତ୍ର ଚକିତ୍ସାଳୟର ସହଯୋଗରେ ଆୟୋଜିତ ଏହି ଶିବିରରେ ଚକ୍ଷୁ ଡାକ୍ତର ରୋହିତ, ଅପ୍ଟିକାଲ୍ ଚନ୍ଦ୍ରଶେଖର ନନ୍ଦ, ଟେକ୍ନିସିଆନ  ପ୍ରଶାନ୍ତ କୁମାର ଦାସ, ବାବୁଲୁ  ସେଠୀ, ଡି ପି ଏ ଧର୍ମରାଜ ନାଏକ, ହିମାଂଶୁ, ମନୋଜ ସାହୁ ପ୍ରମୁଖ ଙ୍କ ଦ୍ୱାରା ଚକ୍ଷୁ ପରୀକ୍ଷା ଶିବିର ପରିଚାଳିତ ହୋଇଥିଲା