03-Feb-2021

ଭୁବନେଶ୍ୱର,(ଶୁଭାଶିଷ ନାୟକ): ଭିସେରା ରିପୋର୍ଟ ପାଇଁ ଝରାଫୁଲଙ୍କ ମୃତଦେହର ଅଂଶବିଶେଷ ପରୀକ୍ଷା ପାଇଁ ଭୁବନେଶ୍ୱର ପରୀକ୍ଷାଗାରକୁ ପଠାଯାଇଛି । ତା’ର ରିପୋର୍ଟ ଆସିଲେ ମୃତ୍ୟ ପ୍ରକୃତ କାରଣ ଜଣାପଡ଼ିବ ବୋଲି ପୁଲିସ ଆଶା କରିଛି । ଝରାଫୁଲଙ୍କ ମାମଲାରେ  ମୁଖ୍ୟ ଅଭିଯୁକ୍ତ ରାକେଶ ସ୍ୱାଇଁକୁ  ପୁଲିସ ୩ ଦିିନିଆ ରିମାଣ୍ଡରେ ନେଇଛି । ପ୍ରଥମ ଦିନ ତଥା ମଙ୍ଗଳବାର ରାକେଶ ଓ ଝରାଫୁଲଙ୍କ ବାପା ରମାକାନ୍ତ ନାୟକଙ୍କୁ ପୁଲିସ ମୁହାଁମୁହିଁ ଜେରା କରିଛି । ପଚରାଉଚରା ବେଳେ ରମାକାନ୍ତ କ୍ଷୋଭର ସହ ମୋ ଝିଅକୁ କାହିଁକି ମାରିଲୁ ବୋଲି ରାକେଶକୁ ପ୍ରଶ୍ନ ପଚାରିଥିଲେ । ମୁଁ ଆପଣଙ୍କ ଝିଅକୁ ମାରିନି, ତାକୁ ବହୁତ ଭଲପାଉଥିଲି ବୋଲି ରାକେଶ କହିଥିଲେ । ଖାଦ୍ୟ ବିଷକ୍ରିୟା ଯୋଗୁ ତା’ର ମୃତ୍ୟ ହୋଇଥିବା ରାକେଶ କହିଛି । 

ରାକେଶକୁ ଜେଲ୍ରୁ ଅଣାଯାଇ କୋର୍ଟରେ ହାଜର କରାଯାଇଥିଲା । ଏହାପରେ ତାଙ୍କୁ ଥାନାକୁ ନିଆଯାଇଥିଲା । ପରେ ତାଙ୍କୁ ରସୁଲପୁର ବ୍ଳକ ଅନ୍ତର୍ଗତ ରାଜେନ୍ଦ୍ରପୁର ପଞ୍ଚାୟତର ଦିଆଲଖଣ୍ଡି ଅଞ୍ଚଳର ମୃତଦେହ ଫୋପାଡ଼ିଥିବା ସ୍ଥାନକୁ ନିଆଯାଇଥିଲା । ସେଠାରେ ରାକେଶ ପୁଲିସ ଗାଡ଼ିରେ ଥାଇ ମୃତଦେହ ଫୋପାଡ଼ିଥିବା ନିର୍ଦ୍ଧିଷ୍ଟ ସ୍ଥାନ ଚିହ୍ନଟ କରାଇଥିଲା । ଏହାପରେ ପୁଲିସ ଟିମ୍ ସେହି ସ୍ଥାନକୁ ଯାଇ ଯାଞ୍ଚ କରିବା ସହ ସୁରାକ୍ ଖୋଜିଥିଲେ । ଘଟଣାସ୍ଥଳରୁ ରାକେଶକୁ ଥାନା ନିଆଯାଇଥିଲା । ଏହାପରେ ପୁଲିସ ରମାକାନ୍ତଙ୍କୁ ଥାନାକୁ ଡକାଇଥିଲେ । ଥାନାରେ ରମାକାନ୍ତକୁ ଦେଖି ରାକେଶ ହଡ଼ବଡ଼ ହୋଇଯାଇଥିଲା ।  ପରେ ପୁଲିସ ରାକେଶ ଓ ରମାକାନ୍ତଙ୍କୁ ପଚରାଉଚରା କରିଥିଲା । ରମାକାନ୍ତ ଗଣମାଧ୍ୟମକୁ ପ୍ରତିକ୍ରିୟା ଦେଇ କହିଛନ୍ତି, ଝିଅର ମୃତୁ୍ୟକୁ ୭ଦିନ ବିତିଯାଇଥିଲେ ମଧ୍ୟ ରାକେଶର ସହଯୋଗୀ ଶେଖରକୁ ପୁଲିସ ଏଯାଏଁ ଧରିବାରେ ସକ୍ଷମ ହୋଇପାରିନାହିଁ । ଏହାସହ ମୃତଦେହକୁ ବୋହିବାରେ ବ୍ୟବହୃତ ସ୍କୁଟି ଏବଂ ଝିଅର ମୋବାଇଲକୁ ମଧ୍ୟ ପୁଲିସ ଠାବ କରିପାରିନାହିଁ । 

ସେହିପରି ଭିସେରା ରିପୋର୍ଟ ପାଇଁ ଝରାଫୁଲଙ୍କ ମୃତଦେହର ଅଂଶବିଶେଷ ପରୀକ୍ଷା ପାଇଁ ଭୁବନେଶ୍ୱର ପରୀକ୍ଷାଗାରକୁ ପଠାଯାଇଛି । ତା’ର ରିପୋର୍ଟ ଆସିଲେ ମୃତ୍ୟ ପ୍ରକୃତ କାରଣ ଜଣାପଡ଼ିବ ବୋଲି ପୁଲିସ ଆଶା କରିଛି । ଅନ୍ୟପକ୍ଷରେ ଝରାଫୁଲଙ୍କ ପରିବାର ଲୋକଙ୍କୁ ସମବେଦନା ଜଣାଇବାକୁ ତାଙ୍କ ଗାଁରେ ଝାଡ଼ଖଣ୍ଡ ମୁଖ୍ୟମନ୍ତ୍ରୀ ହେମନ୍ତ ସୋରେନଙ୍କ ଭଉଣୀ ତଥା ଜେଏମ୍ଏମ୍ର ପ୍ରଦେଶ ମହିଳା ମୋର୍ଚ୍ଚା ସଭାପତି ଅଞ୍ଜନି ସୋରେନ । ଅଞ୍ଜନି ଝରାଫୁଲଙ୍କ ଗାଁରେ ପହଞ୍ଚି ତାଙ୍କ ପରିବାର ସଦସ୍ୟଙ୍କୁ ଭେଟିବା ସହିତ ଆଶ୍ୱାସନା ଦେଇଛନ୍ତି । ଝରାଫୁଲଙ୍କ ମୃତୁ୍ୟର ରହସ୍ୟ ଯଥାଶୀଘ୍ର ଉନ୍ମୋଚନ କରି ଦୋଷୀକୁ କଠୋର ଦଣ୍ଡ ଦେବାକୁ ସେ ଦାବି କରିଛନ୍ତି ।