10-Jan-2026

କଣ୍ଟାମାଳ(ଜୟ କୁମାର ମହାରଣା):  କଣ୍ଟାମାଳ ବ୍ଳକ ଖୁଣ୍ଟିଗୋରା ପଞ୍ଚାୟତ ବନ୍ଧଗୋରା ଖଡ଼ଙ୍ଗ ନଦୀ କୂଳରେ ୭ମ ଖଡ଼ଙ୍ଗ ଲୋକ ମହୋତ୍ସବ ପୂର୍ବତନ ବିଧାୟକ ମହୀଧର ରଣାଙ୍କ କରକମଳରେ ଉଦଘାଟିତ ହୋଇଯାଇଛି l ଉଦଘାଟନୀ ସନ୍ଧ୍ୟାରେ ସ୍ଥାନୀୟ କଳାକାର, ଢେଙ୍କାନାଳର ଶ୍ରୀ ସିଂହ ନାଥ ଦେବ ସାଂସ୍କୃତିକ ମଣ୍ଡଳୀ, ବୌଦ୍ଧର ରୁଦ୍ର ଭୈରବ

କଳା ପରିଷଦର କଳାକାରଙ୍କ ଦ୍ୱାରା ସାଂସ୍କୃତିକ କାର୍ଯ୍ୟକ୍ରମ ଆୟୋଜିତ ହୋଇଥିଲା l ପରେ ବରଗଡ଼ ଜିଲ୍ଲା ଚିଚିଣ୍ଡାର କଳାକାର ମାନଙ୍କ ଦ୍ୱାରା ରାବଣ ଦରବାର କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା l ଦରବାରରେ ରାଜକୀୟ ମୁଖ୍ୟ ଅତିଥି ଭାବେ ପୂର୍ବତନ ବିଧାୟକ ମହୀଧର ରଣା, ପୂର୍ବତନ ସରପଞ୍ଚ ସୁନିତା ମାଝୀ, କନ୍ଧମାଳ ଜିଲ୍ଲା ବିଜେପି ସାଧାରଣ ସମ୍ପାଦକ ଦେବେନ୍ଦ୍ର କୁଦେଇ, ଶିକ୍ଷବିତ କାର୍ତ୍ତିକେଶ୍ୱର ବେହେରା, ଆଦିବାସୀ ନେତା ପିତାମ୍ବର ଭୋଇ, ଖଡ଼ଙ୍ଗ ମହୋତ୍ସବ କମିଟି ସଭାପତି ମନୋଜ

ଦାଶ ପ୍ରମୁଖ ସମ୍ମାନିତ ଅତିଥି ଭାବେ ମଞ୍ଚାସିନ ଥିଲେ l ସୁଶାନ୍ତ ବାରିକ ମଞ୍ଚ ପରିଚାଳନା ଓ ଧନ୍ୟବାଦ ଦେଇଥିଲେ l ଦରବାରରେ ଓଡିଆ ଟେଲି ଅଭିନେତ୍ରୀ ମିଠିଙ୍କ ସଂଳାପ ଏବଂ ନୃତ୍ୟରେ ଦର୍ଶକ ମନ୍ତ୍ରମୁଗ୍ଧ ହୋଇଥିଲେ l ପରେ ସୀତା ସ୍ୱୟମ୍ବର ନାଟକ ମଞ୍ଚସ୍ଥ ହୋଇଥିଲା l ବରିଷ୍ଠ କଳାକାର ସୁଶୀଲ କୁମାର ମେହେରଙ୍କ ରାବଣ ଭୂମିକାରେ ନିଖୁଣ ଅଭିନୟ ଦର୍ଶକଙ୍କୁ ମଧ୍ୟରାତ୍ରି ପର୍ଯ୍ୟନ୍ତ ବାନ୍ଧି ରଖିଥିଲା l ଖଡ଼ଙ୍ଗ ମହୋତ୍ସବ କମିଟିର ସମସ୍ତ ସଦସ୍ୟ ପରିଚାଳନାରେ ସହଯୋଗ କରିଥିଲେ l