06-Jan-2026

ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ)
 ସୁବର୍ଣ୍ଣପୁର ଜିଲ୍ଲାପାଳଙ୍କ ସମ୍ମିଳନୀ କକ୍ଷ ଠାରେ ଜିଲ୍ଲା ପ୍ରଶାସନ ପକ୍ଷରୁ ରାଜ୍ୟ ସରକାରଙ୍କ ଦ୍ଵାରା ନବ ନିଯୁକ୍ତ ସରକାରୀ ଓକିଲ ମାନଙ୍କୁ ସ୍ବାଗତ କରିଯିବା ସହିତ ପୂର୍ବରୁ କାର୍ଯ୍ୟରତ ସରକାରୀ ଓକିଲ ମାନଙ୍କୁ ବିଦାୟୀ କାଳୀନ ସମ୍ବର୍ଦ୍ଧନା ଜ୍ଞାପନ କରାଯାଇଛି ।  ସୁବର୍ଣ୍ଣପୁର ଜିଲ୍ଲାପାଳ ଡ. ନୃପରାଜ ସାହୁଙ୍କ ସଭାପତିତ୍ବରେ ଅନୁଷ୍ଠିତ ଏହି ସଭାରେ ଆରକ୍ଷୀ ଅଧିକ୍ଷକ ନାରାୟଣ ନାୟକ, ଅତିରିକ୍ତ ଆରକ୍ଷୀ ଅଧିକ୍ଷକ କେ.କେ ହରିପ୍ରସାଦଙ୍କ ସମେତ ନବ ନିଯୁକ୍ତ ସରକାରୀ ଓକିଲ ଓ ପୂର୍ବରୁ କାର୍ଯ୍ୟରତ ସରକାରୀ ଓକିଲ ମାନଙ୍କ ସହିତ ସୁବର୍ଣ୍ଣପୁର ଜିଲ୍ଲାର ଓକିଲ ପ୍ରମୁଖ ଉପସ୍ଥିତ ଥିଲେ । ଏହି ସଭାରେ ଉଭୟ ଜିଲ୍ଲାପାଳ ଓ ଆରକ୍ଷୀ ଅଧିକ୍ଷକ ଦୋଷୀ ବ୍ୟକ୍ତି ମାନଙ୍କୁ ଅଦାଲତରେ ଦଣ୍ଡ ଦେବା ପାଇଁ ନବ ନିଯୁକ୍ତ ସରକାରୀ ଓକିଲ ମାନଙ୍କ ସହଯୋଗ କାମନା କରିଥିଲେ । ନୂତନ ଭାବରେ ନିଯୁକ୍ତ ହୋଇଥିବା ଜିପି ଭଗବତୀ ମିଶ୍ର ଓ ସ୍ପେଶାଲ୍ ପିପି ନନ୍ଦ କିଶୋର ତ୍ରିପାଠୀ, ସୁଧ ନାରାୟନ ସାହୁ ଙ୍କ ସମେତ ସମସ୍ତ ଓକିଲ ଏବଂ ପୂର୍ବରୁ କାର୍ଯ୍ୟରତ ଜିପି ବ୍ୟୋମକେଶ ଦାଶ  ଙ୍କ ସମେତ ସମସ୍ତ ଓକିଲ ଉପସ୍ଥିତ ଥିଲେ । ଏହି ଅବସରରେ ଉଭୟ ନବ ନିଯୁକ୍ତ ଏବଂ ପୂର୍ବରୁ କାର୍ଯ୍ୟରତ ସରକାରୀ ଓକିଲ ମାନେ ସେମାନଙ୍କର ଅନୁଭୂତି ବିଷୟରେ ସଭାରେ ଆଲୋଚନା କରିଥିଲେ ।