11-Dec-2025

ଆଗଲପୁର, (ବିନୋଦ ଦୀପ) ବଲାଙ୍ଗୀର ଜିଲ୍ଲା ଆଗଲପୁର ବ୍ଲକ କୁଟାସିଂହା ଗ୍ରାମ ପଞ୍ଚାୟତ ଅନ୍ତର୍ଗତ ଡୁଙ୍ଗୁରିପାଲି ଗ୍ରାମ ରେ ମା ପାଟଣେଶ୍ୱରୀ ଏସ ଏଚ ଜି ତରଫରୁ ଧାନମଣ୍ଡି ଉଦଘ।ଟିତ ହୋଇଯାଇଛି l ଏଥିରେ ମୁଖ୍ୟ ଅତିଥି ଭାବେ ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ମନ୍ତ୍ରୀ ଡ. ମୁକେଶ ମହଲିଂଗ ଯୋଗ ଦେଇଥିବା ବେଳେ ଏ ଡି ଏମ ପବିତ୍ର ବେହେରା, ଗୋଷ୍ଠୀ ଉନ୍ନୟନ ଅଧିକାରୀ କୁଲଦୀପ ମହାନ୍ତି , ଜିଲ୍ଲା ଯୋଗାଣ ଅଧିକାରୀ ରଞ୍ଜନ ପଣ୍ଡା , ଜିଲ୍ଲା ସମାଜ ମଙ୍ଗଳ ଅଧିକାରୀ ସୁଷମା ମହାପାତ୍ର ,ଜିଲ୍ଲା ମିଶନ ଶକ୍ତି ଅଧିକାରୀ ଅନିଲ ଦାହାଙ୍ଗ।,  ବ୍ଲକ ମିଶନ ଶକ୍ତି ଅଧିକାରୀ ସୁବାସ ଚନ୍ଦ୍ର ବିଶି ମଂଚାସୀନ ଅଧିକାରୀ ଭାବେ ଯୋଗ ଦେଇଥିଲେ l

ଏହା ସହିତ ଆଜି ଠାରୁ ଡୁଙ୍ଗୁରିପ।ଲି ମଣ୍ଡି ରେ ଧାନ କ୍ରୟ କରାଯିବ ବୋଲି ମନ୍ତ୍ରୀ ମୁକେଶ ମହଲିଂଗ ପ୍ରକାଶ କରିଥିଲେ l ଏଥିରେ ଏସ ଏଚ ଜି ଗ୍ରୁପ୍ ର ସଭାପତି ସୁନୀତା ଖମାରୀ ଓ ସମ୍ପାଦିକା ଅଞ୍ଜଳି ଖଣ୍ଡଗିରି ସହିତ ଗ୍ରୁପ ର ଅନ୍ୟାନ୍ୟ ମହିଳା ମାନେ ଉପସ୍ଥିତ ଥିବାବେଳେ ଜିଲ୍ଲା ତଥା ବ୍ଲକ ର ଅନ୍ୟାନ୍ୟ କର୍ମଚାରି ଉପସ୍ଥିତ ଥିଲେ । ଏହା ପୂର୍ବରୁ ଏହି ଅଞ୍ଚଳ ର ଚାଷୀ ଙ୍କୁ ମୁଣ୍ଡଶୁଣ୍ଢୀ ଧାନମଣ୍ଡି କୁ ଧାନ ବିକ୍ରୟ ପାଇଁ ଯିବାକୁ ପଡୁଥିଲା l