02-Feb-2021

ଗଞ୍ଜାମ (କୁମୁଦ ରଂଜନ ବେହେରା) : ଗଂଜାମ ଜିଲ୍ଲା ଖଲ୍ଲିକୋଟ ଥାନା ପୋଲିସକୁ ବଡ଼ ସଫଳତା । ୯ ବନ୍ଧୁକ ସହ ୧୩ ରାଉଣ୍ଡ ଗୁଳି, ୫ ଟି ମଗାଜିନ, ଦୁଇଟି ଖଣ୍ଡା ଓ ତିନିଗୋଟି ବାଇକ ଜବତ କରି ୫ଜଣକୁ କୋର୍ଟ ଚାଲାଣ କରିଥିବା ଏକ ସାମ୍ବାଦିକ ସମ୍ମିଳନୀରେ ସୂଚନା ଦେଲେ ଗଞ୍ଜାମ ଆଡସିନାଲ ଏସପି ଠାକୁର ପ୍ରସାଦ ପାତ୍ର । ବହୁ ଦିନ ହେଲା ଖଲ୍ଲିକୋଟ ଅଞ୍ଚଳରେ ଚୋରି, ଡକାୟତି ଓ ରାହାଜନୀ ବଢିଚାଲିଥିବା ବେଳେ ଏହା କୁ ରୋକିବା ପାଇଁ ଗଞ୍ଜାମ ଏସପିଙ୍କ ନିର୍ଦ୍ଦେଶ କ୍ରମେ ଖଲ୍ଲିକୋଟ ଥାନା ଅଧିକାରୀଙ୍କ ଏକ ସ୍ୱତନ୍ତ୍ର ଟିମ ଏହା ସବୁ ଜବତ କରିବାକୁ ସଫଳ ହୋଇଛନ୍ତି । ଗତକାଲି ଖଲ୍ଲିକୋଟ ଥାନା ଅଧିକାରୀ କୌଣସି ସୂତ୍ରରୁ ଖବର ପାଇ ସକାଳ ସମୟରେ ସାନଘାଟି ନିକଟରେ ଡକାୟତି କରିବା ଉଦ୍ଦେଶ୍ୟ ରେ ଛକି ରହିଥିବା ୪ ଜଣକୁ ଗିରଫ କରି ଡକାୟତି ଉଦ୍ୟମ କୁ ପଣ୍ଡ କରିବା ସହ ୮ଟି ବନ୍ଧୁକ ଦୁଇଟି ଖଣ୍ଡା ସହ ୧୨ରାଉଣ୍ଡ ଗୁଳି ଜବତ କରିଛି । ଏହା ସହ  କୈରାଶି ସମିତିସଭ୍ୟା ଉଷାରଣୀ ରାଉତଙ୍କ ସ୍ୱାମୀ ତଥା ବିଜେପି ନେତା ସନ୍ତୋଷ କୁମାର ରାଉତ ବେଆଇନ ବନ୍ଧୁକ ରଖିବା ନେଇ ଗିରଫ କରିଛି ଖଲ୍ଲିକୋଟ ପୋଲିସ । ତେବେ ସନ୍ତୋଷ କିଛି ରାଜନୈତିକ ତିକ୍ତତା ଯୋଗୁଁ ପ୍ରତିଶୋଧ ନେବା ଉଦ୍ଦେଶ୍ୟ ରେ ଏହିକୁ ରଖିଥିବା ପ୍ରେସ ମିଟରେ ସୂଚନା ଦେଇଛନ୍ତି ଆଡ଼ସାନାଲ ଏସପି ଶ୍ରୀ ପାତ୍ର ।